Matyu 10:6 - Yesus Aqa Anjam Bole

⁶ Niŋgi Israel tamo uŋgasari naŋgo segiq giloqniye. Israel naŋgi tulaŋ sougetejunub. Naŋgi kaja bul mandor saiqoji.

Matyu 10:6 Iomraidhean Croise

Matyu 18:10

“Deqa niŋgi aŋgro kiñilala e qa naŋgo areqalo siŋgilateqnub qaji naŋgi qa ugeaib. E niŋgi endegsi merŋgwai. Naŋgo laŋ aŋgro naŋgi na naŋgi taqatnjroqnsibqa ijo Abu laŋ qureq di unu qaji aqa ulatamu bati gaigai unoqnsib naŋgi qa pailyeqnub.

Matyu 18:11

E segi Tamo Aŋgro. E na tamo uŋgasari padalejunub qaji naŋgi oqajqa deqa marsim mandamq aiem.

Luk 24:47

Deqa niŋgi gilsib e qa mare mare laqnsibqa sawa sawa kalilq dia tamo uŋgasari naŋgi anjam endegsib minjroqniye, ‘Niŋgi are bulyiye. Yibqa Qotei a Yesus aqa ñam na nuŋgo une kalil kobotetŋgwas.’ Niŋgi tamo uŋgasari naŋgi anjam degsib minjroqnsib kumbra kalil e nami nuŋgo ŋamdamuq di yoqnem qaji deqa naŋgi sainjroqniye. Niŋgi Jerusalem dia wau utru atsib dena walwelosib sawa sawa kalilq dia ijo anjam minjre minjre laqniye.

Aposel 13:46

Deqa Pol wo Barnabas wo naŋgi na Juda tamo kokba naŋgi siŋgila na endegsib minjreb, “Qotei na aqo Barnabas wo qariŋgosiq mergej, ‘Niŋgi aisib namoqna Juda naŋgo segiq di brantoqnsib ijo anjam minjroqniye.’ Qotei na iga degsi mergej deqa iga bosim Qotei aqa anjam niŋgi Juda tamo uŋgasari namoqna merŋgonum. Merŋgonumqa agi niŋgi na gago anjam qusib gotraŋyonub. Nuŋgo kumbra dena niŋgi nuŋgo segi jejamuq di une atsib niŋgi ŋambile gaigai sqajqa gam uratonub. Deqa niŋgi quiye. Bini aqo aiyel niŋgi uratŋgsimqa sawa bei bei qaji tamo naŋgoq gilsim Qotei aqa anjam naŋgi minjroqnqom.

Aposel 18:6

Degsi minjreqnaqa Juda naŋgi Pol aqa anjam di qusib gotraŋyoqnsib Pol misiliŋyoqneb. Deqa Pol a na aqa segi gara jugo tumbrum butuyosiqa minjrej, “Niŋgi padalqab di nuŋgo segi une na niŋgi padalqab. Ijo une na sai. Deqa bini e niŋgi uratŋgsiy sawa bei bei qaji tamo naŋgoq giloqnsiyqa Yesus aqa anjam naŋgi segi minjroqnqai.”

Aposel 26:20

E aqa anjam di dauryosim tigelosim Damaskus qureq aiem. Aisim dia Qotei aqa anjam plaltoqnsimqa tamo uŋgasari naŋgi endegsi minjroqnem, ‘Niŋgi are bulyosib Qotei aqaq bosib nuŋgo kumbra uge uge kalil uratosib kumbra bole bole yoqniye. Amqa tamo uŋgasari naŋgi nuŋgo kumbra di unsib endegsi poinjrqas, “Bole, naŋgi bole are bulyonub.” ’ E Jerusalem dia, Judia sawaq dia, sawa bei beiq dia dego tamo uŋgasari naŋgi anjam degsi minjroqnem.

Aposel 3:26

Osiqa bunuqna aqa wau tamo Yesus osiqa qariŋyonaq namoqna nuŋgoq aiej. Yesus a nuŋgoq aisim niŋgi kalil aqaryaiŋgimqa niŋgi nuŋgo kumbra uge kalil uratqajqa deqa are qalsiq Yesus qariŋyonaq nuŋgoq aiej.”

1 Pita 2:25

Nami niŋgi kaja du du bul sosibqa nuŋgo segi areqalo na aleloqnsib laqneb. Ariya bini niŋgi olo Mandor Koba Yesus aqa areq bonub deqa a na nuŋgo qunuŋ geregere taqatejunu.