Mak 8:11 - Yesus Aqa Anjam Bole

¹¹ Onaqa bati bei Farisi qudei naŋgi Yesus aqa areq bosibqa a anjam bei grotimqa qusib a ojqajqa deqa a ombla anjam na qoteb. Osib gisaŋyosib minjeb, “Ni endego Qotei aqa maŋwa bei babtimqa iga unsim dena poigwas, ni Qotei aqa wau ojeqnum.”

Mak 8:11 Iomraidhean Croise

Matyu 12:38

Onaqa dal anjam qalie tamo qudei ti Farisi qudei ti naŋgi na kamba Yesus minjeb, “O Qalie Tamo Koba, ni endego Qotei aqa maŋwa bei babtimqa iga unsim dena poigwas, bole, ni Qotei aqa wau ojeqnum.”

Matyu 19:3

Onaqa Farisi naŋgi olo Yesus aqa areq bosibqa a anjam bei grotimqa qusib naŋgi a ojqajqa deqa laŋa gisaŋyosib endegsib nenemyeb, “Tamo bei aqa ŋauŋ aqa jejamuq di une kiñala bei soqnimqa a na uratqa kere e? Gago dal anjamq di degsi unu e?”

Matyu 21:23

Yesus a na aqa aŋgro naŋgi anjam degsi minjrsiq koboonaqa a olo atra tal miligiq gilsiq dia Qotei aqa anjam palontosiq tamo uŋgasari naŋgi minjroqnej. Onaqa atra tamo kokba ti Israel naŋgo tamo bole bole ti naŋgi na aqa areq bosib nenemyeb, “Ni iga merge. Ni siŋgila qabe na osimqa kumbra endi yeqnum? Yai na ni qariŋmej deqa ni bosim wau endi yeqnum?”

Matyu 22:15

Onaqa Farisi naŋgi jaraiosib naŋgi anjam kie Yesus nenemyibqa a anjam grotimqa qusib naŋgi a ojqajqa deqa qairoqneb.

Matyu 22:18

Onaqa Yesus a naŋgo areqalo uge di poiyonaqa minjrej, “Niŋgi gisaŋ tamo. Kiyaqa niŋgi e anjam bei grotitqa qusib niŋgi e ojqajqa deqa gisaŋbeqnub?

Matyu 22:23

Onaqa bati qujai deqa Sadyusi tamo qudei naŋgi Yesus a nenemyqa beb. Sadyusi naŋgi mareqnub, “Tamo moreŋo qaji naŋgi olo subq na tigelqasai.” Deqa naŋgi bosib Yesus endegsib nenemyeb,

Mak 12:15

Onaqa Yesus a naŋgo gisaŋ anjam di poiyonaqa minjrej, “Kiyaqa niŋgi e anjam bei grotitqa qusib niŋgi e ojqajqa deqa gisaŋbeqnub? Meniŋ silali bei osi boiye. Osbab e unqai.”

Mak 2:16

Onaqa Farisi tamo qudei naŋgi bosib Yesus a une tamo ti takis o qaji tamo ti naŋgi koba na iŋgi uyeqnab unjrsibqa Yesus aqa aŋgro naŋgi minjreb, “Yesus a kiyaqa une tamo ti takis o qaji tamo ti naŋgi koba na iŋgi uyeqnub?”

Mak 9:16

Degsi minjnabqa Yesus na aqa aŋgro naŋgi nenemnjrej, “Niŋgi anjam kie qa dal anjam qalie tamo naŋgi ti anjam na qoteqnub?”

Luk 10:25

Onaqa dal anjam qalie tamo bei a Yesus aqa siŋgila laŋa unqa osiqa deqa Yesus gisaŋyosiq minjej, “O Qalie Tamo Koba, e kumbra bole kie dauryosiyqa dena e ŋambile gaigai sqai?”

Luk 11:16

Onaqa tamo qudei naŋgi Yesus aqa siŋgila laŋa tenemtqa marsibqa deqa gisaŋyosib minjeb, “Ni Qotei laŋ goge di unu qaji aqa siŋgila bei babtimqa iga unsim marqom, ‘Bole, ni Qotei aqa Ŋiri.’”

Jon 4:48

Onaqa Yesus na qaja tamo di minjej, “Nuŋgo segi ŋamdamu na ijo maŋwa bei unqasai di niŋgi e qa nuŋgo areqalo siŋgilatqasai.”

Jon 6:30

Onaqa naŋgi Yesus aqa anjam di qusibqa olo nenemyeb, “Ni Qotei aqa maŋwa kie babtim iga unsim ni qa gago areqalo siŋgilatqom? Nami gago moma naŋgi wadau sawaq di sosib laŋ qure qa bem uyoqneb. Agi Qotei aqa anjam bei nami endegsib neŋgreŋyeb unu, ‘A na laŋ qure qa bem tamo uŋgasari naŋgi anainjreqnaq uyoqneb.’ Degsib neŋgreŋyeb. Ariya ni wau kie yim iga unsim ni qa poigim gago areqalo ni qa siŋgilatqom?”

Jon 7:48

Niŋgi uniye. Juda tamo koba bei Yesus qa aqa areqalo siŋgilatosai. Farisi tamo bei dego Yesus qa aqa areqalo siŋgilatosai. Sai bolesai.

Jon 8:6

Naŋgi Yesus laŋa are qameteb. Naŋgi endegsib are qaleb, “Iga Yesus laŋa are qametonam a anjam bei grotimqa qusim a ojqom.” Onaqa Yesus a kamba naŋgi anjam bei minjrosai. A mana qamsiq turuosiqa baŋ gei na mandamq di neŋgreŋyoqnej.

Aposel 5:9

Degsi minjnaqa Pita na minjej, “Kiyaqa ni ino gumbuluŋ wo anjam keretosib kumbra uge di yonub? Niŋgi maronub, ‘Tamo Koba Qotei aqa Mondor a gago kumbra di unqasai.’ Degosib niŋgi yonub. Ni que. Aŋgro wala ino gumbuluŋ subq atonub qaji naŋgi bosib siraŋmeq di tigelonub. Naŋgi ni dego qoboimosib gilsib subq atqab.”

1 Korin 10:9

Iga Kristus aqa kumbra tenemtosim laŋa pegiyqasai. Agi gago moma qudei naŋgi Tamo Koba Qotei aqa kumbra tenemtoqnsib laŋa pegiyoqneb deqa Qotei na amal uge qariŋnjrnaqa bosib naŋgi uñinjrnab moreŋeb.