Mak 6:56 - Yesus Aqa Anjam Bole

⁵⁶ Osiqa walwelosiqa qure kiñilala ti qure kokba ti naŋgo segi segi gamq dia dego branteqnaqa tamo uŋgasari naŋgi a unoqnsibqa tamo ma ti naŋgi joqoqnsib naŋgo qure ambleq dia atoqnsib minjoqneb, “O Tamo Koba, naŋgi ino gara mutu segi ojibqa naŋgo ma saioqnqas.” Onaqa Yesus a na naŋgi odnjreqnaqa ma tamo kalil naŋgi aqa areq boqnsib aqa gara mutu ojoqneb. Ojeqnab naŋgo ma kalil saieleŋoqnej.

Mak 6:56 Iomraidhean Croise

Matyu 14:36

Beleŋoqnsib Yesus minjoqneb, “O Tamo Koba, naŋgi ino gara mutu segi ojibqa naŋgo ma saioqnqas.” Onaqa Yesus na odnjrnaqa ma tamo kalil naŋgi aqa areq boqnsib aqa gara mutu ojoqneb. Ojeqnab naŋgo ma kalil saieleŋoqnej.

Matyu 9:20

Naŋgi gileqnabqa uŋa bei ma ti soqnej qaji a Yesus aqa qoreq na dadauryosiqa baŋ waiysiq Yesus aqa gara mutu ojej. Uŋa di a nami bai na unej leŋ aioqnsiq degsi soqnej wausau 12-pela uratej.

Mak 3:10

Yesus a nami tamo uŋgasari tulaŋ gargekoba naŋgi boletnjroqnej. Deqa tamo ma ti kalil naŋgi aqa areq boqnibqa a na naŋgo jejamu ojetnjrimqa naŋgi boleqajqa deqa marsib bosib jujuŋyoqneb.

Luk 22:51

Onaqa Yesus na aqa aŋgro naŋgi minjrej, “Kumbra degyaib. Uratiye.” Degsi minjrsiqa tamo di aqa dabkala ojnaqa olo boleej.

Luk 6:19

Yesus aqa jejamuq dena siŋgila gileqnaqa tamo ma ti kalil naŋgo ma saioqnej. Yeqnaqa tamo uŋgasari kalil naŋgi Yesus aqa siŋgila di unoqnsib deqa aqa jejamuq di naŋgo baŋ atqa maroqnsib baŋ waiyoqneb.

Luk 8:44

Deqa a Yesus aqa qoreq na dadauryosiqa baŋ waiysiq Yesus aqa gara mutu ojej. Ojnaqa aqa leŋ aioqnej qaji di koboej.

Aposel 4:12

Niŋgi quiye. Tamo bei aqa ñam na Qotei na iga oqasai. Iga oqajqa tamo bei saiqoji. Qotei na tamo bei iga osorgosai bolesai. Yesus aqa ñam na qujai Qotei na iga oqas. Amqa iga padalqasai. Sawa bei beiq dia dego tamo bei na iga oqajqa di sosai.”

Aposel 5:15

Deqa naŋgi na tamo uŋgasari ma ti soqneb qaji naŋgi saperaq di ŋeiotnjroqnsib qoboinjrsib boqnsib gam qalaq di ateleŋoqneb. Pita a gam na walwelosim giloqnimqa aqa seŋ qunuŋ na naŋgi waburtnjroqnimqa naŋgo ma kobooqnqajqa deqa are qalsibqa gam qalaq di ateleŋoqneb.