Matyu 1:22 - Yesus Aqa Anjam Bole

²² Kumbra kalil di brantej deqa anjam bei Tamo Koba Qotei aqa medabu o tamo bei nami marej qaji di aqa damu dego brantej. A endegsi marej,

Matyu 1:22 Iomraidhean Croise

Matyu 12:17

Yesus a kumbra di yej deqa anjam bei Qotei aqa medabu o tamo Aisaia nami marej qaji di aqa damu brantej. A endegsi marej,

Matyu 13:21

Ariya anjam di naŋgo are miligiq tulaŋ guma aiosai. Deqa naŋgi sokiñalayibqa bunuqna Qotei aqa anjam gotraŋyo qaji tamo qudei naŋgi bosib naŋgi gulube enjrsib ugeugeinjrqab. Yimqa naŋgo areqalo Yesus qa siŋgilateqnub qaji di naŋgi olo ulontqab.

Matyu 13:35

A kumbra di yej deqa anjam bei Qotei aqa medabu o tamo bei nami marej qaji di aqa damu brantej. A endegsi marej, “E na niŋgi yawo anjam merŋgoqnqai. Tulaŋ nami yawo anjam di aqa damu uliesoqnej. Sosi sosiq agi bini uliejunu. Deqa yawo anjam aqa damu di e na boleq atsiy niŋgi saiŋgwai.”

Matyu 2:15

Gilsib di sonabqa bunuqna Herot a moiej. Josep a kumbra di yej deqa anjam bei Tamo Koba Qotei aqa medabu o tamo bei nami marej qaji di aqa damu brantej. A endegsi marej, “Ijo aŋgro mel a Isip sawaq di soqnimqa e dena metit a Isip sawa uratosim ijoq olo bqas.”

Matyu 2:23

Onaqa Josep a Qotei aqa anjam di dauryosiqa Galili sawaq gilej. Gilsiq qure bei aqa ñam Nasaret di soqnej. A di soqnej deqa anjam bei Qotei aqa medabu o tamo qudei naŋgi nami maroqneb qaji di aqa damu brantej. Naŋgi endegsib maroqneb, “Naŋgi a qa maroqnqab, ‘A Nasaret tamo.’”

Matyu 5:17

Osiqa Yesus a olo anjam endegsi minjrej, “Niŋgi e qa endegsib are qalaib, ‘Yesus a Moses aqa dal anjam ti Qotei aqa medabu o qaji tamo naŋgo anjam ti taqal waiyqajqa bej.’ Niŋgi e qa degsib are qalaib. E deqa bosai. E anjam di kalil daurysiy keretqa bem.

Matyu 8:17

A kumbra di yej deqa anjam bei Qotei aqa medabu o tamo Aisaia nami marej qaji di aqa damu brantej. A endegsi marej, “Kristus a na gago ma utru segi segi kalil yaiyetgoqnsiq taqal waiyeqnu.”

Luk 21:22

Qotei a nami marej, ‘Bati deqa e na tamo uŋgasari naŋgo une qa peginjrsiy naŋgi ñumqai.’ Qotei a nami degsi marej. Deqa bati di brantimqa Qotei aqa anjam kalil nami neŋgreŋyeb qaji di aqa damu brantqas.

Luk 24:44

Uysiqa minjrej, “Nami e niŋgi koba na sosimqa bati deqa e niŋgi endegsim merŋgem, ‘Dal anjam kalil Moses na nami e qa neŋgreŋyej qaji di aqa damu brantqas. Anjam kalil Qotei aqa medabu o tamo naŋgi nami e qa neŋgreŋyeleŋeb qaji di aqa damu dego brantqas. Anjam kalil louqa buk miligiq di nami e qa neŋgreŋyeb qaji di dego aqa damu brantqas.’ E nami niŋgi degsi merŋgem.”

Jon 10:35

Agi nami Qotei a tamo naŋgi endegsi minjrej, ‘Niŋgi qotei.’ Qotei aqa anjam kalil neŋgreŋq di unu qaji di iga olo bulyqa keresai.

Jon 15:25

Naŋgo kumbra uge dena Qotei aqa dal anjam bei nami neŋgreŋyeb qaji di aqa damu branteqnu. Agi nami endegsib neŋgreŋyeb, ‘Tamo naŋgi na e laŋa jeutbeqnub.’

Jon 17:12

E naŋgi ti sosimqa ino ñam kobaquja ni na ebem qaji ñam dena naŋgi taqatnjroqnem. Deqa ijo aŋgro bei padalosai. Ijo aŋgro qujai agi ni na nami padalqajqa giltem qaji a segi padalqas. A padalamqa ino anjam bei nami neŋgreŋyeb qaji di aqa damu brantqas.

Jon 18:9

Yesus a naŋgi anjam degsi minjrej deqa aqa anjam bei nami marej qaji di aqa damu brantej. Agi a nami endegsi marej, “O Abu, tamo kalil ni na e ebem qaji bei e na uratit padalqasai.”

Aposel 3:18

Nami Qotei na aqa medabu o qaji tamo kalil naŋgo medabu siŋgilatetnjreqnaqa naŋgi endegsib maroqneb, ‘Kristus agi Qotei na giltqo qaji a jaqatiŋ koba osim moiqas.’ Ariya bunuqna niŋgi na Yesus qalnab moiej. Niŋgi kumbra di yonabqa Qotei aqa medabu o qaji tamo naŋgo anjam nami maroqneb qaji di aqa damu agi brantej.

Rom 1:2

Tulaŋ nami Qotei na aqa medabu o qaji tamo naŋgi minjrnaqa naŋgi aqa anjam bole di osib neŋgreŋyeb unu. Neŋgreŋ di Qotei aqa segi neŋgreŋ.

Uli Anjam 17:17

Qotei a segi na mandor kokba naŋgi di areqalo enjrimqa naŋgi na uŋa di degsib ugeugeiyqab. Qotei a segi nami marej, ‘E na areqalo enjritqa naŋgi kumbra di yqab.’ Qotei a nami degsi marej. Deqa bati brantimqa Qotei na areqalo enjrimqa naŋgi areqalo qujaitosib naŋgo segi siŋgila ti ñam ti kalil wagme juwaŋ di yqab. Naŋgi kumbra degyibqa Qotei aqa anjam kalil nami marej qaji di aqa damu brantqas.