Mak 6:32 - Yesus Aqa Anjam Bole

³² Degsi minjrsiqa aqa aŋgro naŋgi joqsiqa koba na qobuŋ gogetosib wadau sawaq gileb.

Mak 6:32 Iomraidhean Croise

Mak 3:9

Onaqa Yesus a na aqa aŋgro naŋgi endegsi minjrej, “Qobuŋ bei atib soqnem. Tamo uŋgasari naŋgi bosib e tulaŋ jujuŋbibqa e qobuŋ gogetosiy di awoqai.” Onaqa aqa aŋgro naŋgi qobuŋ bei atnab soqnej.

Mak 4:36

Degsi minjrnaqa naŋgi qobuŋ gogetonabqa koba na tamo uŋgasari kalil uratnjrsibqa qobuŋ na gileqnabqa tamo qudei naŋgi dego naŋgo qobuŋ segi segi osib Yesus dauryosib gileb.

Mak 6:33

Naŋgi qobuŋ na gileqnabqa tamo uŋgasari kalil naŋgi ŋam atsib Yesus unsibqa aqa ulatamu poinjrnaqa naŋgo segi qure qureq dena tigelosibqa siŋga na gurgurosib Yesus tiryqajqa sawaq dia namoosib bumbraŋyeb.

Mak 6:45

Onaqa Yesus a na aqa aŋgro naŋgi endegsi minjrej, “Niŋgi qobuŋ gogetosib namoosib gilsib Betsaida qureq di tiryosib soqniye. E na tamo uŋgasari naŋgi minjritqa naŋgo qure qureq jaraioqnib bqai.”

Mak 6:51

Degsi minjrsiqa qobuŋ gogetonaqa jagwa laej. Onaqa Yesus aqa aŋgro naŋgi aqa siŋgila di unsibqa naŋgi tulaŋ prugeleŋeb. Di kiyaqa? Naŋgi Yesus aqa siŋgila di unsib utru geregere poinjrosai deqa. Nami Yesus na tamo 5,000 naŋgi iŋgi anainjrej kumbra di uneb naŋgi poinjrosai. Naŋgo areqalo geteŋnjresoqnej.

Jon 6:1

Bati bei Yesus a Galili ya agu taqal beiq gilej. Ya agu di aqa ñam bei Taiberias ya agu.