Mak 9:7 - Yesus Aqa Anjam Bole

⁷ Onaqa laŋbi aisiqa naŋgi kabutnjrnaqa laŋbi miligiq dena anjam bei endegsi brantonaq naŋgi queb, “Endi ijo Aŋgro qujai e na tulaŋ qalaqalaiyeqnum qaji. Niŋgi aqa anjam quetoqniye.”

Mak 9:7 Iomraidhean Croise

Matyu 27:43

A segi mareqnu, ‘E Qotei qa ijo areqalo siŋgilatejunum. E segi Qotei aqa Ŋiri.’ Aqa anjam di boleamqa Qotei na a aqaryaiyim ŋamburbas uratosim mandamq aiem.”

Matyu 27:54

Ariya qaja tamo naŋgi ŋamburbasq dia Yesus taqatesoqneb qaji naŋgo gate koba ombla na mimiŋ dosiq mandam reŋgiŋyonaq meniŋ kokba paraparaeleŋonab unsibqa naŋgi tulaŋ ulaugetosib mareb, “Bole. Tamo endi a Qotei aqa Ŋiri.”

Matyu 3:17

Unnaqa laŋ goge dena Qotei a anjam marnaqa tamo uŋgasari naŋgi aqa kakoro queb. A endegsi marnaq queb, “Di ijo aŋgro qujai. E na a tulaŋ qalaqalaiyeqnum. E a qa tulaŋ areboleboleibqo.”

Mak 1:11

Awoonaqa laŋ goge dena Qotei na Yesus metonaqa aqa kakoro quej. A endegsi minjnaq quej, “Ni ijo Aŋgro qujai. E na ni tulaŋ qalaqalaimeqnum. E ni qa tulaŋ areboleboleibqo.”

Mak 9:6

Naŋgi tulaŋ ulaugeteb deqa Pita a anjam bei marqa saiiyonaqa laŋa marej.

Mak 9:8

Onaqa Yesus aqa aŋgro naŋgi bulosib ŋam ateb naŋgi tamo aiyel di olo unjrosai. Yesus a segi naŋgi koba na sonab uneb.

Luk 3:22

Laŋ waqonaqa Qotei aqa Mondor binoŋ bulosiq laŋ goge dena aisiqa Yesus aqa jejamuq di awoej. Awoonaqa laŋ goge dena Qotei na Yesus metonaqa aqa kakoro quej. A na endegsi minjnaq quej, “Ni ijo segi aŋgro qujai. E na ni tulaŋ qalaqalaimeqnum. E ni qa tulaŋ areboleboleibqo.”

Jon 1:34

Qotei a na e degsi merbonaqa e tamo di unsimqa marem, ‘Bole, tamo di a Qotei aqa Ŋiri.’”

Jon 1:49

Onaqa Nataniel a Yesus aqa anjam di qusiqa minjej, “O Qalie Tamo Koba, ni degsi maronum deqa e poibqo, ni Qotei aqa Ŋiri. Ni Israel naŋgo Mandor Koba.”

Jon 12:28

O ijo Abu, ni na ino ñam tulaŋ kobaqujatime.” Yesus a anjam degsi marnaqa laŋ goge dena anjam endegsi bej, “E ijo ñam agi kobaqujatonum. Deqa olo kobaqujatqai.”

Jon 19:7

Onaqa Juda tamo kokba naŋgi na olo Pailat minjeb, “Yesus a segi qa marqo, ‘E Qotei aqa Ŋiri.’ Aqa une deqa a moiem. Gago dal anjam degsi unu.”

Jon 20:31

Niŋgi ijo anjam endi sisiyosib Yesus qa nuŋgo areqalo siŋgilatosib a bole Kristus Qotei aqa Ŋiri degsi poiŋgwajqa deqa e na anjam endi neŋgreŋyonum. Yimqa niŋgi Yesus aqa ñam na ŋambile gaigai sqab.

Jon 5:18

Onaqa Juda tamo kokba naŋgi Yesus aqa anjam di qusibqa naŋgi a qalib moiqajqa naŋgo areqalo torei siŋgilaeb. Di kiyaqa? A yori bati segi gentosai. A dego marej, “Qotei a ijo Abu.” Aqa anjam dena a segi qa marej, “Aqo Qotei wo ombla kerekere.” Utru deqa naŋgi Yesus qalib moiqajqa naŋgo areqalo torei siŋgilaeb.

Jon 5:37

Ijo Abu e qariŋbej qaji a segi e qa anjam mareqnu. Ariya niŋgi aqa kakoro nami quosaioqneb. Aqa ulatamu dego niŋgi nami unosaioqneb.

Jon 6:69

Iga ni qa gago areqalo siŋgilatosim endegsi qalieonum, Qotei aqa segi Tamo Bole a na nami giltej qaji agi ni qujai.”

Jon 9:35

Farisi naŋgi na tamo di taqalq waiyonab Yesus a degsi qusiqa a qa ŋamosiq itosiq minjej, “Ni Tamo Aŋgro qa ino areqalo siŋgilatonum e?”

Aposel 1:9

Yesus a na aqa aŋgro naŋgi anjam degsi minjrsiqa a mandam uratosiq laŋ goge oqeqnaq naŋgi a koqyesoqneb. Onaqa laŋbi na a kabutonaqa naŋgi a olo unosai.

Aposel 7:37

Moses qujai dena Israel tamo uŋgasari naŋgi minjrej, ‘Bunuqna Qotei na aqa medabu o qaji tamo bei e bul nuŋgo ambleq dena tigeltimqa a na niŋgi anjam merŋgoqnqas.’

Aposel 8:36

Onaqa naŋgi gam dauryosib giloqnsib gam qalaq di ya bei sonaq unsibqa Itiopia tamo dena Filip minjej, “Ni une. Ya agide. Iŋgi bei na e getentbqa keresai. Deqa ni e yansbe.”

Rom 1:4

Ariya bunuqna Qotei na a olo subq na tigeltonaqa bati deqa Qotei aqa Mondor na iga endegsi osorgej, Yesus a Qotei aqa Ŋiri siŋgila koba. O was qu, a gago Tamo Koba Yesus Kristus.

Hibru 2:1

Qotei aqa Ŋiri a ñam kobaquja ej deqa aqa anjam iga nami quoqnem qaji di iga olo siŋgila na ojsim dauryqom. Iga dauryqasai di iga uloŋosim olo aqa anjam dauryqa urato uge.

2 Pita 1:17

Abu Qotei a na Yesus ñam kobaquja yosiqa aqa segi riaŋ aqaq di atej. Qotei a segi laŋ qaji riaŋq di sosiqa Yesus qa endegsi marej, “Endi ijo Aŋgro e na tulaŋ qalaqalaiyeqnum qaji. E a qa tulaŋ areboleboleibeqnu.”

1 Jon 5:20

Iga qalie, Qotei aqa Ŋiri a bosiq iga powo egej. Yim iga Qotei qa bole qalieqajqa deqa. Iga Qotei beteryejunum. Iga aqa Ŋiri Yesus Kristus dego beteryejunum. Yesus a segi Qotei bole. A segi ŋambile gaigai sqajqa utru.

Uli Anjam 1:7

Niŋgi uniye. Yesus a laŋbi ambleq na boqnimqa tamo kalil naŋgi a unqab. Tamo kalil nami a qaja na qameb qaji naŋgi dego a unqab. Tamo uŋgasari kalil mandamq endi unub qaji naŋgi a qa are ugeinjrimqa tulaŋ akamugetqab. Od, kumbra di brantqas. Bole.