Mak 7:24 - Yesus Aqa Anjam Bole

²⁴ Onaqa Yesus a sawa di uratosiqa walwelosiq Tair qure naŋgo sawaq gilej. Tamo naŋgi a qa qalieaib deqa a uliosiq gilej. Gilsiq tal bei gogetosiq sosiqa a talq dia uliesqa keresaiiyej. Di kiyaqa? Tamo qudei naŋgi a uneb deqa. Unsibqa mareb, “Yesus a gago sawaq bqo. A talq di unu.”

Mak 7:24 Iomraidhean Croise

Matyu 11:21

Osiqa minjrej, “O tamo uŋgasari Korasin qure ti Betsaida qure ti di unub qaji, niŋgi tulaŋ padalougetqab. Tamo bei a Tair qure ti Saidon qure ti deq gilsiq maŋwa e nuŋgoq di yoqnem qaji di naŋgoq di yo qamu naŋgi nami are bulyosib naŋgo une qa are ugeinjrnaq are uge qa gara jigsib ŋam sumq di awoeb qamu.

Matyu 9:28

Degsib Yesus minjeqnabqa a tal bei gogetej. Tal gogetosiq sonaqa naŋgi aiyel Yesus aqa areq bonabqa minjrej, “E na niŋgi boletŋgwa kere niŋgi degsib are qalonub e?” Onaqa naŋgi na minjeb, “Od, Tamo Koba. Iga are qalonum, ni na aqo aiyel boletgwa kere.”

Mak 2:1

Ariya bati bei Yesus a olo Kaperneam qureq gilsiq di sonaqa qure deqaji tamo uŋgasari naŋgi endegsib queb, “Yesus a olo gago qureq bqo. A talq di unu.”

Mak 7:23

Kumbra uge uge deqaji tamo naŋgo are miligiq na brantoqnsiq dena tamo jiga yeqnu.”

Mak 7:25

Degsib marnabqa uŋa bei a qusiqa aqa aŋgro sebiŋ a mondor uge ti soqnej deqa a Yesus aqa talq giloqujatosiqa aqa areq di siŋga pulutej.

Mak 7:31

Onaqa Yesus a Tair qure naŋgo sawa uratosiqa Saidon qure ambleq na walwelosiqa Dekapolis sawaq gilsiqa Galili ya aguq di brantej.

1 Timoti 5:25

Dego kere tamo naŋgo kumbra bole qudei dego boleqsi unu. Ariya kumbra bole qudei urur boleq dqasai di uŋgum. Kumbra di bunuqna boleq dqas. Kumbra bole deqaji gaigai uliesqa keresai.