Matyu 15:2 - Yesus Aqa Anjam Bole

² “Ino aŋgro naŋgi kiyaqa gago moma naŋgo dal anjam gotraŋyeqnub? Agi naŋgi iŋgi uyqa oqnsib mati baŋ yansosaisosib laŋa uyeqnub.”

Matyu 15:2 Iomraidhean Croise

Matyu 15:3

Onaqa Yesus na kamba minjrej, “Niŋgi kiyaqa Qotei aqa dal anjam gotraŋyoqnsibqa olo nuŋgo segi kumbra dauryeqnub?

Mak 7:2

Koroosib ŋam ateb Yesus aqa aŋgro qudei naŋgi iŋgi uyqa osib mati baŋ yansosaisosib laŋa uyeqnab unjreb.

Mak 7:5

Deqa bati di Farisi naŋgi ti dal anjam qalie tamo naŋgi ti Yesus nenemyeb, “Ino aŋgro naŋgi kiyaqa gago moma naŋgo dal anjam gotraŋyeqnub? Agi naŋgi iŋgi uyqa oqnsib mati baŋ yansosaisosib laŋa uyeqnub.”

Luk 11:38

Awoosib Yesus a iŋgi uyqa osiqa a Juda naŋgo moma kumbra dauryqa uratej. Deqa a baŋ mati yansosai. A laŋa iŋgi uyej. Deqa Farisi tamo a Yesus aqa kumbra di unsiqa tulaŋ prugugetej.

Galesia 1:14

E ijo moma naŋgo kumbra kalil dauryqajqa tulaŋ siŋgilaoqnem. Ijo kumbra dena e na ijo kadoi naŋgi tulaŋ buŋnjroqnem. Ijo kadoi naŋgi agi Juda tamo naŋgi.

Kolosi 2:8

O was qu, niŋgi geregere ŋam atsib soqniye. Tamo qudei naŋgi bosib naŋgo segi powo na ti gisaŋ anjam na ti nuŋgo areqalo bulyetŋgosib niŋgi naŋgo anjam dauryqajqa walawala-iŋgoqnqab. Deqa niŋgi naŋgo anjam di dauryaib. Tamo naŋgi di naŋgo moma naŋgi ti mondor uge uge laŋ ti mandam ti taqatejunub qaji naŋgi ti naŋgo anjam dauryeqnub. Naŋgi Kristus aqa areqalo dauryosaieqnub.

1 Pita 1:18

Niŋgi qalie, nami niŋgi nuŋgo moma naŋgo kumbra uge uge dauryoqneb. Ariya Qotei a nuŋgo kumbra ugeq dena niŋgi olo awaiŋgej. Mandam qa ñoro ti gol ti silva ti koboqas qaji dena niŋgi awaiŋgosai.