Mak 8:12 - Yesus Aqa Anjam Bole

¹² Degsib Yesus minjnabqa a naŋgi qa are tulaŋ gulubeiyonaqa jagwa titsiqa minjrej, “Niŋgi tamo uŋgasari bini bati endeqa unub qaji kiyaqa e Qotei aqa maŋwa bei laŋa babtit niŋgi unqajqa merbeqnub? Niŋgi quiye. E Qotei aqa maŋwa bei niŋgi osorŋgwasai.”

Mak 8:12 Iomraidhean Croise

Matyu 12:38

Onaqa dal anjam qalie tamo qudei ti Farisi qudei ti naŋgi na kamba Yesus minjeb, “O Qalie Tamo Koba, ni endego Qotei aqa maŋwa bei babtimqa iga unsim dena poigwas, bole, ni Qotei aqa wau ojeqnum.”

Matyu 16:4

Tamo uŋgasari bini bati endeqa unub qaji naŋgo kumbra tulaŋ ugedamu. Naŋgi Qotei areiyosaieqnub. Naŋgi gaigai ijo maŋwa laŋa unqajqa metbeqnub. Deqa e na ijo maŋwa bei naŋgi osornjrqasai. Qotei aqa medabu o tamo Jona nami soqnej qaji aqa maŋwa segi osornjritqa naŋgi unqab.” Yesus a naŋgi degsi minjrsiqa uratnjrsiq gilej.

Mak 3:5

Onaqa Yesus a naŋgi koqnjrej. Naŋgi Yesus aqa anjam quqwajqa are sosai deqa a naŋgi qa are minjiŋ oqej. Osiqa tamo baŋ qandamyej qaji di minjej, “Ni ino baŋ waiy.” Degsi minjnaqa aqa baŋ waiyonaq boleej.

Mak 6:6

Aqa segi qure utru naŋgi a qa naŋgo areqalo siŋgilatosai. Deqa a are gulubeiyej. Deqa a naŋgi uratnjrsiqa walwelosiq qure bei beiq giloqnsiqa dia Qotei aqa anjam palontosiq minjroqnej.

Mak 7:34

Osiqa laŋ tarosiqa are tulaŋ gulubekobaiyonaqa jagwa titsiqa marej, “Efata.” Di Hibru anjam. Anjam di aqa damu, “Dabkala waqeme.”

Mak 8:13

Yesus a Farisi naŋgi degsi minjrsiqa naŋgi uratnjrsiqa aqa segi aŋgro naŋgi ti olo qobuŋ gogetosibqa ya agu taqal beiq gileb.

Mak 9:19

Onaqa Yesus a anjam di qusiqa marej, “Niŋgi tamo uŋgasari bini bati endeqa unub qaji nuŋgo areqalo e qa siŋgilatosai bolesai? Bati gembub e niŋgi koba na sosiyqa nuŋgo gulube di qoboiyoqnqai? Aŋgro mel di ijo areq osi boiye.”

Luk 19:41

Yesus a naŋgi degsi minjrsiqa aisiq Jerusalem qure jojomyosiqa ŋam atej. Ŋam atsiqa Jerusalem qure unsiqa akamej.