Mak 7:7 - Yesus Aqa Anjam Bole

⁷ Naŋgi laŋa babaŋ na e qa loueqnub. Naŋgi naŋgo segi anjam palontoqnsib olo beltoqnsib gisaŋosib mareqnub, “Gago anjam endi Qotei aqa anjam.” ’ Aisaia a niŋgi qa keretsiqa anjam degsi neŋgreŋyej. Aqa anjam di bole.

Mak 7:7 Iomraidhean Croise

Matyu 15:9

Naŋgi mandam tamo naŋgo dal anjam palontoqnsib olo beltoqnsib mareqnub, “Gago anjam endi Qotei aqa anjam.” Deqa naŋgi laŋa babaŋ na e qa loueqnub.’”

Matyu 6:7

“Tamo naŋgi Qotei qaliesai qaji naŋgi laŋa laŋa pailyo olekoba yoqnsibqa endegsib are qaleqnub, ‘Iga pailyo olekoba yoqnimqa Qotei a gago pail quqwas.’ Di gisaŋ. Deqa niŋgi Qotei pailyqa osibqa degsib pailyaib.

1 Korin 15:14

Qotei na Kristus subq na tigeltosai qamu anjam iga palonteqnum qaji di bolesai qamu nuŋgo areqalo Kristus qa siŋgilateqnub qaji di laŋa uloŋej qamu.

1 Korin 15:58

Deqa ijo was bole, niŋgi siŋgila na soqniye. Sosib niŋgi Tamo Koba Yesus qa waukobaoqniye. Niŋgi wau di urataib. Niŋgi qalie, niŋgi Tamo Koba Yesus aqa wau ojeqnub di uloŋqa keresai. Deqa niŋgi gaigai Tamo Koba Yesus aqa wau siŋgila na yoqniye.

Kolosi 2:22

Dal anjam di jejamu qa iŋgi iŋgi qa anjam. Iga jejamu qa iŋgi iŋgi qa are qalsim wauqom di keresai. Iŋgi iŋgi di urur koboqab. Dal anjam di mandam tamo naŋgi na babtoqnsib iga dauryqa mergeqnub.

Taitus 3:9

Ariya tamo qudei naŋgi nanari anjam maroqnsib laŋa laŋa ŋiriŋoqnsib anjam na qotoqnsib laqnub. Naŋgo moma naŋgo ñam qa ti Moses aqa dal anjam qa ti laŋa laŋa maroqnsib anjam na qoteqnub. Naŋgi anjam di marqajqa tulaŋ arearetnjreqnu. Iga qalie, anjam dena iga aqaryaigwa keresai. Deqa Taitus, ni tamo deqaji naŋgo anjam di quetnjraim. Torei urat.

Jems 1:26

Tamo bei a endegsi are qalqas, “E gaigai Qotei qa loueqnum. Deqa e Kristen tamo bole.” Ariya tamo di a aqa segi medabu geregere taqatosaieqnu. Aqa kumbra dena a na aqa segi jejamu gisaŋyeqnu. Deqa a Qotei qa loueqnu di a laŋa loueqnu.

Jems 2:20

Ni nanari tamo. Ni mareqnum, “E Kristus qa ijo areqalo siŋgilateqnum.” Ni degsi maroqnsim ariya ni olo kumbra bole bei babtosaieqnum. Deqa ni laŋa medabu na mareqnum. Ni ijo anjam di aqa utru poimqo e? Ariya ni que.

Uli Anjam 22:18

Tamo kalil Qotei aqa anjam e buk endia neŋgreŋyonum di queqnub qaji naŋgi e siŋgila na endegsi minjrqai. Tamo bei a mandam qa anjam bei osim Qotei aqa anjam ende ti turtqas di gulube uge uge kalil buk endia neŋgreŋyonum qaji di Qotei na kamba tamo di yqas.