Matyu 11:5 - Yesus Aqa Anjam Bole

⁵ Endegsib minjiye, ‘Tamo ŋam qandimnjro qaji naŋgi olo ŋam poinjreqnaq sawa uneqnub. Tamo jejamu lainjro qaji naŋgi olo walweleqnub. Tamo naŋgo jejamu yu na ugeeleŋo qaji naŋgo yu kalil koboeqnu. Tamo dabkala geteŋnjro qaji naŋgi olo poinjreqnaqa anjam queqnub. Tamo moreŋo qaji naŋgi olo tigeleqnub. Tamo iŋgi iŋgi saiqoji unub qaji naŋgi Qotei aqa anjam bole queqnub.’ Niŋgi aisib Jon degsib saiyosib minjiye.

Matyu 11:5 Iomraidhean Croise

Matyu 10:8

Niŋgi Israel naŋgi degsib minjroqnsibqa naŋgo ma tamo naŋgi boletnjroqniye. Tamo moreŋoqnibqa olo tigeltnjroqniye. Tamo naŋgo jejamu yu na ugeeleŋo qaji naŋgi olo gereiyetnjroqniye. Mondor uge uge naŋgi dego tamo uŋgasari naŋgo jejamuq dena winjroqniye. E na siŋgila eŋgonum qaji di niŋgi ijoq dena awaiyosai. E na laŋa eŋgonum. Deqa niŋgi dego tamo naŋgi laŋa gereinjroqniye. Naŋgi awai bei yainjraib.

Matyu 11:4

Onaqa Yesus na kamba minjrej, “Anjam nuŋgo dabkala na queqnub qaji ti kumbra nuŋgo ŋamdamu na uneqnub qaji ti deqa aisib Jon geregere saiyosib minjiye.

Matyu 12:13

Yesus a naŋgi degsi minjrsiqa tamo baŋ qandamyej qaji di minjej, “Ni ino baŋ waiy.” Degsi minjnaqa aqa baŋ waiyonaq boleej. Aqa baŋ bei ombla na kerekereeb.

Matyu 21:14

Yesus a atra tal miligiq di sonaqa tamo ŋam qandimnjro qaji ti tamo siŋga qandamnjro qaji ti naŋgi aqa areq beqnabqa a na naŋgi kalil boletnjroqnej.

Matyu 5:3

“Tamo uŋgasari qudei naŋgi endegsi poinjrqo, naŋgi Qotei aqa ŋamgalaq di tulaŋ keresai. Naŋgi degsi poinjrqo deqa naŋgi tulaŋ areboleboleinjreme. Di kiyaqa? Qotei laŋ qureq di unu qaji a naŋgo Mandor Koba sosim naŋgi taqatnjrqas.

Matyu 9:30

Ojnaqa naŋgo ŋamdamu poinjrnaqa naŋgi sawa uneb. Onaqa Yesus a siŋgila na minjrej, “Nuŋgo ŋamdamu boleqo deqa niŋgi tamo qudei naŋgi minjraib.”

Mak 7:37

Mare mare laqnabqa tamo gargekoba quoqnsibqa naŋgi tulaŋ prugeleŋoqnsib maroqneb, “Kumbra kalil Yesus a yeqnu qaji di a geregere yeqnu. Agi a na tamo dabkala geteŋnjro qaji naŋgi boletnjreqnaqa naŋgo dabkala olo waqeqnaqa naŋgi anjam queqnub. Tamo meŋ siŋgilainjro qaji naŋgi dego gereinjreqnaqa naŋgi anjam bole mareqnub.”

Mak 9:25

Onaqa tamo uŋgasari tulaŋ gargekoba naŋgi gurgur ti bosib Yesus aqa areq di koroeqnabqa Yesus a naŋgi unjrsiqa mondor uge di ŋiriŋtosiq minjej, “Ni mondor uge. Ni na aŋgro di aqa dabkala getentonum. Ni aqa medabu dego getentonum. Deqa ni aŋgro di uratosim ulaŋ. Olo aqa jejamuq gilaim.”

Luk 4:18

“Tamo Koba Qotei na e giltbej deqa aqa Mondor ijoq di unu. A na e giltbosiqa endegsi merbej, ‘Ni na tamo uge uge naŋgi ijo anjam bole plaltosim minjroqne.’ Agi Qotei na e qariŋbonaq mandamq aiem deqa e na tamo uŋgasari naŋgo segi une na siŋgila na ojejunu qaji naŋgi Qotei aqa anjam bole minjroqnitqa naŋgo une uratoqnqab. E na tamo ŋam qandimo unub qaji naŋgi boletnjroqnitqa naŋgi olo ŋamdamu poinjroqnqas. Tamo naŋgi naŋgo jeu tamo na ugeugeinjreqnub qaji naŋgi aqaryainjroqnitqa naŋgo gulube kobooqnqas.

Jon 10:25

Onaqa Yesus na kamba minjrej, “E nami niŋgi merŋgonum, ‘E Kristus.’ Merŋgonumqa niŋgi quonub ugeiŋgwo. Wau kalil e ijo Abu aqa ñam na yeqnum qaji di niŋgi geregere tenemtoqniye. Tenemtosib endegsi poiŋgwas, ‘Bole, Yesus a Kristus.’

Jon 10:38

Ariya e Qotei aqa wau yeqnum. Deqa niŋgi ijo anjam quib ugeiŋgim niŋgi ijo wau uniye. Unsib poiŋgwas, bole, e Qotei aqa Ŋiri. Osib dena niŋgi geregere qalieqab, ijo Abu na e beterbejunu. E na ijo Abu beteryejunum.”

Jon 2:23

Ariya Qotei a nami Israel naŋgi Isip sawaq dia padalqa laqnabqa eleŋosiq aqaryainjrej deqa are qalqajqa yori bati brantonaqa Yesus a Jerusalem di sosiqa Qotei aqa maŋwa gargekoba babteqnaqa tamo uŋgasari tulaŋ gargekoba naŋgi unoqnsibqa aqa ñam qa naŋgo areqalo siŋgilatoqneb.

Jon 3:2

A qolo Yesus aqa areq bosiqa minjej, “O Qalie Tamo Koba, iga qalieonum, Qotei na ni qariŋmej deqa ni bosim gago qalie tamo unum. Qotei a tamo bei ombla sqasai di a maŋwa ni yeqnum qaji di babtqa keresai.”

Jon 5:36

“Ariya anjam e palonteqnum qaji dena Jon tulaŋ buŋyejunu. Wau kalil ijo Abu na e yosiy kobotqajqa ebej qaji wau dena Jon aqa wau tulaŋ buŋyejunu. E wau di yeqnum deqa tamo uŋgasari naŋgi unoqnsib endegsi poinjreqnu, ijo Abu na e qariŋbonaq bem.

Jon 9:7

Atsiqa qariŋyosiq minjej, “Ni gilsim ya bei ñam Siloam di yal.” “Siloam” di Hibru anjam. Aqa damu, “Qariŋyqo.” Onaqa tamo di gilsiq yalonaqa ŋam poiyonaqa sawa unej. Sawa unsiqa olo puluosi bej.

Aposel 2:22

“Deqa Israel tamo uŋgasari, niŋgi ijo anjam endi quiye. Niŋgi qalie, Qotei na Yesus Nasaret qaji a qariŋyonaq mandamq aisiqa kumbra gargekoba nuŋgo ambleq di yoqnej. Kumbra yeqnaqa niŋgi unoqnsib maroqneb, ‘Bole, Qotei na Yesus qariŋyonaq bej.’

Jems 2:5

O ijo was bole, niŋgi quiye. Qotei a tamo iŋgi iŋgi saiqoji unub qaji naŋgi qa osiqa giltnjrej. Yim naŋgi a qa naŋgo areqalo siŋgilaboletibqa a na naŋgi taqatnjrsim naŋgo Mandor Koba sqajqa deqa. Agi Qotei a nami endegsi marej, “Tamo uŋgasari e qalaqalaibeqnub qaji naŋgi e na taqatnjrsiy naŋgo Mandor Koba sqai.” Ariya mandam endeqaji tamo uŋgasari naŋgi mareqnub, “Tamo iŋgi iŋgi saiqoji unub qaji naŋgi tamo uge.”