Mak 9:34 - Yesus Aqa Anjam Bole

³⁴ Onaqa naŋgi mequmosib soqneb. Di kiyaqa? Naŋgi gamq dia aŋgro yai a segi qujai tamo ñam ti tigelqas deqa anjam na qotoqneb.

Mak 9:34 Iomraidhean Croise

Matyu 16:7

Onaqa Yesus aqa aŋgro naŋgi aqa anjam di qusibqa segi segi maroqneb, “Iga bem osai deqa kio mergwo?”

Mak 9:50

“Bar a bole. A qajarara koba. Ariya bar aqa qajarara koboqas di iŋgi kie na olo qajararatqas? Di keresai. Dego kere niŋgi bar bul sosibqa nuŋgo was naŋgi koba na geregere lawo na laqniye.”

Rom 12:10

Niŋgi gaigai Qotei aqa segi tamo uŋgasari naŋgi nuŋgo was tiŋtiŋ edegosib naŋgi qalaqalainjroqniye. Niŋgi nuŋgo segi ñam tentoqnsib Kristen was naŋgo ñam olo soqtoqniye.

1 Pita 5:3

Niŋgi na Qotei aqa tamo uŋgasari naŋgi siŋgila na taqatnjraib. Qotei na naŋgi joqsiqa nuŋgo baŋq di atej unub deqa niŋgi kumbra bole na naŋgi taqatnjriye. Yimqa naŋgi nuŋgo kumbra di unsib niŋgi daurŋgwab.

3 Jon 1:9

Nami e anjam qudei neŋgreŋyosim Kristen tamo uŋgasari nuŋgo qureq di unub qaji naŋgi qa qariŋyem. Ariya Diotrefes a tulaŋ diqoqnsiqa a na tamo kalil naŋgi buŋnjrsim aqa segi ñam soqtqajqa siŋgilaeqnu. Deqa a gago anjam di quetgosaieqnu.