Mak 9:28 - Yesus Aqa Anjam Bole

²⁸ Onaqa Yesus aqa aŋgro naŋgi aqa areq lumu bosib nenemyeb, “Iga kiyaqa mondor uge di wiyqa yonumqa keresaiigwo?”

Mak 9:28 Iomraidhean Croise

Matyu 13:10

Onaqa Yesus aqa aŋgro naŋgi aqa yawo anjam di qusibqa naŋgi aqa areq bosib nenemyeb, “Ni kiyaqa tamo uŋgasari naŋgi yawo anjam segi minjreqnum? Ni utru babtosaieqnum.”

Matyu 13:36

Ariya Yesus a na tamo uŋgasari naŋgi uratnjrsiqa tal gogetsi sonaqa aqa aŋgro naŋgi aqa areq bosib minjeb, “O Tamo Koba, ni na pilagiŋ qa yawo anjam di utru geregere plaltsim merge.”

Matyu 15:15

Onaqa Pita na Yesus minjej, “O Tamo Koba, iŋgi jiga qa yawo anjam maronum di aqa utru geregere plaltosim mergim iga quqwom.”

Mak 2:1

Ariya bati bei Yesus a olo Kaperneam qureq gilsiq di sonaqa qure deqaji tamo uŋgasari naŋgi endegsib queb, “Yesus a olo gago qureq bqo. A talq di unu.”

Mak 3:20

Ariya Yesus a na aqa aŋgro naŋgi joqsiqa olo manaq dena aisiqa aqa talq gilej. Gilsiq di sonaqa tamo uŋgasari tulaŋ gargekoba olo bosib aqa areq di korooqneb. Deqa aqa aŋgro naŋgi ti iŋgi uyqa bati saiqoji.

Mak 4:10

Onaqa Yesus a na tamo uŋgasari naŋgi uratnjrsiqa a kiñala qalaq gilsiqa a segi sonaqa aqa aŋgro 12-pela naŋgi ti tamo qudei a daurysib laqneb qaji naŋgi ti aqa areq bosibqa aqa yawo anjam di aqa utru geregere qalieqajqa deqa nenemyeb.

Mak 4:34

A anjam bei minjrosaioqnej. Yawo anjam segi minjroqnej. Olo segitoqnsiqa aqa segi aŋgro naŋgi yawo anjam aqa utru geregere plaltosiq minjroqnej.

Mak 7:17

Yesus a na tamo uŋgasari naŋgi anjam degsi minjrsiq koboonaqa a naŋgi uratnjrsiqa tal miligiq gilej. A tal miligiq gilsiq di sonaqa aqa aŋgro naŋgi bosib aqa yawo anjam di aqa utru qa nenemyeb.

Mak 9:27

Onaqa Yesus na aŋgro di aqa baŋ titonaqa a boleosiq tigelej.

Mak 9:29

Onaqa Yesus na minjrej, “Niŋgi mondor uge deqaji winjrqa osibqa Qotei pailyqab dena qujai niŋgi na mondor uge winjrib jaraiqab. Gam bei na sai.”