Matyu 11:16 - Yesus Aqa Anjam Bole

¹⁶ “Tamo uŋgasari bini bati endeqa unub qaji naŋgo kumbra qa e yawo anjam kiersiy marqai? Naŋgi tamo kiero? E naŋgi qa endegsi marqai. Naŋgi aŋgro du du bul qure ambleq dia alaŋoqnsib aŋgro qudei na qudei minjreqnub,

Matyu 11:16 Iomraidhean Croise

Matyu 11:15

Tamo a dabkala ti sqas di a ijo anjam endi geregere quem.

Matyu 11:17

‘Iga yumba anjamonumqa niŋgi lou tuosai. Iga are uge qa louonumqa niŋgi akamosai.’”

Matyu 12:34

Niŋgi tamo uge. Niŋgi amal uge bul. Niŋgi kiersib anjam bole maroqnqab? Tamo naŋgo areqalo naŋgo are miligiq di unu qaji di naŋgo medabuq na branteqnu.

Matyu 23:36

Niŋgi quiye. E bole merŋgwai. Une kalil di aqa awai uge Qotei na osim tamo uŋgasari bini bati endeqa unub qaji naŋgi enjrqas.”

Matyu 23:7

Naŋgi koro sawaq dia dego tamo uŋgasari naŋgi na unjroqnsib naŋgo ñam soqtoqnsib ‘O Qalie Tamo’ degsib minjroqnsib baŋ ojetnjroqnqajqa deqa naŋgi areboleboleinjreqnu.

Matyu 24:34

Niŋgi quiye. E bole merŋgwai. Tamo uŋgasari bini bati endeqa unub qaji naŋgi kalil moreŋosaisoqnibqa kumbra kalil e na merŋgonum qaji endi branteleŋqas.

Mak 12:38

Onaqa Yesus a Qotei aqa anjam bei palontosiq endegsi minjrej, “Dal anjam qalie tamo naŋgi kumbra uge uge yoqnsib laqnub. Deqa niŋgi na naŋgo kumbra uge di geregere tenemtoqniye. Tenemtsib naŋgo kumbra di dauryaib. Naŋgo kumbra uge agi ubtsiy merŋgwai. Naŋgi bati gaigai koro sawaq dia gara jugo olekokba jugoqnsib laqnibqa tamo uŋgasari naŋgi na naŋgi unjrsib naŋgo ñam soqtetnjrsib baŋ ojetnjroqnqajqa deqa naŋgi gara walaosi laqnub.

Mak 4:30

Yesus a na naŋgi yawo anjam degsi minjrsiq koboonaqa olo endegsi minjrej, “Qotei a tamo uŋgasari naŋgo Mandor koba sosiq naŋgi taqatnjreqnu kumbra di aqa utru niŋgi geregere poiŋgwajqa deqa yawo anjam bei endegsi merŋgwai.

Luk 11:43

“O Farisi tamo, niŋgi tulaŋ padalougetqab. Di kiyaqa? Niŋgi Qotei tal miligiq dia tamo ñam ti naŋgo awo jaramq dia awooqnibqa tamo uŋgasari naŋgi na niŋgi nuŋgoqnsib biŋiŋgwajqa deqa niŋgi areboleboleiŋgeqnu. Niŋgi koro sawaq dia dego tamo uŋgasari naŋgo ŋamdamuq dia laqnibqa naŋgi na niŋgi nuŋgoqnsib nuŋgo ñam soqtetŋgsib baŋ ojetŋgoqnqajqa deqa niŋgi areboleboleiŋgeqnu.

Luk 13:18

Onaqa Yesus na olo minjrej, “Qotei a tamo uŋgasari naŋgo Mandor Koba sosiq naŋgi taqatnjreqnu. Yawo anjam kie niŋgi merŋgitqa anjam di aqa utru niŋgi geregere poiŋgwas?