Mak 9:23 - Yesus Aqa Anjam Bole

²³ Onaqa Yesus na minjej, “‘Kereamqa’ degsi merbaim. Ni e qa ino areqalo siŋgilatqam di ni kumbra kalil yqa kere.”

Mak 9:23 Iomraidhean Croise

Matyu 14:29

Onaqa Yesus na Pita minjej, “Od. Endi e. Ni au.” Degsi minjnaqa Pita a qobuŋ uratosiqa ya baŋgaq na walwelosi gilsiq Yesus jojomyej.

Matyu 17:20

Onaqa Yesus na minjrej, “Niŋgi e qa nuŋgo areqalo siŋgilatqa yonub niŋgi tulaŋ truquonub. Deqa niŋgi mondor uge di wiyqa yonub keresaiiŋgwo. Niŋgi quiye. E bole merŋgwai. Nuŋgo areqalo e qa siŋgilatonub qaji di sis yago bul kiñala sqas di kereqas. Degesqas di niŋgi mana kobaquja endi minjibqa a nuŋgo anjam dauryosim tigelosim sawa beiq gilqas. Nuŋgo areqalo e qa siŋgilatonub qaji degesqas di niŋgi kumbra kalil yqa kereiŋgwas.

Mak 11:23

Niŋgi quiye. E bole merŋgwai. Tamo bei na mana kobaquja endi minjqas, ‘Ni tigelosim yuwalq aie.’ A Qotei qa aqa areqalo siŋgilatosimqa a mana degsi minjsim endegsi are qalqas, ‘Bole, mana a na ijo anjam dauryqas.’ Degsi are qalsim minjqas mana a aqa anjam di dauryosim tigelosim yuwalq aiqas.

Mak 9:22

Mondor uge na a qalsim moiotqa oqnsiqa bati gaigai a ŋamyuoq o yaq waiyeqnu. Deqa ni na iga aqaryaigwa kereamqa aqaryaige.”

Mak 9:24

Onaqa tamo dena leleŋosiqa Yesus minjej, “E ni qa ijo areqalo siŋgilatonum di ijo areqalo olo gulubeibeqnu. Deqa ni na aqaryaibimqa e geregere ijo areqalo ni qa siŋgilatsiy sqai.”

Luk 17:6

Onaqa Tamo Koba Yesus na kamba minjrej, “Nuŋgo areqalo e qa siŋgilato qaji di sis yago bul kiñala sqas di kereqas. Degesqas di niŋgi subar endi minjibqa a nuŋgo anjam dauryosim jirim qoji waqosim aisim yuwalq di tigelqas.”

Jon 11:40

Onaqa Yesus na kamba minjej, “E nami mermonum, ni e qa ino areqalo siŋgilatqam di ni Qotei aqa siŋgila unqam.”

Aposel 14:9

Bati deqa Pol na Qotei aqa anjam palontsiq tamo uŋgasari naŋgi minjreqnaqa tamo di a quoqnej. Onaqa Pol na tamo di koqyosiqa aqa areqalo unej aqa areqalo qujai Qotei na a boletbqa kere.

Hibru 11:6

Ariya was qu, tamo naŋgi Qotei qa naŋgo areqalo siŋgilatqasai di naŋgi Qotei aqa areqalo dauryqa keresai. Di kiyaqa? Tamo naŋgi Qotei aqa areq gilqa osibqa naŋgi mati a qa naŋgo areqalo siŋgilatosib marqab, “Qotei a unu. Deqa iga a qa ŋamosim gilsim itqom di a na awai boledamu iga egwas.” Tamo naŋgi degsib marqab di naŋgi Qotei aqa areqalo dauryqab.