Mak 6:3 - Yesus Aqa Anjam Bole

³ Iga qalie, a laŋa tal gereiyo qaji tamo. A Maria aqa ŋiri. A Jems na Joses na Judas na Saimon na naŋgo was. Aqa nawi kalil naŋgi agi iga koba na endi unum.” Naŋgi degsib yomu anjam marsib Yesus qa ugeeb.

Mak 6:3 Iomraidhean Croise

Matyu 11:6

Ariya niŋgi quiye. Tamo naŋgi e nubsib e qa naŋgo areqalo siŋgilatosib olo ijo ñam ulontosaieqnub qaji naŋgi tulaŋ areboleboleinjrim sqab.”

Matyu 12:46

Yesus a na tamo uŋgasari naŋgi anjam degsi minjreqnaqa aqa was naŋgi aqa aniqali ombla na Yesus qa bosib talq di iteb. Yesus a warum miligiq di sonaqa naŋgi anjam bei minjqajqa deqa oqeq di tigelesoqneb.

Mak 15:40

Ariya Yesus a ŋamburbasq di moinaqa uŋgasari qudei naŋgi isaq di tigelesosib Yesus koqyesoqneb. Bei Maria Makdala qure qaji. Maria bei agi Jems yala wo Joses wo naŋgo ani. Uŋa bei Salome.

Mak 3:18

Ariya Andru wo Filip wo. Bei Bartolomyu naŋgi Matyu wo. Bei Tomas. Bei Alfias aqa ŋiri Jems. Bei Tadius. Bei Saimon agi Rom naŋgi winjrqajqa maroqnej qaji.

Luk 2:34

Onaqa Simion a naŋgi aiyel qa Qotei pailyosiqa Yesus aqa ani Maria minjej, “Ni que. Qotei na aŋgro endi giltqo deqa Israel tamo gargekoba naŋgi uloŋqab. Gargekoba dego olo tigelqab. A toqor bul sqas deqa tamo gargekoba naŋgi a jeutoqnqab.

Luk 7:23

Ariya niŋgi quiye. Tamo naŋgi e nubsib e qa naŋgo areqalo siŋgilatosib olo ijo ñam ulontosaieqnub qaji naŋgi tulaŋ areboleboleinjrim sqab.”

Jon 14:22

Onaqa Judas bei Judas Iskariot sai a na Yesus endegsi nenemyej, “O Tamo Koba, kiyaqa ni tamo uŋgasari kalil mandamq endi unub qaji naŋgoq di brantqa saidosim gago segiq di brantoqnsim ni segi qa babtoqnqam?”

Jon 6:42

Yomuoqnsib maroqneb, “Tamo di Yesus. A Josep aqa ŋiri. Aqa ai wo abu wo naŋgi qa iga qalie. A kiyaqa marqo, ‘E laŋ qure uratosim mandamq aiem’?”

Aposel 12:17

Onaqa Pita a aqa baŋ soqtosiqa naŋgi anjam marqa getentnjrnaqa naŋgi kirionabqa Tamo Koba Yesus na tonto talq dena oqeq atej deqa naŋgi sainjrej. Osiqa minjrej, “Niŋgi gilsib Kristen was kalil Jems ombla endegsib minjriye, ‘Pita a tonto talq dena oqedqo.’” Pita a naŋgi degsi minjrsiqa naŋgi uratnjrsiq tal beiq gilej.

1 Korin 1:23

Ariya Kristus a ŋamburbasq di moiej anjam di iga palontsim laqnam Juda naŋgi quoqnsib gisaŋ qa mareqnub. Grik naŋgi dego anjam di quoqnsib nanari qa mareqnub.

1 Korin 9:4

“Iga Yesus aqa wau ojeqnum dena iga awai osim gago segi iŋgi ti ya ti uyqa kere e?

Galesia 1:19

E Jerusalem di soqnem bati di e Yesus aqa anjam maro tamo bei unosai. E Tamo Koba Yesus aqa aube Jems a segi unem.

1 Pita 2:4

Tamo Koba Yesus a tal aqa ai bul siŋgila na tigelejunu. Tal aqa ai di ŋambile unu. Niŋgi tal aqa ai deq boiye. Tal aqa ai di tamo uŋgasari naŋgi na unsibqa uge qa marsib taqal waiyeb. Ariya Qotei na olo tal aqa ai di giltosiqa marej, “Tal aqa ai di tulaŋ boledamu.”

Jut 1:1

E Jut. E Yesus Kristus aqa wau tamo. E Jems aqa was. E na anjam endi neŋgreŋyosim niŋgi tamo uŋgasari Qotei na metŋgej qaji niŋgi qa qariŋyonum. Gago Abu Qotei a na niŋgi tulaŋ qalaqalaiŋgeqnu. Yesus Kristus a segi na niŋgi taqatŋgeqnu.