Mak 9:25 - Yesus Aqa Anjam Bole

²⁵ Onaqa tamo uŋgasari tulaŋ gargekoba naŋgi gurgur ti bosib Yesus aqa areq di koroeqnabqa Yesus a naŋgi unjrsiqa mondor uge di ŋiriŋtosiq minjej, “Ni mondor uge. Ni na aŋgro di aqa dabkala getentonum. Ni aqa medabu dego getentonum. Deqa ni aŋgro di uratosim ulaŋ. Olo aqa jejamuq gilaim.”

Mak 9:25 Iomraidhean Croise

Matyu 12:22

Onaqa bati di tamo bei mondor uge na medabu getentsiq ŋamdamu qandimyej qaji a tamo qudei naŋgi na Yesus aqa areq osi bonabqa Yesus na mondor uge di wiyetonaqa aqa meŋ otyonaqa aqa ŋamdamu boleosiq a sawa unsiqa anjam bole maroqnej.

Matyu 17:18

Onaqa osi bonabqa Yesus na mondor uge di ŋiriŋtosiq minjej, “Ni aŋgro di uratosim ulaŋ.” Degsi minjnaqa mondor uge na aŋgro di uratosiq ulaŋej. Onaqa bati qujai deqa aŋgro a boleej.

Mak 9:15

Onaqa tamo uŋgasari kalil naŋgi Yesus unsibqa naŋgi tulaŋ prugeleŋosib gurgur ti aqa areq bosib minjeb, “O Tamo Koba, kaiye.”

Mak 9:24

Onaqa tamo dena leleŋosiqa Yesus minjej, “E ni qa ijo areqalo siŋgilatonum di ijo areqalo olo gulubeibeqnu. Deqa ni na aqaryaibimqa e geregere ijo areqalo ni qa siŋgilatsiy sqai.”

Mak 9:26

Degsi minjnaqa mondor uge a leleŋkobayosiqa aŋgro di siŋgila na qunjimyosiqa a uratosiq ulaŋej. Ulaŋonaqa aŋgro di a moiobulosiqa ŋeiesonaqa tamo qudei naŋgi unsib mareb, “A moiqo.”

Luk 11:14

Onaqa Yesus a na tamo bei mondor uge na medabu getentesoqnej qaji di mondor uge wiyetonaqa a olo boleosiqa anjam maroqnej. Deqa tamo uŋgasari kalil qure dia soqneb qaji naŋgi Yesus aqa siŋgila di unsibqa naŋgi tulaŋ prugeleŋeb.

Luk 4:35

Mondor uge dena Yesus degsi minjnaqa Yesus a siŋgila na ŋiriŋtosiq minjej, “Ni medabu getentsim tamo di uratosim ni ulaŋ.” Onaqa mondor uge dena tamo di uratqa osiqa tamo uŋgasari naŋgo ambleq dia tamo di waiyonaq mandamq di ŋeiesonaqa uratosiq ulaŋej. Tamo di aqa jejamu yala ugetosai. A bole soqnej.

Luk 4:41

Mondor uge gargekoba dego Yesus na winjreqnaqa naŋgi na tamo uŋgasari naŋgi uratnjroqnsib jaraioqneb. Jaraioqnsib tulaŋ koba leleŋoqnsib Yesus minjoqneb, “Ni Qotei aqa Ŋiri.” Yeqnabqa Yesus a siŋgila na minjroqnej, “Niŋgi ijo ñam ubtsib maraib.” Degsi saidnjroqnej. Di kiyaqa? Naŋgi qalie, Yesus a Kristus deqa.

Luk 8:29

Mondor uge dena Yesus degsi minjej. Di kiyaqa? Yesus na siŋgila na minjoqnej, “Ni tamo di uratosim ulaŋ.” Mondor uge dena bati gargekoba tamo di aqa jejamu ugeugeiyeteqnaqa tamo qudei naŋgi na ojoqnsibqa sil kokba na aqa siŋga ti baŋ ti tontoqnsib geregere taqatoqneb. Yeqnaqa mondor uge dena sil kokba kukoqyeleŋoqnsiqa tamo di oqnsiqa wadau sawaq osi giloqnej.

Luk 9:42

Onaqa osi beqnaqa mondor uge dena aqa jejamu ojsiq mandamq waiysiq qunjimyoqnej. Yeqnaqa Yesus na mondor uge di ŋiriŋtosiq wiyonaq aŋgro aqa jejamu uratonaq boleej. Onaqa Yesus na aŋgro di baŋ ojsiq osi gilsiqa aqa abu yej.

Aposel 16:18

Bati gargekoba uŋa dena anjam degsi maroqnsiq iga daurgoqnej. Onaqa bati bei Pol a uŋa deqa minjiŋ oqnaqa bulosiqa mondor uge di minjej, “E Yesus Kristus aqa ñam na ni mermonum, ni uŋa di uratosim ulaŋ.” Degsi minjnaqa mondor uge dena uŋa di uratosiq ulaŋej.

Jut 1:9

Ariya laŋ aŋgro gate Maikel a kumbra degyosaieqnu. Agi a Satan ombla ŋiriŋosib naŋgi Moses aqa qusa oqajqa deqa anjam na qotoqnsib Maikel a diqosiq Satan misiliŋyosai. A misiliŋyqa uratosiq minjej, “Tamo Koba Qotei a segi na ni saidmim medabu getent.”