Mak 7:34 - Yesus Aqa Anjam Bole

³⁴ Osiqa laŋ tarosiqa are tulaŋ gulubekobaiyonaqa jagwa titsiqa marej, “Efata.” Di Hibru anjam. Anjam di aqa damu, “Dabkala waqeme.”

Mak 7:34 Iomraidhean Croise

Mak 1:41

Onaqa Yesus na tamo di aqa yu unsiqa are ugeiyonaqa baŋ waiysiq ojej. Ojsiqa minjej, “E ni boletmqa are unu. Deqa ino jejamu olo boleeme.”

Mak 15:34

Onaqa Yesus a tulaŋ koba leleŋosiq marej, “Eloi, Eloi, lama sabaktani?” Di Hibru anjam. Anjam di aqa damu, “O ijo Qotei. O ijo Qotei. Ni kiyaqa e qoreibonum?”

Mak 5:41

Gilsiq aŋgro aqa baŋ ojsiqa soqtosiq minjej, “Talita, kum.” Di Hibru anjam. Anjam di aqa damu, “O aŋgro, ni tigel.”

Mak 6:41

Awoonabqa Yesus a na bem 5-pela ti qe aiyel ti di osiqa laŋ goge tarosiq Qotei pailyej. Pailyo koboonaqa bem giŋgeŋyosiqa aqa aŋgro naŋgi enjrsiqa minjrej, “Bem endi jeisib tamo uŋgasari naŋgi anainjriye.” Osiqa qe aiyel dego giŋgeŋyosiqa aqa aŋgro naŋgi enjrsiqa minjrej, “Qe endi dego jeisib tamo uŋgasari naŋgi anainjriye.” Degsi minjrnaqa naŋgi bem ti qe ti osi giloqnsibqa tamo uŋgasari naŋgi jeisib enjreqnab uyoqneb.

Mak 7:35

A degsi marnaqa tamo di aqa dabkala waqej. Aqa meŋ dego boleej. Onaqa a anjam bole maroqnej.

Mak 8:12

Degsib Yesus minjnabqa a naŋgi qa are tulaŋ gulubeiyonaqa jagwa titsiqa minjrej, “Niŋgi tamo uŋgasari bini bati endeqa unub qaji kiyaqa e Qotei aqa maŋwa bei laŋa babtit niŋgi unqajqa merbeqnub? Niŋgi quiye. E Qotei aqa maŋwa bei niŋgi osorŋgwasai.”

Luk 18:42

Onaqa Yesus na minjej, “Ni e qa ino areqalo siŋgilatonum deqa e ni boletmqai. Deqa ino ŋamdamu olo poimeme.”

Luk 19:41

Yesus a naŋgi degsi minjrsiqa aisiq Jerusalem qure jojomyosiqa ŋam atej. Ŋam atsiqa Jerusalem qure unsiqa akamej.

Luk 7:14

Degsi minjsiq walwelosiqa baŋ waiysiq kulum aŋgro jigeb qaji di ojnaqa tamo naŋgi a qoboiyosib giloqneb qaji tigeleb. Onaqa Yesus na aŋgro moiej qaji di minjej, “O aŋgro, e ni mermqai, ni tigel.”

Jon 11:33

Onaqa Yesus a Juda tamo uŋgasari Maria dauryosib beb qaji naŋgi Maria ombla akamoqneb di unsiqa naŋgi qa are ugeiyonaqa nenemnjrej,

Jon 11:35

Degsi minjnabqa Yesus a dego akamej.

Jon 11:38

Onaqa Yesus a naŋgo yomu anjam di qusiqa are gulubeiyonaqa walwelosiq Lasarus aqa subq gilej. Sub di mana miligiq di bogeb. Lasarus nami subq atsib meniŋ kobaquja na sub me getenteb.

Jon 11:41

Degsi minjnaqa naŋgi meniŋ kobaquja di taqal atnabqa Yesus a laŋ goge tarosiqa Qotei endegsi pailyej, “O Abu, ni ijo pail endi quonum deqa e ni qa tulaŋ areboleboleibqo.

Jon 11:43

Yesus a degsi Qotei pailyosiq koboonaqa a tulaŋ koba maosiq marej, “O Lasarus, ni subq dena tigelosim au.”

Jon 17:1

Yesus a na aqa aŋgro naŋgi anjam degsi minjrsiq koboonaqa laŋ goge tarosiqa Qotei endegsi pailyej, “O Abu, bati brantqo. E ino segi Aŋgro deqa ni na e ñam koba ebime. Yim e kamba dego ni ñam koba emqai.

Aposel 9:40

Onaqa Pita a naŋgi minjrej, “Niŋgi kalil oqediye.” Degsi minjrnaqa naŋgi oqedonab siŋga pulutosiq Qotei pailyej. Pailyosiq koboonaqa uŋa moiej qaji aqa areq gilsiqa minjej, “O Tabita, ni tigel.” Degsi minjnaqa a ŋam plaltosiqa Pita unsiq tigelosiq awoej.

Hibru 4:15

Iga segi siŋgila saiqoji. Deqa iga na gago une aqa siŋgila kobotqa keresai. Ariya gago atra tamo kobaquja unu agi Yesus. Deqa iga endegsi are qalqasai, Yesus a gago une qa iga aqaryaigwa keresai. Iga degsi are qalqasai. Satan na iga walawalaigoqnsiqa uneq waigwa laqnu dego kere Satan na Yesus dego uneq waiyqa maroqnsiq walawalaiyoqnej. Ariya Yesus a segi une saiqoji.