Mak 8:34 - Yesus Aqa Anjam Bole

³⁴ Osiqa tamo uŋgasari kalil naŋgi ti aqa segi aŋgro naŋgi ti metnjrnaqa aqa areq bonabqa minjrej, “Tamo bei na e daurbqa osimqa a aqa segi areqalo kalil uratosim bati gaigai aqa segi ŋamburbas qoboiyosim e daurboqnem.

Mak 8:34 Iomraidhean Croise

Matyu 10:38

Tamo bei na aqa segi ŋamburbas qoboiyosim e daurbqasai di a ijo aŋgro sqa keresai.

Matyu 16:24

Osiqa aqa aŋgro kalil naŋgi endegsi minjrej, “Tamo bei na e daurbqa osimqa aqa segi areqalo kalil uratekritosim di aqa segi ŋamburbas qoboiyosim e daurbem.

Matyu 27:32

A osi giloqnsibqa gamq dia tamo bei walwelosiq aieqnaqa a turosib ojsib Yesus aqa qawarq dena ŋamburbas yaiyosib tamo di yonabqa a kamba qoboiyosiqa Yesus gam na dauryosiq giloqnej. Tamo di aqa ñam Saimon. A Sairini qure qaji.

Mak 10:21

Onaqa Yesus a tamo di koqyosiqa qalaiyosiq minjej, “Ni dal anjam di kalil daurysim keretonum. Ariya kumbra qujai ni keretosai. Deqa e ni mermqai. Ni gilsim ino iŋgi iŋgi kalil qariŋyosim silali osim tamo iŋgi iŋgi saiqoji unub qaji naŋgi jeisi enjre. Degsim enjrsim bosim e daurbe. Yimqa bunuqna ni laŋ qureq dia awai bole itqam.”

Mak 7:14

Yesus a na Farisi naŋgi anjam degsi minjrsiqa olo tamo uŋgasari kalil naŋgi metnjrnaqa aqa areq bonabqa minjrej, “Niŋgi kalil ijo anjam endi geregere qusib poiŋgem.

Luk 13:24

“Niŋgi siraŋme kiñalaq dena miligiq gilqajqa wauoiye. Niŋgi quiye. Tamo gargekoba naŋgi miligiq gilqajqa wauoqnib ugeinjroqnqas.

Luk 14:33

“Dego kere tamo bei na e daurbqa osimqa a mati aqa segi iŋgi iŋgi kalil uratosim di a e daurbqa kere. Aqa iŋgi iŋgi kalil uratqasai di a ijo aŋgro sqa keresai.”

Luk 18:22

Degsi minjnaqa qusiqa kamba minjej, “Ni dal anjam kalil dauryosim keretonum. Ariya kumbra qujai ni keretosai. Deqa e ni mermqai. Ni gilsim ino iŋgi iŋgi kalil qariŋyosim silali osim tamo iŋgi iŋgi saiqoji unub qaji naŋgi jeisi enjre. Degsim enjrsim bosim e daurbe. Osim bunuqna ni laŋ qureq dia awai bole itqam.”

Luk 20:45

Tamo uŋgasari kalil naŋgi Yesus aqa anjam di queqnabqa naŋgo ŋamgalaq dia aqa aŋgro naŋgi anjam endegsi minjrej,

Luk 9:23

Osiqa aqa aŋgro kalil naŋgi endegsi minjrej, “Tamo bei na e daurbqa osimqa a aqa segi areqalo kalil uratekritosim bati gaigai aqa segi ŋamburbas qoboiyosim e daurboqnem.

Jon 10:27

Ijo kaja naŋgi ijo medabu queqnub. E naŋgi qa qalie. Naŋgi e daurbeqnub.

Jon 19:17

Degsi minjrnaqa ariya qaja tamo naŋgi na Yesus osib aqa qawarq di aqa segi ŋamburbas qoboiyetosib a baŋ ojsib Jerusalem qure uratosib osi gilsib sawa agu kiñala bei aqa ñam Tamo Gate Tanu di branteb. Ñam di Hibru anjam na Golgota mareqnub.

Aposel 14:22

Naŋgi aiyel degsib giloqnsibqa tamo uŋgasari Yesus dauryoqneb qaji naŋgo are siŋgilatetnjroqnsib minjroqneb, “Niŋgi Yesus qa nuŋgo areqalo siŋgilatosib soqniye. Bole, niŋgi gulube gargekoba iteleŋoqnqab. Di uŋgum. Gulube nuŋgoq boqnibqa Qotei a nuŋgo Mandor Koba sosim niŋgi taqatŋgoqnqas.”

Rom 6:6

Iga qalie, gago areqalo namij a Kristus ombla ŋamburbasq di moiej. Yim une aqa siŋgila gago jejamuq di waueqnu qaji di koboqajqa deqa. Deqa bini iga olo une aqa sorgomq di sqasai.

Rom 8:17

Ariya iga Qotei aqa aŋgro unum deqa mondoŋ iga iŋgi bole bole Abu Qotei na nami iga egwa marej qaji di oqom. Iŋgi bole di agi gago was Kristus a na nami esoqnej. A jaqatiŋ ej dego kere iga dego jaqatiŋ oqnsim sqom. Ariya mondoŋ iga a ombla ñam koba osim so bole gaigai sqom.

1 Korin 15:31

O was qu, e bole maronum, e bati gaigai moiqa laqnum. Niŋgi ti e ti gago Tamo Koba Kristus Yesus beteryejunum deqa e niŋgi qa tulaŋ areboleboleibeqnu. Deqa e anjam endi ulitosai. E niŋgi merŋgonum.

1 Korin 8:13

Deqa e damu bei uyitqa dena ijo was a uneq aiqas di e olo damu uyqasai. Ijo was a uloŋosim uneq aiaim deqa e damu uratqai.

1 Korin 9:19

E kumbra bei yqa are sqas e yqai. E tamo bei aqa sorgomq di sosai. Ariya e ijo segi areqalo na tamo kalil naŋgo sorgomq di sosim naŋgi qa wauoqnsim dena e na tamo gargekoba naŋgi are bulyetnjreqnam naŋgi Kristus aqaq beqnub.

Galesia 2:20

Osim e olo ŋambile bunuj em. Ariya ŋambile di ijo segi ŋambile sai. Kristus a segi ijo are miligiq di ŋambile unu. Deqa bini kumbra kalil e mandamq endi yeqnum qaji di e Qotei aqa Ŋiri qa ijo areqalo siŋgilatosim yeqnum. Agi Qotei aqa Ŋiri a na e tulaŋ qalaqalaibosiq deqa a aqa segi ŋambile uratosiq e qa moiej.

Galesia 5:24

Tamo kalil Kristus Yesus beteryejunub qaji naŋgi na naŋgo areqalo namij ti naŋgo are prugnjrqajqa kumbra ti kalil ŋamburbasq di qamnab moiej.

Galesia 6:14

Ariya e ijo segi ñam soqtqa keresai. E tamo bei aqa ñam dego soqtqa keresai. E Yesus Kristus aqa ñam segi soqtqai. A ŋamburbasq di moiej e deqa segi areboleboleibeqnu. Kristus a ŋamburbasq di moiej aqa wau dena mandam qa kumbra kalil ijo areqaloq di unu qaji di moiobuleb. E segi dego ŋamburbasq di moiobulem deqa e olo mandam qa kumbra dauryqa keresai.

Filipai 3:10

Deqa e Kristus qa bole qalieqajqa are koba unu. A subq na tigelej deqa a siŋgila ti unu. E siŋgila deqa qalieqajqa are koba unu. A jaqatiŋ osiq moiej deqa e a beteryosiy a ombla jaqatiŋ osiy moiobulqai. E a ombla areqalo qujaitosiy moiobulqajqa are qaleqnum.

Filipai 3:7

Deqa e maroqnem, “E ijo jejamu qa kumbra di dauryoqnqai di e na tamo kalil naŋgi tulaŋ buŋnjrqai.” E degsi marsimqa ariya bunuqna e olo are bulyosim ijo jejamu qa kumbra kalil di unem kumbra di bolesai. Degsi unsimqa e kumbra di uratosim olo Kristus aqa gam dauryoqnem.

Kolosi 1:24

E niŋgi aqaryaiŋgwa osim deqa e jaqatiŋ koba eqnum. E ijo jaqatiŋ deqa tulaŋ areboleboleibeqnu. E na Kristus aqa segi tamo uŋgasari naŋgi aqaryainjreqnum. Naŋgi aqa segi jejamu bul. A naŋgo gate. A na naŋgi aqaryainjrqa marsiq jaqatiŋ koba ej. Aqa jaqatiŋ di koboosaiunu. Deqa e dego tamo uŋgasari naŋgi qa osimqa ijo segi jejamuq di jaqatiŋ koba eqnum. Ijo kumbra dena e na Kristus aqa jaqatiŋ dauryosim kereteqnum.

Kolosi 3:5

Deqa niŋgi mandam qaji kumbra kalil nuŋgo are miligiq di unu qaji di moiotiye. Mandam qaji kumbra agi ubtsiy merŋgwai. Sambala kumbra ti kumbra jiga ti kumbra uge uge yqajqa are prugŋgoqa, mandam qa iŋgi iŋgi qa maulŋgoqa. Tamo naŋgi mandam qa iŋgi iŋgi qa mamaulnjreqnu qaji naŋgi gisaŋ qotei naŋgi qa louobuleqnub.

2 Tesalonaika 3:11

Ariya iga anjam endegsi quem. Nuŋgo ambleq di tamo qudei naŋgi wauqajqa asginjreqnu. Naŋgi laŋa sosibqa yomu anjam koba laŋa laŋa mareqnub.

Taitus 2:12

Qotei a iga qa are tulaŋ boleiyeqnu aqa kumbra dena iga endegsi osorgeqnu. Iga Qotei qoreiyqajqa kumbra torei uratqom. Osim mandam endeqaji areqalo uge uge dego uratosim areqalo bole ti sosim kumbra bole segi dauryoqnqom. Bole, iga mandam tamo uŋgasari naŋgo ambleq endi unum. Ariya Qotei a iga qa are boleiyeqnu aqa kumbra dena iga endegsi osorgeqnu. Iga Qotei aqa kumbra segi dauryoqnqom.

Hibru 13:13

Deqa iga dego qure qalaq aioqnsim Yesus aqa areq di brantoqnsim a ñam uge osiq jemaiyej dego kere iga dego ñam uge oqnqom.

1 Pita 4:1

Kristus a na aqa segi jejamu osiqa jaqatiŋ koba osiqa moiej. Dego kere niŋgi dego Kristus aqa areqalo di siŋgila na ojsib nuŋgo segi jejamu osib jaqatiŋ oqniye. Di kiyaqa? Tamo bei na aqa segi jejamu osim jaqatiŋ oqnqas di a une uratqas.

1 Pita 4:13

Niŋgi gulube di eqnub deqa niŋgi Kristus aqa kumbra dauryeqnub. Agi Kristus a nami jaqatiŋ qoboiyej dego kere niŋgi dego jaqatiŋ qoboiyeqnub. Deqa niŋgi areboleboleiŋgim soqniye. Yimqa mondoŋ Kristus a ñam koba ti brantimqa bati deqa niŋgi olo tulaŋ areboleboleiŋgim sqab.

2 Pita 1:14

E qalieonum, sokiñala e ijo jejamu uratosiy moiqai. Gago Tamo Koba Yesus Kristus a na e degsi merbej.

1 Jon 3:16

Yesus a aqa segi ŋambile uratosiq iga qa moiej. Aqa kumbra dena a na iga qalaqalaiyo kumbra osorgej. Deqa iga dego gago Kristen was naŋgi qa are qalsim gago segi ŋambile uratosim naŋgi qa moreŋqom.

Uli Anjam 2:10

Bunuqna ni jaqatiŋ koba oqam. Ni deqa ulaaim. Ni que. Satan a na niŋgi qudei ojeleŋosim tonto talq breiŋgwas. Breiŋgimqa niŋgi ijo ñam geregere ojqab kio ijo ñam uratosib uloŋqab kio di Satan a nuŋgo areqalo unsim qalieqajqa deqa niŋgi tonto talq breiŋgwas. Niŋgi bati 10-pela gulube ti jaqatiŋ ti sqab. Ariya niŋgi e qa nuŋgo areqalo siŋgilatosib soqniye. Sosib sosib gilsib jeu tamo naŋgi na niŋgi liŋgib moreŋqab. Amqa e na niŋgi ŋambile eŋgwai. Ŋambile di nuŋgo awai boledamu.