Matyu 11:1 - Yesus Aqa Anjam Bole

¹ Yesus a na aqa aŋgro 12-pela naŋgi anjam degsi minjrsiq koboonaqa a sawa di uratosiqa qure qureq giloqnsiqa tamo uŋgasari naŋgi Qotei aqa anjam plaltosiq minjroqnej.

Matyu 11:1 Iomraidhean Croise

Matyu 28:20

O ijo aŋgro, anjam kalil e nami niŋgi merŋgoqnem qaji di niŋgi walwelosib tamo uŋgasari naŋgi minjroqnsib laqniye. Laqnibqa naŋgi quoqnsib dauryoqnqab. Niŋgi segi sosib wauoqnqab edegaib. E bati gaigai niŋgi koba na wauoqnsiy sqai. Degsim soqnim soqnim diŋo bati brantqas.”

Matyu 4:23

Yesus a dena walwelosiqa Galili sawa keretoqnsiqa Juda naŋgo Qotei tal miligiq giloqnsiqa Qotei aqa anjam palontosiq minjroqnej. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam bole di Yesus na palontosiq minjroqnej. Osiqa tamo ma utru segi segi so qaji naŋgi boletnjroqnej.

Matyu 7:28

Yesus a anjam di kalil marsiq koboonaqa tamo uŋgasari tulaŋ gargekoba naŋgi di aqa anjam qusib naŋgi tulaŋ prugeleŋeb.

Matyu 9:35

Ariya Yesus a dena walwelosiqa qure kokba ti qure kiñilala ti dia brantoqnsiqa Juda naŋgo Qotei tal miligiq giloqnsiqa Qotei aqa anjam palontosiq minjroqnej. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam bole di Yesus na palontosiq minjroqnej. Osiqa tamo ma utru segi segi naŋgi boletnjroqnej.

Mak 6:12

Yesus a na aqa aŋgro 12-pela naŋgi anjam degsi minjrsiq qariŋnjrnaqa naŋgi tigelosib qure qureq giloqnsibqa Qotei aqa anjam palontosib minjroqneb. Endegsib minjroqneb, “Niŋgi are bulyiye.”

Luk 23:5

Degsi minjrnaqa naŋgi na kamba minjeb, “Yesus a na tamo uŋgasari naŋgi kumbra uge uge yqajqa deqa areqalo tigeltetnjreqnu. Agi a Galili sawaq dia aqa wau utru atsiqa dena Judia sawaq gilsiq qure qure kalilq dia walweloqnsiqa tamo uŋgasari naŋgi kumbra uge uge yqajqa deqa areqalo tigeltetnjreqnu. Dena bosiq gago qure endia dego kumbra degyeqnu.”

Luk 8:1

Bati bei Yesus a walwelosiqa qure kokba ti qure kiñilala ti dia brantoqnsiqa Qotei a tamo uŋgasari naŋgo Mandor Koba sosim naŋgi taqatnjrqas anjam bole di minjre minjre laqnej. Tamo 12-pela agi Yesus na aqa anjam mare mare laqajqa giltnjrej qaji naŋgi Yesus koba na walweloqneb.

Jon 15:10

Niŋgi ijo dal anjam kalil dauryoqnqab di niŋgi ijo qalaqalaiyo kumbra ti sqab. E ijo Abu aqa dal anjam dauryoqnsimqa aqa qalaqalaiyo kumbra ti unum dego kere.

Jon 15:14

Niŋgi ijo anjam e na merŋgeqnum qaji endi dauryoqnqab di niŋgi ijo segi kadoi bole sqab.

Aposel 1:2

Neŋgreŋyosim gilsimqa Qotei na Yesus osiq laŋ qureq oqej di patem. Yesus a laŋ qureq oqosaisosiqa aqa segi aŋgro giltnjrej qaji naŋgi koroinjrsiqa Qotei aqa Mondor na medabu siŋgilatetonaqa minjrej, “Niŋgi walweloqnsib ijo anjam mare mare laqniye.” Degsi minjrsiqa naŋgi uratnjrsiq laŋ qureq oqej.

Aposel 10:38

Qotei na aqa Mondor siŋgila koba ti unu qaji di Yesus yonaqa a walweloqnsiqa kumbra bole bole yoqnsiqa tamo uŋgasari Satan na ugetnjro qaji naŋgi kalil boletnjroqnej. Qotei a Yesus ombla soqneb deqa a siŋgila ti wauoqnej.

Aposel 10:42

Yesus a na nami iga endegsi mergej, ‘Niŋgi na tamo uŋgasari naŋgi e qa endegsib minjroqniye, “Yesus a segi qujai Qotei na giltej qaji. Deqa mondoŋ a na qujai tamo ŋambile unub qaji ti tamo nami moreŋeb qaji naŋgi ti naŋgo une qa peginjrsim naŋgi ŋamyuoq wainjrqas.” ’ Yesus a na nami iga degsi mergej.

1 Tesalonaika 4:2

Anjam kalil iga nami Tamo Koba Yesus aqa ñam na niŋgi merŋgoqnem qaji di niŋgi segi qalie.

2 Tesalonaika 3:10

Niŋgi qalie, iga niŋgi koba na sosimqa endegsi merŋgoqnem, “Tamo a wauqasai di a iŋgi uyqasai dego.”

2 Tesalonaika 3:6

Ariya was qu, gago Tamo Koba Yesus Kristus aqa ñam na iga anjam bei niŋgi endegsi merŋgwom. Was qudei naŋgi gago anjam iga nami niŋgi merŋgoqnem qaji di dauryqa uratosib wauqajqa asginjreqnu. Deqa niŋgi na was naŋgi di qoreinjrsib isaq giliye. Niŋgi naŋgi koba na saib.

1 Timoti 6:14

Anjam ni nami qusim ojem qaji di ni olo geregere daurye. Osim ni anjam di ugetaim. Ugetqasai di tamo naŋgi ni qa anjam uge bei marqa keresai. Ni anjam di dauryosim gilsim gilsim gago Tamo Koba Yesus Kristus a olo laŋ qureq dena brantim ni unqam.