Matyu 10:16 - Yesus Aqa Anjam Bole

¹⁶ Osiqa Yesus a olo anjam endegsi minjrej, “Niŋgi quiye. Niŋgi kaja du du bul deqa e na niŋgi qariŋgitqa gilsib bauŋ juwaŋ naŋgo ambleq dia walweloqnqab. Deqa niŋgi amal naŋgo kumbra dauryoqniye. Amal naŋgi geregere ŋam atoqnsib laqnub. Dego kere niŋgi geregere are qaloqnsib walweloqniye. Niŋgi binoŋ naŋgo kumbra dego dauryoqniye. Binoŋ naŋgi kumbra uge yosaieqnub. Dego kere niŋgi kumbra uge yqajqa are qaloqnaib.

Matyu 10:16 Iomraidhean Croise

Matyu 24:25

“Niŋgi quiye. Kumbra kalil di brantosaisonaqa agi e namoqna merŋgonum.

Matyu 24:45

Osiqa Yesus a olo anjam endegsi minjrej, “Wau tamo yai a areqalo bole ti sosiqa gaigai wau bole yeqnu? Wau tamo di tal lanja a na endegsi minjqas, ‘Ni na ijo wau tamo kalil naŋgi geregere taqatnjroqnsimqa naŋgo iŋgi uyqajqa batioqnimqa iŋgi anainjroqnsim soqne.’

Matyu 25:2

Duŋgeŋge 5-pela naŋgi nanari. Duŋgeŋge 5-pela naŋgi powo ti.

Matyu 25:4

Ariya duŋgeŋge 5-pela naŋgi powo ti deqa naŋgi naŋgo lam osibqa lam ya dego jaliŋaq di qamsib osi aieb.

Matyu 25:9

Onaqa duŋgeŋge powo ti naŋgi na kamba minjreb, ‘Lam ya endi gago segi qa kere. Iga ti niŋgi qa ti keresai. Deqa niŋgi olo sumsib nuŋgo segi lam ya awaiyiye.’

Luk 10:3

“Deqa niŋgi giliye. Niŋgi quiye. Niŋgi kaja du du bul deqa e na niŋgi qariŋgitqa gilsib bauŋ juwaŋ naŋgo ambleq dia walweloqnqab.

Luk 21:15

Di kiyaqa? E segi na nuŋgo medabu siŋgilatetŋgsiy areqalo eŋgitqa niŋgi kamba anjam minjroqnqab. Minjroqnibqa naŋgi na anjam bei nuŋgo jejamuq di qametŋgwa yoqnib ugeinjroqnqas.

Aposel 20:29

E qalie, e niŋgi uratŋgitqa gisaŋ anjam maro tamo qudei naŋgi nuŋgo ambleq aiqab. Bauŋ juwaŋ na kaja ugeugeinjreqnub dego kere gisaŋ anjam maro tamo naŋgi di nuŋgo ambleq aisib Qotei aqa tamo uŋgasari naŋgi ugeugeinjroqnqab.

1 Korin 14:20

O was qu, niŋgi aŋgro kiñilala naŋgi bulosib nanariosib walwelaib. Niŋgi tamo bole bole naŋgi bulosib areqalo bole na walweloqniye. Niŋgi qalie, aŋgro mom naŋgi kumbra uge qa poinjrosaieqnu. Deqa niŋgi kumbra uge kalil qa aŋgro mom naŋgi bulosib nanariosib soqniye.

2 Korin 1:12

O was qu, e ijo kumbra bei endeqa tulaŋ areboleboleibqo. Ijo are miligiq di e qalieonum, e kumbra bole tiŋtiŋ segi dauryoqnsim yeqnum. Kumbra Qotei na osorbej qaji di segi e dauryoqnsim yeqnum. E mandam tamo naŋgoq dena powo osim kumbra di yosaieqnum. Qotei a e qa are boleiyosiq kumbra di osorbej deqa e yeqnum. Deqa e tamo uŋgasari kalil naŋgo ambleq dia kumbra di yeqnum. Agi e nuŋgo ambleq di dego nami kumbra di tulaŋ koba yoqnem.

2 Korin 11:14

O was qu, niŋgi naŋgo kumbra di unsib niŋgi deqa tulaŋ prugaib. Iga qalie, Satan a dego gisaŋoqnsiqa aqa kumbra bulyoqnsiqa Qotei aqa laŋ aŋgro bole riaŋ ti unub qaji naŋgi buleqnu.

2 Korin 11:3

Ariya e amal uge Satan qa are qalsim deqa e niŋgi qa ulaonum. A gisaŋ ani tamo deqa a nami Iv gisaŋyonaqa a une atej. Une di niŋgi qa bosim nuŋgo areqalo ugetetŋgimqa niŋgi Kristus a segi qujai qalaqalaiyqajqa urataib deqa e niŋgi qa ulaonum.

2 Korin 8:20

Iga silali di taqateqnum deqa tamo qudei naŋgi iga qa yomuqab kio. Degaib deqa iga na was bei di osim koba na silali di taqateqnum.

Filipai 2:15

Niŋgi kumbra degyqab di niŋgi Qotei aqa aŋgro boledamu une saiqoji sqab. Sosib niŋgi ŋambile gaigai sqajqa anjam ojesosib mandam qa tamo uŋgasari naŋgo ambleq di laqnsib suwaŋ qa kumbra naŋgi osornjroqnqab. Tamo uŋgasari naŋgi di kumbra bole dauryqa uratoqnsib olo kumbra uge uge yeqnub. Deqa mondoŋ Kristus a olo bosim naŋgo une deqa naŋgi peginjrqas. Yim bati deqa e nuŋgo kumbra bole qa tulaŋ areboleboleibim e qalieqai, ijo wau kalil e nuŋgo ambleq di yoqnem qaji di e laŋa yosaioqnem.

Kolosi 1:9

Iga nuŋgo kumbra bole deqa qusimqa bati deqa iga niŋgi qa pailyqa osim utru atem. Deqa bini iga gaigai niŋgi qa Qotei pailyoqnsim unum. Iga endegsi pailyeqnum, “O Abu, ni na Kolosi Kristen naŋgi aqaryainjrimqa naŋgi ino areqalo geregere poinjrqas. Yimqa ino Mondor na naŋgi powo enjroqnimqa naŋgi ino anjam kalil geregere qalieosib dauryoqnqab.

Kolosi 4:5

Niŋgi tamo Yesus qaliesai qaji naŋgo ambleq di sosibqa niŋgi areqalo bole dauryoqnsib kumbra bole bole yoqniye. Osib bati gaigai Kristus aqa kumbra naŋgi osornjrqajqa are qaloqniye.

1 Tesalonaika 2:10

Iga na niŋgi tamo uŋgasari Kristus qa nuŋgo areqalo siŋgilateqnub qaji niŋgi kumbra bole osorŋgoqnem. Iga kumbra uge bei osorŋgosai. Iga Qotei aqa ŋamgalaq dia kumbra bole tiŋtiŋ nuŋgo ambleq di yoqnem. Di niŋgi qalie. Qotei a dego qalie.

1 Tesalonaika 5:22

Osib kumbra uge kalil uratoqniye.