Matyu 10:3 - Yesus Aqa Anjam Bole

³ Ariya Filip wo Bartolomyu wo. Bei Tomas naŋgi takis o qaji tamo Matyu wo. Bei Alfias aqa ŋiri Jems naŋgi Tadius wo.

Matyu 10:3 Iomraidhean Croise

Matyu 18:17

Ariya a naŋgo anjam dego quetnjrosaiamqa ni na Yesus aqa tamo uŋgasari kalil naŋgi metnjrim koroosib ni taqmosib ino was aqa une di olo minjqab. Ariya a naŋgo anjam dego quetnjrosaiamqa ni na a qoreiye. Une tamo ti takis o qaji tamo ti naŋgi qoreinjreqnub dego kere ni na ino was di qoreiye.

Matyu 9:9

Onaqa Yesus a dena walwelosiqa takis o qaji tamo bei aqa ñam Matyu a takis o qaji talq di awesonaq gilsiq itej. Osiqa minjej, “Ni e daurbe.” Degsi minjnaqa a tigelosiqa Yesus dauryej.

Mak 15:40

Ariya Yesus a ŋamburbasq di moinaqa uŋgasari qudei naŋgi isaq di tigelesosib Yesus koqyesoqneb. Bei Maria Makdala qure qaji. Maria bei agi Jems yala wo Joses wo naŋgo ani. Uŋa bei Salome.

Mak 2:14

Dena walwelosiq takis o qaji tamo bei aqa ñam Livai a takis o qaji talq di awesonaq gilsiq itej. A Alfias aqa ŋiri. A itosiqa minjej, “Ni e daurbe.” Degsi minjnaqa a tigelosiqa Yesus dauryej.

Mak 3:18

Ariya Andru wo Filip wo. Bei Bartolomyu naŋgi Matyu wo. Bei Tomas. Bei Alfias aqa ŋiri Jems. Bei Tadius. Bei Saimon agi Rom naŋgi winjrqajqa maroqnej qaji.

Luk 18:10

“Tamo aiyel naŋgi Qotei pailyqajqa marsibqa atra tal miligiq gileb. Bei Farisi tamo. Bei takis o qaji tamo.

Luk 18:11

Naŋgi atra tal miligiq gilsibqa Farisi tamo a namo tigelosiqa aqa segi jejamu soqtosiqa endegsi pailyej, ‘O Qotei, e tamo qudei naŋgi unub dego sai. E gisaŋ na tamo uŋgasari naŋgi silali yainjrosaieqnum. E sambala kumbra yosaieqnum. E kumbra uge bei dego yosaieqnum. E takis o qaji tamo di bul sai.

Luk 18:13

Farisi tamo a degsiqa Qotei pailyej. Onaqa takis o qaji tamo a kiñala isaq di tigelesosiqa laŋ goge koqyosim pailyqajqa jemaiyonaqa turuosiqa are soqoŋyosiqa marej, ‘O Qotei, e une ti. Deqa ni e qa dulosimqa ijo une kalil kobotetbe.’ Takis o qaji tamo a degsiqa Qotei pailyej.”

Luk 5:27

Yesus a dena walwelosiqa takis o qaji tamo bei aqa ñam Livai a takis o talq di awesonaq gilsiq itej. Osiqa minjej, “Ni e daurbe.”

Jon 1:48

Onaqa Nataniel na Yesus nenemyej, “Ni kiersim e qa qalieonum?” Onaqa Yesus na kamba minjej, “Filip a ni metmosaisonaqa ni qura utruq di awesonamqa e ni numonum.”

Jon 11:16

Onaqa Tomas aqa ñam bei Didimus a na Yesus aqa aŋgro qudei naŋgi minjrej, “Uŋgum. Iga kalil aisim Yesus a ti moiqom.”

Jon 14:22

Onaqa Judas bei Judas Iskariot sai a na Yesus endegsi nenemyej, “O Tamo Koba, kiyaqa ni tamo uŋgasari kalil mandamq endi unub qaji naŋgoq di brantqa saidosim gago segiq di brantoqnsim ni segi qa babtoqnqam?”

Jon 14:5

Onaqa Tomas na Yesus minjej, “O Tamo Koba, qure ni oqwam qaji di iga qaliesai. Deqa iga kiersim qure deq oqwajqa gam qalieqom?”

Jon 14:9

Onaqa Yesus na minjej, “O Filip, e bati olekoba niŋgi koba na soqnem. Ni e qa qalieosaiunum e? Tamo a e nubqo di a ijo Abu dego unqo. Deqa ni kiyaqa e merbonum, ‘Ni na ino Abu iga osorge’?

Jon 21:2

Ya agu qalaq dia Yesus aqa aŋgro 7-pela naŋgi soqneb. Aŋgro bei Saimon Pita. Bei Tomas aqa ñam bei Didimus. Bei Nataniel. Nataniel aqa qure utru Kana. Kana a Galili sawaq di unu. Sebedi aqa ŋiri aiyel naŋgi dego ya agu qalaq di soqneb. Ariya Yesus aqa aŋgro aiyel dego naŋgi koba na soqneb.

Aposel 12:17

Onaqa Pita a aqa baŋ soqtosiqa naŋgi anjam marqa getentnjrnaqa naŋgi kirionabqa Tamo Koba Yesus na tonto talq dena oqeq atej deqa naŋgi sainjrej. Osiqa minjrej, “Niŋgi gilsib Kristen was kalil Jems ombla endegsib minjriye, ‘Pita a tonto talq dena oqedqo.’” Pita a naŋgi degsi minjrsiqa naŋgi uratnjrsiq tal beiq gilej.

Aposel 15:13

Sainjrsib koboonaqa Jems a kamba tigelosiqa naŋgi kalil endegsi minjrej, “O ijo was kalil, e na anjam bei niŋgi merŋgit quiye.

Aposel 21:18

Nebeonaqa iga Pol ombla na Jems unqajqa aqa talq gilem. Kristen gate kalil naŋgi Jems koba na koroesonab iga gilsim tal gogetosim naŋgi itnjrem. Nami Qotei na Pol qariŋyonaqa a sawa bei beiq dia laqnsiqa tamo uŋgasari naŋgi Yesus aqa anjam minjre minjre laqnej. Deqa a Jerusalem dia Kristen gate naŋgi itnjrsiqa aqa wau deqa naŋgi sainjrej.

Galesia 1:19

E Jerusalem di soqnem bati di e Yesus aqa anjam maro tamo bei unosai. E Tamo Koba Yesus aqa aube Jems a segi unem.

Galesia 2:9

Tamo uŋgasari naŋgi mareqnub, Jems na Pita na Jon na naŋgi qalub Kristen naŋgo gate kokba. Ariya naŋgi qalub qalieeb, Qotei a e qa are boleiyosiq wau ebej. Deqa naŋgi aqo Barnabas wo gago baŋ ojsib mergeb, “Niŋgi gago Kristen was bole.” Osib naŋgi iga ti areqalo qujaitosim anjam endegsi keretem, aqo Barnabas wo sawa bei beiq dia Qotei aqa wau yoqnqom. Ariya naŋgi Juda naŋgo ambleq di wauoqnqab.

Jems 1:1

E Jems. E Qotei wo Tamo Koba Yesus Kristus wo naŋgo wau tamo. Niŋgi Israel naŋgo moma utru 12-pela naŋgo leŋ deqaji. Niŋgi nuŋgo segi segi qure utru uratosib jaraiosib sawa sawa kalil keretosib di unub. Deqa e na anjam endi neŋgreŋyosim niŋgi qa qariŋyonum. O was niŋgi kaiye.

Jut 1:1

E Jut. E Yesus Kristus aqa wau tamo. E Jems aqa was. E na anjam endi neŋgreŋyosim niŋgi tamo uŋgasari Qotei na metŋgej qaji niŋgi qa qariŋyonum. Gago Abu Qotei a na niŋgi tulaŋ qalaqalaiŋgeqnu. Yesus Kristus a segi na niŋgi taqatŋgeqnu.