Matyu 16:1 - Yesus Aqa Anjam Bole

¹ Onaqa Farisi naŋgi ti Sadyusi naŋgi ti Yesus aqa areq bosibqa a anjam bei grotimqa qusib naŋgi a ojqajqa deqa gisaŋyosib minjeb, “Ni endego Qotei aqa maŋwa bei babtimqa iga unsim dena poigwas, ni Qotei aqa wau ojeqnum.”

Matyu 16:1 Iomraidhean Croise

Matyu 12:14

Onaqa Farisi naŋgi Yesus aqa kumbra di unsibqa naŋgi Qotei tal uratosib oqedosib naŋgi gam kiersib Yesus qalib moiqajqa deqa qairoqneb.

Matyu 15:1

Onaqa bati deqa Farisi naŋgi ti dal anjam qalie tamo qudei ti naŋgi Jerusalem dena bosibqa Yesus aqa areq di koroeb. Koroosib minjeb,

Matyu 16:6

Deqa Yesus a na naŋgi endegsi minjrej, “Niŋgi geregere ŋam atsib soqniye. Farisi ti Sadyusi ti naŋgo bem tiyeqnu qaji sum dena bem tiyekritosim tulaŋ kobaqujaqas. Deqa niŋgi geregere ŋam atsib soqniye.”

Matyu 19:3

Onaqa Farisi naŋgi olo Yesus aqa areq bosibqa a anjam bei grotimqa qusib naŋgi a ojqajqa deqa laŋa gisaŋyosib endegsib nenemyeb, “Tamo bei aqa ŋauŋ aqa jejamuq di une kiñala bei soqnimqa a na uratqa kere e? Gago dal anjamq di degsi unu e?”

Matyu 22:15

Onaqa Farisi naŋgi jaraiosib naŋgi anjam kie Yesus nenemyibqa a anjam grotimqa qusib naŋgi a ojqajqa deqa qairoqneb.

Matyu 22:18

Onaqa Yesus a naŋgo areqalo uge di poiyonaqa minjrej, “Niŋgi gisaŋ tamo. Kiyaqa niŋgi e anjam bei grotitqa qusib niŋgi e ojqajqa deqa gisaŋbeqnub?

Matyu 22:23

Onaqa bati qujai deqa Sadyusi tamo qudei naŋgi Yesus a nenemyqa beb. Sadyusi naŋgi mareqnub, “Tamo moreŋo qaji naŋgi olo subq na tigelqasai.” Deqa naŋgi bosib Yesus endegsib nenemyeb,

Matyu 23:2

“Farisi naŋgi ti dal anjam qalie tamo naŋgi ti dal anjam plaltoqnsib niŋgi merŋgeqnub. Agi Moses a nami dal anjam plaltoqnej dego kere.

Matyu 27:62

Ariya Juda naŋgo yori bati brantqa laqnaqa yori bati aqa iŋgi iŋgi kalil gereiyosib atnab soqnej. Deqa atra tamo kokba ti Farisi naŋgi ti Pailat aqa talq gilsib minjeb,

Matyu 5:20

E niŋgi endegsi merŋgwai. Niŋgi Qotei aqa areqalo dauryqa uratosib nuŋgo kumbra bole a dal anjam qalie tamo naŋgi ti Farisi ti naŋgo kumbra bole buŋyqasai di Qotei a niŋgi taqatŋgosim nuŋgo Mandor Koba sqasai. Deqa niŋgi laŋ qureq oqwa keresai.”

Matyu 9:11

Onaqa Farisi tamo qudei naŋgi bosib Yesus a takis o qaji tamo ti une tamo ti naŋgi koba na iŋgi uyeqnab unjrsibqa Yesus aqa aŋgro naŋgi nenemnjreb, “Nuŋgo Tamo Koba a kiyaqa takis o qaji tamo ti une tamo ti naŋgi koba na awoosib iŋgi uyeqnub?”

Mak 10:2

Onaqa Farisi naŋgi olo Yesus aqa areq bosibqa a anjam bei grotimqa qusib naŋgi a ojqajqa deqa laŋa gisaŋyosib endegsib nenemyeb, “Tamo bei na aqa uŋa uratqa kere e? Gago dal anjamq di degsi unu e?”

Mak 12:15

Onaqa Yesus a naŋgo gisaŋ anjam di poiyonaqa minjrej, “Kiyaqa niŋgi e anjam bei grotitqa qusib niŋgi e ojqajqa deqa gisaŋbeqnub? Meniŋ silali bei osi boiye. Osbab e unqai.”

Mak 12:18

Onaqa bati qujai deqa Sadyusi tamo qudei naŋgi Yesus a nenemyqa beb. Sadyusi naŋgi mareqnub, “Tamo moreŋo qaji naŋgi olo subq na tigelqasai.” Deqa naŋgi bosib Yesus endegsib nenemyeb,

Luk 10:25

Onaqa dal anjam qalie tamo bei a Yesus aqa siŋgila laŋa unqa osiqa deqa Yesus gisaŋyosiq minjej, “O Qalie Tamo Koba, e kumbra bole kie dauryosiyqa dena e ŋambile gaigai sqai?”

Luk 11:16

Onaqa tamo qudei naŋgi Yesus aqa siŋgila laŋa tenemtqa marsibqa deqa gisaŋyosib minjeb, “Ni Qotei laŋ goge di unu qaji aqa siŋgila bei babtimqa iga unsim marqom, ‘Bole, ni Qotei aqa Ŋiri.’”

Luk 20:23

Onaqa Yesus a naŋgo areqalo uge di poiyonaqa minjrej,

Luk 20:27

Onaqa Sadyusi tamo qudei naŋgi Yesus a nenemyqa beb. Sadyusi naŋgi mareqnub, “Tamo moreŋo qaji naŋgi olo subq na tigelqasai.”

Jon 8:6

Naŋgi Yesus laŋa are qameteb. Naŋgi endegsib are qaleb, “Iga Yesus laŋa are qametonam a anjam bei grotimqa qusim a ojqom.” Onaqa Yesus a kamba naŋgi anjam bei minjrosai. A mana qamsiq turuosiqa baŋ gei na mandamq di neŋgreŋyoqnej.

Aposel 4:1

Pita wo Jon wo naŋgi na tamo uŋgasari naŋgi anjam degsib minjreqnabqa atra tamo naŋgi ti Sadyusi naŋgi ti atra tal taqato tamo naŋgo gate ombla na naŋgo aiyel anjam di qusibqa tulaŋ minjiŋ oqetnjrnaqa bosib naŋgi aiyel ojeleŋosib tonto talq di breinjreb. Naŋgi aiyel na tamo uŋgasari naŋgi anjam endegsib minjroqneb, “Yesus a moisiq olo subq na tigelej deqa tamo kalil naŋgi dego moisib olo subq na tigelqab.” Utru deqa atra tamo naŋgi ti Sadyusi naŋgi ti minjiŋ oqetnjrnaqa naŋgi aiyel ojeleŋosib tonto talq di breinjreb. Bilaqtej deqa naŋgi aiyel tonto talq di uratnjrnab sonab nebeej.

Aposel 5:17

Yesus aqa aŋgro 12-pela naŋgi kumbra degyeqnabqa atra tamo gate aqa wau qujai agi Sadyusi naŋgi ti koba na unsib minjiŋ oqetnjrnaqa naŋgi ojeleŋosib tonto talq di breinjrnab soqneb.

1 Korin 1:22

Juda naŋgi Qotei aqa maŋwa unqajqa mareqnub. Grik naŋgi powo oqajqa tulaŋ siŋgilaeqnub.