Mak 7:27 - Yesus Aqa Anjam Bole

²⁷ Onaqa Yesus a uŋa di aqa anjam qusiqa yawo anjam bei endegsi minjej, “Iga aŋgro du du naŋgi mati iŋgi anainjrim uyib menetnjrimqa di bauŋ naŋgi iŋgi uyqab. Iga aŋgro du du naŋgo iŋgi yainjrsim olo bauŋ naŋgi anainjrqom di kumbra bolesai.”

Mak 7:27 Iomraidhean Croise

Matyu 10:5

Osiqa aŋgro 12-pela naŋgi di qariŋnjrsiqa minjrej, “Niŋgi qure qureq giloqniye. Ariya niŋgi tamo sawa bei bei qaji naŋgoq giloqnaib. Samaria naŋgo qureq dego giloqnaib.

Matyu 7:6

“Niŋgi iŋgi boledamu osib bauŋ naŋgi enjraib. Enjrqab di naŋgi iŋgi di uratsib bosib niŋgi uñiŋgwab. Niŋgi kolilei bole bole osib bel naŋgi enjraib. Enjrqab di naŋgi kolilei di mandamq di waiysib naŋgo siŋga na soseleŋqab.”

Mak 7:26

Uŋa di a Grik qaji. A Juda uŋa sai. A Siria sawaq dia ŋambabej. A Finisia qure qaji. A na Yesus waiŋyoqnsiqa minjoqnej, “Ni na mondor uge di wiyimqa a na ijo aŋgro uratosim ulaŋqas.”

Mak 7:28

Onaqa uŋa dena olo Yesus minjej, “O Tamo Koba, ni kere maronum. Ariya e kamba anjam bei mermit ni que. Aŋgro du du naŋgi iŋgi uyeqnabqa iŋgi ñeŋgi ululoŋeqnaqa bauŋ naŋgi dego uyeqnub.”

Aposel 22:21

Onaqa Tamo Koba Yesus na e olo merbej, ‘Ni tigelosim Jerusalem qure uratosim aie. E ni qariŋmitqa ni sawa isaq aisim dia sawa bei bei qaji tamo naŋgi ijo anjam minjroqnqam.’”

Rom 15:8

E endegsi marqai. Kristus a Juda naŋgi aqaryainjrqa oqnsiq wauoqnej. Qotei aqa anjam a bole di naŋgi qalieqajqa deqa osiq wauoqnej. Anjam Qotei na nami Juda naŋgo moma utru naŋgi minjroqnej qaji di siŋgilatqajqa deqa ti Kristus a wauoqnej.

Efesus 2:12

bati deqa niŋgi Kristus aqaq di sosai. Niŋgi isaq di soqneb. Niŋgi Israel tamo uŋgasari naŋgi ti sosai dego. Qotei na Israel naŋgi iŋgi bole bole enjrqa minjrsiqa aqa anjam di siŋgilatosiq soqnej. Ariya anjam di a na niŋgi merŋgosai. Deqa iŋgi bole bole mondoŋ brantqas qaji deqa niŋgi tariŋosaioqneb. Niŋgi mandamq endia laŋa Qotei qaliesai soqneb.