Matyu 10:4 - Yesus Aqa Anjam Bole

⁴ Bei Saimon agi Rom naŋgi winjrqajqa maroqnej qaji. Ariya bei Judas Iskariot agi Yesus osiqa jeu tamo naŋgo baŋq di atej qaji a di. Yesus aqa aŋgro 12-pela naŋgo ñam agide.

Matyu 10:4 Iomraidhean Croise

Matyu 26:14

Onaqa Judas Iskariot a tigelosiqa atra tamo kokba naŋgoq gilej. Judas a Yesus aqa aŋgro 12-pela naŋgi deqaji bei.

Matyu 26:15

A naŋgoq gilsiqa minjrej, “Niŋgi na awai kie ebibqa e Yesus osiy nuŋgo baŋq di atqai?” Onaqa naŋgi na meniŋ silali 30 yeb.

Matyu 26:2

“Niŋgi qalie, Juda naŋgo yori bati koba jojomqo. Bati aiyel unu. Qotei a nami Israel naŋgi Isip sawaq dia padalqa laqnabqa eleŋosiq aqaryainjrej. Iga deqa olo are qalqajqa bati agi jojomqo. Deqa yori bati di brantimqa Juda gate kokba naŋgi na e Tamo Aŋgro ojsib jeu tamo naŋgo baŋq di e atibqa naŋgi na e ŋamburbasq di lubib moiqai.” Yesus a na aqa aŋgro naŋgi degsi minjrej.

Matyu 26:47

Onaqa Yesus aqa aŋgro 12-pela naŋgi deqaji bei agi Judas a na qaja tamo gargekoba naŋgi sebru ti torom ti eleŋonab joqsiqa Yesus aqa areq di branteb. Atra tamo kokba ti Juda gate kokba ti naŋgi na naŋgi qariŋnjrnab Yesus ojqa beb.

Matyu 27:3

Ariya atra tamo kokba ti Juda gate kokba ti naŋgi anjam keretosib Yesus qalqajqa marnabqa Judas a qusiqa olo areqalo bei osiqa naŋgo areq bosiq minjrej, “E une kobaquja yonum. Tamo e nuŋgo baŋq di atonum qaji di a une saiqoji. Niŋgi a laŋa qalsib moiotqab. Deqa meniŋ silali 30 niŋgi na ebeb qaji endi olo oiye.” Degsi minjrnaqa naŋgi na kamba minjeb, “Di ino segi une. Silali di olo iga egaim. Di ni ame.”

Mak 14:10

Onaqa Judas Iskariot a tigelosiqa atra tamo kokba naŋgoq gilej. Judas a Yesus aqa aŋgro 12-pela naŋgi deqaji bei. A naŋgoq gilsiqa minjrej, “E Yesus osiy nuŋgo baŋq di atitqa niŋgi na qalqab.”

Mak 14:43

Onaqa Yesus aqa aŋgro 12-pela naŋgi deqaji bei agi Judas a na qaja tamo gargekoba naŋgi sebru ti torom ti eleŋonab joqsiqa Yesus aqa areq di branteb. Atra tamo kokba ti dal anjam qalie tamo naŋgi ti Juda gate kokba ti naŋgi na naŋgi qariŋnjrnab Yesus ojqa beb.

Luk 22:3

Onaqa Satan a Judas aqa miligiq aiej. Judas aqa ñam bei Iskariot. A dego Yesus aqa aŋgro 12-pela naŋgi deqaji bei.

Luk 22:47

Ariya Yesus aqa aŋgro 12-pela naŋgi deqaji bei agi Judas a na qaja tamo gargekoba naŋgi joqsiqa Yesus aqa areq di branteb. Brantonabqa Judas a Yesus aqa areq bosiq kundoqyej.

Jon 13:2

Ariya bilaqtonaqa a na aqa aŋgro naŋgi joqsiqa koba na awoosib iŋgi uyoqneb. Iŋgi uyeqnabqa Satan a Judas Iskariot aqa are miligiq aisiqa Judas na Yesus osim jeu tamo naŋgo baŋq di atqajqa areqalo di tigeltetej. Judas a Saimon Iskariot aqa ŋiri.

Jon 6:64

Ariya niŋgi qudei e qa nuŋgo areqalo siŋgilatosaieqnub.” Yesus a naŋgi degsi minjrej. Di kiyaqa? Aqa aŋgro yai naŋgi a qa naŋgo areqalo siŋgilatqasai di a nami qalieej. Tamo yai na Yesus ojsim jeu tamo naŋgo baŋq di atqas qaji di dego a nami qalieej.

Jon 6:71

Yesus a Saimon Iskariot aqa ŋiri Judas qa degsi marej. Yesus aqa aŋgro 12-pela naŋgi deqaji bei agi Judas. A na bunuqna Yesus ojsim jeu tamo naŋgo baŋq di atqas qaji.

Aposel 1:25

Judas a wau di uratosiqa moisiq sawa uge ni nami a aiqajqa giltem qaji deq aiej.”