Matyu 10:5 - Yesus Aqa Anjam Bole

⁵ Osiqa aŋgro 12-pela naŋgi di qariŋnjrsiqa minjrej, “Niŋgi qure qureq giloqniye. Ariya niŋgi tamo sawa bei bei qaji naŋgoq giloqnaib. Samaria naŋgo qureq dego giloqnaib.

Matyu 10:5 Iomraidhean Croise

Matyu 22:3

A maruro atsiqa aqa kaŋgal tamo qudei qariŋnjrnaqa naŋgi tigelosib tamo naŋgi nami aqa maruro unqajqa minjrej qaji naŋgi qa gilsib metnjreb, ‘Niŋgi boiye.’ Onaqa naŋgi bqa asginjrej.

Matyu 4:15

“Gam kobaquja Jordan ya qalaq dena aiejunu qaji di Galili sawa ambleq na aiejunu. Aisiqa yuwalq di diŋejunu. Gam qalaq dia Sebulun sawa ti Naptali sawa ti unub. Tamo uŋgasari gargekoba naŋgi sawa bei beiq dena beleŋosib Galili sawaq di unub.

Mak 6:7

Osiqa bati bei a na aqa aŋgro 12-pela naŋgi metnjrnaqa aqa areq bonabqa naŋgi mondor uge uge winjroqnqajqa deqa siŋgila enjrej. Osiqa minjrej, “Niŋgi aiye aiyel giloqnsibqa qure qureq dia ijo anjam palontosib laqniye.

Luk 10:1

Bati bei Tamo Koba Yesus na tamo kalil a dauryosib laqneb qaji naŋgi metnjrnaqa aqa areq bonabqa naŋgo ambleq dena tamo 72 naŋgi giltnjrej. Naŋgi aqa anjam mare mare laqajqa deqa giltnjrej. Giltnjrsiqa naŋgi aiye aiyel qariŋnjrimqa naŋgi a qa namoosib qure kalil a segi bunuqna walwelosim gilqas qaji naŋgi deq gilqajqa minjrsiqa qariŋnjrej.

Luk 10:33

“Ariya olo sokiñalayonaq Samaria tamo bei a dego gam dena walwelosiq gilej. Juda naŋgi mareqnub, ‘Samaria naŋgi tamo uge.’ A gilsiq tamo di unsiqa a qa tulaŋ dulosiqa aqa areq gilsiqa goreŋ ti wain ti osiq aqa jejamu pupoiyeleŋeb qaji di yanseleŋosiqa qoseleŋetej. Osiqa a soqtosiqa aqa donki quraq di atsiqa osi gilsiqa tamo ŋereŋo qaji talq dia gereiyosiq taqatoqnej.

Luk 17:16

Gilsiq Yesus aqa siŋgaq dia siŋga pulutosiqa biŋiyosiq minjej, “O Tamo Koba, ni keretsimqa ijo jejamu boletonum.” Tamo di a Samaria qaji.

Luk 9:1

Bati bei Yesus na aqa aŋgro 12-pela naŋgi koroinjrsiqa naŋgi mondor uge uge winjroqnqajqa deqa ti tamo naŋgo ma kobotetnjroqnqajqa deqa ti siŋgila enjrej.

Luk 9:2

Siŋgila enjrsiq qariŋnjrsiqa minjrej, “Niŋgi giloqnsibqa Qotei a tamo uŋgasari naŋgo Mandor Koba sosiqa naŋgi taqatnjreqnu anjam di minjre minjre laqnsibqa naŋgo ma kobotetnjroqniye.”

Jon 17:18

Nami ni na e qariŋbonam mandamq aisim tamo uŋgasari naŋgo ambleq di soqnem. Deqa e na kamba ijo segi tamo uŋgasari naŋgi qariŋnjritqa mandam endeqa tamo uŋgasari naŋgo ambleq di sqab.

Jon 20:21

Onaqa Yesus na olo minjrej, “Niŋgi are lawo na soqniye. E ijo Abu na qariŋbonaq mandamq aiem. Dego kere e na niŋgi qariŋgitqa gilsib ijo anjam mare mare laqniye.”

Jon 4:20

Gago moma naŋgi nami Samaria manaq endia korooqnsib Qotei qa louoqneb. Ariya niŋgi Juda tamo niŋgi mareqnub, ‘Qotei qa louqajqa sawa qujai agi Jerusalem.’”

Jon 4:5

Aisiq Samaria naŋgo qure kiñala bei aqa ñam Sikar di brantej. Qure qalaq dia mandam taqal bei soqnej. Mandam taqal di Jekop a nami aqa ŋiri Josep yej.

Jon 4:9

Onaqa Samaria uŋa dena Yesus kamba minjej, “Ni Juda tamo. E Samaria uŋa. Deqa ni kiyaqa e merbonum, ‘Ya gambaŋ tigsim e anaibe’?” Uŋa a na degsiqa Yesus minjej. Di kiyaqa? Juda naŋgi Samaria naŋgi ti koba na anjam marosaieqnub deqa.

Jon 7:35

Onaqa Juda naŋgi segi segi maroqneb, “Yesus a qabitimqa iga a unqasai? A Grik naŋgo sawaq gilqas kio? Gilsim dia Juda tamo qudei naŋgi koba na sosib Grik naŋgi anjam minjroqnqas kio?

Jon 8:48

Onaqa Juda naŋgi Yesus aqa anjam di qusibqa minjeb, “Iga bole maronum, ni Samaria qaji tamo. Mondor uge inoq di unu.”

Aposel 1:8

Ariya Qotei aqa Mondor nuŋgoq bamqa niŋgi siŋgila osib e qa anjam mare mare laqniye. Niŋgi Jerusalem endia, Judia sawaq dia, Samaria sawaq dia, sawa sawa kalil keretosib e qa anjam mare mare laqniye.”

Aposel 8:1

Naŋgi Stiven qalnab moinaqa Sol a unsiqa tulaŋ areboleboleiyej. Osiqa marej, “Keretosib Stiven qalnub moiqo.” Onaqa tamo qudei Qotei aqa kumbra dauryoqneb qaji naŋgi Stiven moiej deqa are ugeinjrnaqa akamosib bosib aqa jejamu osib subq ateb. Bati deqa Juda tamo kokba naŋgi Jerusalem dia tamo uŋgasari Yesus qa naŋgo areqalo siŋgilateb qaji naŋgi qa tulaŋ minjiŋ oqetnjrnaqa ugeugeinjroqneb. Deqa naŋgi segi segi jaraiosib Judia sawa ti Samaria sawa ti deq giloqneb. Ariya Yesus aqa aŋgro 12-pela naŋgi segi Jerusalem di soqneb. Naŋgi jaraiosai.

1 Tesalonaika 2:16

Osib iga na sawa bei bei qaji tamo uŋgasari naŋgi Qotei aqa anjam minjrqajqa gam getentetgeqnub. Sawa bei bei qaji tamo naŋgi Qotei na eleŋaim deqa maroqnsib gam getentetgeqnub. Deqa naŋgi bati gaigai naŋgo segi une tulaŋ kobaqujateqnub. Naŋgo kumbra dena Qotei aqa minjiŋ bosiq naŋgoq di unu.