Mak 8:33 - Yesus Aqa Anjam Bole

³³ Onaqa Yesus a bulosiqa aqa aŋgro naŋgi kokoqnjrej. Osiqa olo Pita koqyosiqa ŋiriŋtosiq minjej, “Ni Satan bul. Deqa ni ijo qoreq gile. Ni Qotei aqa areqalo dauryosai. Ni mandam tamo naŋgo areqalo dauryonum. Daurysim agi ni na anjam di merbonum.”

Mak 8:33 Iomraidhean Croise

Matyu 15:23

Onaqa Yesus a uŋa di aqa anjam qusiq quosaibulosiq anjam bei kamba minjosai. A mequmej. Deqa aqa aŋgro naŋgi aqa areq bosib minjeb, “O Tamo Koba, uŋa di a siŋgila na iga pailgoqnsiqa daurgeqnu. Deqa ni na saidyimqa a puluosim ulaŋqas.”

Matyu 16:23

Onaqa Yesus a bulosiqa Pita koqyosiqa ŋiriŋtosiq minjej, “Ni Satan bul. Deqa ni ijo qoreq gile. Ni ijo gam getentetbaim. Ni Qotei aqa areqalo dauryosai. Ni mandam tamo naŋgo areqalo dauryonum. Dauryosim agi ni na anjam di merbonum.”

Matyu 4:10

Onaqa Yesus na minjej, “Satan, ni ulaŋ. Qotei aqa anjam bei nami endegsib neŋgreŋyeb unu, ‘Ino Tamo Koba Qotei a segi qa louoqnsimqa aqa sorgomq di soqne.’”

Mak 3:34

Degsi minjrsiqa tamo uŋgasari aqa siŋgaq dia awesoqneb qaji naŋgi koqnjrsiqa minjrej, “Niŋgi segi ijo ai ijo was naŋgi.

Mak 3:5

Onaqa Yesus a naŋgi koqnjrej. Naŋgi Yesus aqa anjam quqwajqa are sosai deqa a naŋgi qa are minjiŋ oqej. Osiqa tamo baŋ qandamyej qaji di minjej, “Ni ino baŋ waiy.” Degsi minjnaqa aqa baŋ waiyonaq boleej.

Luk 22:61

Tuwe anjamonaqa Tamo Koba Yesus a bulosiqa Pita koqyonaqa anjam nami Yesus na minjej qaji, “Bini tuwe anjamosaisoqnimqa ni gisaŋoqalubtsim marqam, ‘E Yesus qaliesai,’” anjam deqa olo are qalsiqa poiyonaqa tal qalaq gilsiqa tulaŋ akamugetej.

Luk 4:8

Onaqa Yesus na minjej, “Moses a nami Qotei aqa anjam endegsi neŋgreŋyej unu, ‘Ino Tamo Koba Qotei a segi qa louoqnsimqa aqa sorgomq di soqne.’”

Luk 9:55

Onaqa Yesus a bulosiqa naŋgi aiyel ŋiriŋtnjrej.

1 Korin 5:5

Niŋgi koroesosibqa tamo di ojsib Satan aqa baŋq di atibqa Satan na a osim aqa jejamu gulube yqas. Yim mondoŋ Tamo Koba Yesus a olo bqajqa batiamqa Qotei na tamo di aqa qunuŋ olo oqas.

Filipai 3:19

Tamo naŋgi di naŋgo segi jejamu qa are qaloqnsib dauryeqnub. Naŋgo areqalo di naŋgo gisaŋ qotei bul ateqnub. Naŋgi bati gaigai mandam qa iŋgi iŋgi oqajqa are tulaŋ prugnjreqnu. Naŋgi jemai kumbra yqajqa tulaŋ areboleboleinjreqnu. Deqa mondoŋ tamo naŋgi di ŋamyuoq di torei padalqab.

1 Timoti 5:20

Kristen gate bei a une yimqa ni na a osim Kristen gate kalil naŋgo ulatamuq di tigeltosim aqa une boleq atsim minjimqa Kristen gate kalil naŋgi kumbra di unsib naŋgi dego ulaqab.

Taitus 1:13

Aqa anjam di bole marej. Deqa Taitus, ni siŋgila na naŋgi Qotei aqa anjam minjroqne. Yim anjam dena naŋgo kumbra tingitetnjrimqa naŋgi are bulyosib Qotei qa naŋgo areqalo siŋgilatqab.

1 Pita 4:1

Kristus a na aqa segi jejamu osiqa jaqatiŋ koba osiqa moiej. Dego kere niŋgi dego Kristus aqa areqalo di siŋgila na ojsib nuŋgo segi jejamu osib jaqatiŋ oqniye. Di kiyaqa? Tamo bei na aqa segi jejamu osim jaqatiŋ oqnqas di a une uratqas.

1 Jon 2:15

O was qu, niŋgi mandam endeqa kumbra qa tulaŋ arearetŋgaiq. Tamo a mandam endeqa kumbra qa arearetqas di a olo Abu Qotei qa arearetqasai.

Uli Anjam 3:19

Tamo naŋgi e qalaqalainjreqnum qaji di e na olo ŋiriŋtnjroqnsim gereinjreqnum. Deqa ni are siŋgilatosim ino segi kumbra gereiyosim are bulye.