Mak 9:1 - Yesus Aqa Anjam Bole

¹ Osiqa minjrej, “Niŋgi quiye. E bole merŋgwai. Tamo qudei ijo areq endia tigelejunub qaji naŋgi moreŋosaisoqnibqa Qotei a siŋgila ti bosim nuŋgo Mandor Koba sosim niŋgi taqatŋgesoqnim niŋgi unqab.”

Mak 9:1 Iomraidhean Croise

Matyu 16:28

Niŋgi quiye. E bole merŋgwai. Tamo qudei ijo areq endia tigelejunub qaji naŋgi moreŋosaisoqnibqa e Tamo Aŋgro bosiy naŋgo Mandor Koba sosiy naŋgi taqatnjresoqnit naŋgi e nubqab.”

Matyu 24:30

Bati deqa e Tamo Aŋgro bqai. Ijo toqor a laŋ goge dia brantimqa tamo uŋgasari sawa sawa kalilq di unub qaji naŋgi e qa akamugetqab. E Tamo Aŋgro siŋgila ti riaŋ ti laŋbiq na boqnit tamo uŋgasari kalil naŋgi e nubqab.

Matyu 25:31

Yesus a na aqa aŋgro naŋgi yawo anjam degsi minjrsiq koboonaqa olo anjam bei endegsi minjrej, “Mondoŋ e Tamo Aŋgro ñam kobaquja oqai. Osiy Qotei aqa laŋ aŋgro kalil naŋgi joqsiy olo mandamq aisiy ijo segi awo jaram kobaq di awesqai.

Mak 13:26

Bati deqa e Tamo Aŋgro siŋgila ti riaŋ koba ti laŋbiq na mandamq aioqnit tamo uŋgasari naŋgi tarosib e nubqab.

Mak 13:30

Niŋgi quiye. E bole merŋgwai. Tamo uŋgasari bini bati endeqa unub qaji naŋgi kalil moreŋosaisoqnibqa kumbra kalil e na merŋgonum qaji endi branteleŋqas.

Luk 2:26

Qotei aqa Mondor na nami Simion minjej, “Ni mati moiqasai. Ni moiosaisoqnimqa Tamo Koba Qotei a na aqa Kristus qariŋyim bamqa ni unsim moiqam.”

Luk 22:18

Niŋgi quiye. E wain endi olo uyqasai. Degsi gilsiy gilsiy mondoŋ Qotei a nuŋgo Mandor Koba soqnimqa e olo uyqai.”

Luk 22:30

Yimqa niŋgi e koba na awoeleŋosib iŋgi ti ya ti uyoqnqab. Osib niŋgi awo jaram kokbaq dia awoosib Israel naŋgo moma 12-pela naŋgo leŋ kalil naŋgi taqatnjroqnqab.”

Luk 9:27

Niŋgi quiye. E bole merŋgwai. Tamo qudei ijo areq endia tigelejunub qaji naŋgi moreŋosaisoqnibqa Qotei a bosim naŋgi taqatnjresoqnim naŋgi unqab.”

Jon 21:23

Yesus a na Pita degsi minjej. Deqa Yesus aqa aŋgro di a moiqasai anjam di sawa sawaq gileqnaqa Kristen was qu kalil naŋgi quoqneb. Aŋgro di a moiqasai Yesus na Pita degsi minjosai. A na minjej, “Aŋgro di a moiosaisoqnimqa e olo bqai degsi minjitqa ni deqa are koba qalaim.”

Hibru 2:9

Ariya bini iga Yesus uneqnum. A ñam kobaquja ejunu. Nami a laŋ aŋgro naŋgo sorgomq di sokiñala soqnej. Bati deqa a na tamo uŋgasari kalil naŋgo sawa osiq moinaqa Qotei a naŋgi qa are boleiyosiq aqaryainjrej. Yesus a jaqatiŋ koba osiq moiej deqa Qotei na aqa ñam olo soqtetosiqa ñam kobaquja yej.