Matyu 10:9 - Yesus Aqa Anjam Bole

⁹ “Niŋgi gol ti silva ti meniŋ silali kapa ti osi gilaib.

Matyu 10:9 Iomraidhean Croise

Matyu 10:8

Niŋgi Israel naŋgi degsib minjroqnsibqa naŋgo ma tamo naŋgi boletnjroqniye. Tamo moreŋoqnibqa olo tigeltnjroqniye. Tamo naŋgo jejamu yu na ugeeleŋo qaji naŋgi olo gereiyetnjroqniye. Mondor uge uge naŋgi dego tamo uŋgasari naŋgo jejamuq dena winjroqniye. E na siŋgila eŋgonum qaji di niŋgi ijoq dena awaiyosai. E na laŋa eŋgonum. Deqa niŋgi dego tamo naŋgi laŋa gereinjroqniye. Naŋgi awai bei yainjraib.

Mak 6:7

Osiqa bati bei a na aqa aŋgro 12-pela naŋgi metnjrnaqa aqa areq bonabqa naŋgi mondor uge uge winjroqnqajqa deqa siŋgila enjrej. Osiqa minjrej, “Niŋgi aiye aiyel giloqnsibqa qure qureq dia ijo anjam palontosib laqniye.

Luk 22:35

Osiqa Yesus na aqa aŋgro naŋgi endegsi minjrej, “Nami e na niŋgi qariŋgosim merŋgem, ‘Niŋgi gilsib ijo anjam mare mare laqniye.’ Osim endegsim merŋgem, ‘Niŋgi silali ti gilaib. Nuŋgo qaquŋ aib. Siŋga taqal jigaib.’ Degsi merŋgonamqa niŋgi gileb. Gilsibqa niŋgi iŋgi bei qa truqueb e?” Onaqa naŋgi na minjeb, “Sai. Iga iŋgi bei qa truquosai.”