Matyu 11:7 - Yesus Aqa Anjam Bole

⁷ Onaqa Jon aqa aŋgro naŋgi Yesus aqa anjam di qusibqa naŋgi olo puluosib Jon minjqajqa aieqnabqa Yesus a na tamo uŋgasari gargekoba naŋgi di Jon qa endegsi minjrej, “Niŋgi nami wadau sawaq gilsibqa niŋgi tamo kiero unqajqa gileb? Niŋgi tamo silai aqa baŋga bul jagwa na pileteqnaqa di unqajqa gileb kio? Sai. Jon a tamo deqaji sai.

Matyu 11:7 Iomraidhean Croise

Matyu 11:8

Deqa niŋgi tamo kiero unqajqa wadau sawaq gileb? Niŋgi tamo gara bole walaosi laqnu qaji di unqajqa gileb kio? Di dego sai. Tamo gara bole walaeqnub qaji naŋgi mandor kokba naŋgo talq di unub.

Matyu 12:20

Silai aqa baŋga a geŋqa laqnimqa a na torei gentqasai. Lam aqa puloŋ kiñalaamqa a na torei mosotqasai. A degsim wauosim gilsim gilsim a na kumbra tiŋtiŋ torei siŋgilatqas.

Matyu 21:25

Niŋgi na merbiye. Yai na Jon qariŋyonaqa bosiqa tamo uŋgasari naŋgi yansnjroqnej? Qotei na kio? Tamo bei na kio?” Onaqa naŋgi Yesus aqa anjam di qusibqa naŋgi segi segi qairosib maroqneb, “Iga Yesus minjqom, ‘Qotei na Jon qariŋyej,’ degsi minjqom di a iga mergwas, ‘Kiyaqa niŋgi Jon aqa anjam quetosai?’

Matyu 3:5

Bati deqa tamo uŋgasari Jerusalem qureq di soqneb qaji naŋgi ti Judia sawaq di soqneb qaji naŋgi ti qure kalil Jordan ya qalaq di soqneb qaji naŋgi ti tigelosib Jon aqa areq boqneb.

Luk 8:18

“Deqa niŋgi ijo anjam geregere qusib poiŋgem. Di kiyaqa? Tamo a powo ti sqas di Qotei na powo olo yimqa a powo koba oqas. Ariya tamo a powo ti sqasai di powo kiñala aqaq di unu qaji di Qotei na olo yaiyimqa a laŋa sqas. A mareqnu, ‘E powo ti.’ Di sai. A powo saiqoji.”

Jon 1:38

Onaqa Yesus a bulosiqa naŋgi aiyel a dauryosib beqnabqa unjrsiqa nenemnjrej, “Niŋgi aiyel kiyaqa e daurbeqnub?” Onaqa minjeb, “Rabai, ni tal qabia unum?” Ñam “Rabai” di Hibru anjam. Gago anjam, “Qalie Tamo Koba.”

Jon 5:35

Jon a lam puloŋ bul sosiqa tamo naŋgi suwaŋtnjroqnej. Yeqnaqa niŋgi aqa suwaŋoq di sokiñalayoqnsib deqa areboleboleiŋgoqnej.

Efesus 4:14

Deqa iga olo aŋgro kiñilala bul sqasai. Tamo qudei naŋgi gisaŋ kumbra ti maqu kumbra ti tulaŋ qalieosib yeqnub. Deqa naŋgi gisaŋ anjam koba marsib laqnub. Jagwa na yuwal tigelteqnaqa oqe aieqnu dego kere anjam dena tamo qudei naŋgo areqalo niñaqyetnjreqnu. Ariya iga aŋgro kiñilala bul sqasai deqa anjam dena gago areqalo niñaqyetgwasai.

Jems 1:6

Ariya tamo di a Qotei pailyqa osimqa a areqalo aiyeltaiq. Osim endegsi maraiq, “Qotei na iŋgi di ebqas kio sai kio?” A degsi maraiq. A Qotei qa aqa areqalo siŋgilatosim areqalo qujaitosim pailyem. Jagwa tigelosiq yuwal korkortoqnsiqa oqe aieqnu dego kere tamo areqalo aiyelteqnu qaji a bati bei aqa areqalo siŋgilatoqnsiqa olo bati bei aqa areqalo siŋgilatosaieqnu.