Matyu 11:11 - Yesus Aqa Anjam Bole

¹¹ Deqa niŋgi quiye. E bole merŋgwai. Jon yansnjro qaji a na tamo kalil mandamq endi unub qaji naŋgi tulaŋ buŋnjrejunu. Ariya tamo qudei ñam saiqoji unub qaji naŋgi Qotei na taqatnjroqnsiqa a naŋgo Mandor Koba unu. Deqa tamo naŋgi di Jon tulaŋ buŋyejunub.

Matyu 11:11 Iomraidhean Croise

Matyu 11:10

Agi nami e mandamq aiosaisonamqa Qotei a Jon qa endegsi merbej, ‘Ni que. E na tamo bei ijo anjam marqajqa qariŋyitqa a ni qa namoosim ino gam gereiyetmqas.’ Tamo di agi Jon. Anjam di agi Qotei aqa neŋgreŋq di unu.

Matyu 11:12

“Jon yansnjro qaji a anjam marqajqa bati brantej dena bosi bosiq agi bini tamo naŋgi waukobaoqnsib tulaŋ siŋgilaeqnub. Agi naŋgi Qotei na taqatnjrsim naŋgo Mandor Koba sqa maroqnsib deqa naŋgi siŋgila na qotoqnsib waukobaoqnsib siŋgilaeqnub.

Matyu 3:1

Ariya bunuqna Jon yansnjro qaji tamo a Judia naŋgo wadau sawaq di brantej. Brantosiq di sosiqa tamo uŋgasari naŋgi Qotei aqa anjam palontosiq minjroqnej.

Matyu 3:11

“Niŋgi are bulyqajqa deqa e ya na niŋgi laŋa yansŋgeqnum. Ariya Tamo Koba a bunuqna ijo qoreq na bqas. A tamo siŋgila koba. Ijo siŋgila aqa siŋgila ti keresai. Deqa e a kaŋgalyqajqa e tamo bolesai. A bosimqa Qotei aqa Mondor aqa siŋgila na ti ŋamyuo na ti niŋgi yansŋgwas.

Matyu 5:19

Deqa niŋgi quiye. Tamo bei a Qotei aqa dal anjam mutu kiñala bei uge qa marsimqa tamo uŋgasari naŋgi dego titnjroqnim naŋgi uge qa marqab tamo di aqa ñam tulaŋ kiñala sqas. Deqa Qotei na a taqatosim aqa Mandor Koba sqasai. Ariya tamo bei a Qotei aqa dal anjam kalil dauryoqnsimqa tamo uŋgasari naŋgi dego dauryqa minjroqnqas tamo di aqa ñam kobaquja sqas. Deqa Qotei na a taqatosim aqa Mandor Koba sqas.

Luk 1:15

Aŋgro di a ñam kobaquja osimqa Tamo Koba Qotei aqa ŋamdamuq di tamo bolequja sqas. A wain ti ya siŋgila ti uyoqnqasai. A aqa ai miligiq di soqnimqa Qotei aqa Mondor Bole na a geregere taqatesqas.

Luk 7:28

Deqa niŋgi quiye. E bole merŋgwai. Jon yansnjro qaji a na tamo kalil mandamq endi unub qaji naŋgi tulaŋ buŋnjrejunu. Ariya tamo qudei ñam saiqoji unub qaji naŋgi Qotei na taqatnjroqnsiqa a naŋgo Mandor Koba unu. Deqa tamo naŋgi dena kamba Jon tulaŋ buŋyejunub.”

Jon 1:15

A qa nami Jon na tamo uŋgasari naŋgi minjroqnsiqa endegsi leleŋoqnej, “E tamo deqa nami endegsi merŋgoqnem, ‘Tamo ijo qoreq na bqas qaji a na e tulaŋ buŋbejunu. Di kiyaqa? E ŋambabosaisonamqa a nami soqnej deqa.’”

Jon 1:27

Agi e nami a qa endegsi merŋgoqnem, ‘A ijo qoreq na bqas.’ E nami niŋgi degsi merŋgoqnem. Tamo di a ñam ti. E ñam saiqoji. Deqa e na a kaŋgalyqajqa e tamo bolesai.”

Jon 10:41

Sonaqa tamo uŋgasari gargekoba naŋgi aqaq giloqneb. Aqaq giloqnsib segi segi maroqneb, “Bole, Jon a na aqa anjam siŋgilatqa osiqa Qotei aqa maŋwa bei babtosaioqnej. Ariya anjam kalil a na Yesus qa maroqnej qaji di bole.”

Jon 3:30

Kristus aqa ñam tulaŋ kobaqas. Ijo ñam aguq aiqas.” Jon a na naŋgi degsi minjrej.

Jon 5:35

Jon a lam puloŋ bul sosiqa tamo naŋgi suwaŋtnjroqnej. Yeqnaqa niŋgi aqa suwaŋoq di sokiñalayoqnsib deqa areboleboleiŋgoqnej.

Jon 7:39

Yesus a ya qa marej di a Qotei aqa Mondor qa sigitosiqa yawo anjam marej. Yesus a laŋ qureq oqsiq ñam koba osaisoqnej deqa Qotei aqa Mondor bosaisoqnej. A bunuqna oqsim Qotei aqa Mondor qariŋyim bamqa tamo naŋgi Yesus qa naŋgo areqalo siŋgilatqab qaji naŋgi Qotei aqa Mondor oqab. Deqa Yesus a yawo anjam degsi marej.

1 Korin 15:9

E degsi maronum. Di kiyaqa? E nami Qotei aqa tamo uŋgasari naŋgi ugeugeinjroqnem. Deqa tamo naŋgi e Yesus aqa anjam maro tamo bolesai degsib merbqab di kere. Di kiyaqa? Ijo ñam tulaŋ aguq aiejunu deqa. Yesus aqa anjam maro tamo kalil naŋgi na e buŋbejunub.

1 Korin 6:4

Deqa nuŋgo ambleq di tamo qudei naŋgi anjam bei soqnim kiyaqa naŋgi anjam pegiyo tamo Qotei qaliesai qaji naŋgi qa gileqnub? Tamo naŋgi di Kristen tamo sai.

Efesus 2:3

Nami iga kalil dego tamo naŋgi di koba na laqnem deqa iga gago areqalo namij dauryoqnem. Iga gago jejamu qa areqalo uge uge dauryosim laqnem deqa Qotei aqa minjiŋ tamo uge uge naŋgoq di unu qaji di gagoq di dego soqnej.

Efesus 3:8

Qotei aqa tamo uŋgasari kalil naŋgi na e tulaŋ buŋbejunub. Ariya Qotei a e qa are boleiyosiq wau ebej. E na sawa bei bei qaji tamo naŋgi Kristus aqa anjam bole minjre minjre laqajqa deqa osiq e wau ebej. Anjam bole di aqa utru agiende. Kristus na iga laŋ qaji iŋgi bole bole egeqnu. Iŋgi bole bole di aqa utru iga na ubtsim marqa keresai.

2 Timoti 1:10

Ariya bini bati endeqa Kristus Yesus agi iga eleŋej qaji a boleq dej. Osiqa iga qa moiej aqa wau dena Qotei a iga qa are tulaŋ boleiyej. Kumbra di dego boleq dej. Kristus Yesus a moio aqa siŋgila kobotej. Iga aqa anjam bole marsim laqnum gam dena tamo uŋgasari kalil naŋgi endegsi poinjreqnu, “Bole, iga ŋambile gaigai sqom.”

Hibru 11:40

Di kiyaqa? Qotei na iŋgi tulaŋ boledamu iga kalil egwa marsiqa atej unu. Ariya Qotei na tamo nami soqneb qaji naŋgi torei boletnjrimqa naŋgi namoosib iga buŋgosib iŋgi tulaŋ boledamu di oqa saidnjrej. Osiqa a iga qa tariŋeqnu. Mondoŋ a na iga ti tamo nami soqneb qaji naŋgi ti turtgosim iga kalil torei boletgwajqa deqa marsiqa iga qa tariŋeqnu.

1 Pita 1:10

Nami Qotei aqa medabu o qaji tamo naŋgi kumbra bole kalil Qotei na niŋgi bini eŋgeqnu qaji deqa anjam maroqneb. Naŋgo anjam di aqa utru naŋgi qalieqa osib deqa geregere ŋamoqnsib wauoqneb.