Mak 6:2 - Yesus Aqa Anjam Bole

² Gilsiq di sonaqa yori batiej. Deqa a Juda naŋgo Qotei tal miligiq gilsiqa tamo uŋgasari gargekoba sonabqa tigelosiqa Qotei aqa anjam palontosiq minjroqnej. Minjreqnaqa tamo uŋgasari naŋgi aqa anjam qusibqa naŋgi tulaŋ prugeleŋosib maroqneb, “Yesus a powo qabe na osiqa anjam siŋgila endeqaji palontosiq mergeqnu? A kiersim maŋwa endeqaji babteleŋeqnu?

Mak 6:2 Iomraidhean Croise

Matyu 4:23

Yesus a dena walwelosiqa Galili sawa keretoqnsiqa Juda naŋgo Qotei tal miligiq giloqnsiqa Qotei aqa anjam palontosiq minjroqnej. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam bole di Yesus na palontosiq minjroqnej. Osiqa tamo ma utru segi segi so qaji naŋgi boletnjroqnej.

Matyu 7:28

Yesus a anjam di kalil marsiq koboonaqa tamo uŋgasari tulaŋ gargekoba naŋgi di aqa anjam qusib naŋgi tulaŋ prugeleŋeb.

Mak 1:39

Degsi minjrsiqa walwelosiqa Galili sawaq dia qure qure kalilq di brantoqnsiqa Juda naŋgo Qotei tal miligiq giloqnsiqa Qotei aqa anjam palontosiq minjroqnej. Osiqa mondor uge uge naŋgi winjreqnaqa naŋgi na tamo naŋgi uratnjroqnsib jaraioqneb.

Mak 10:1

Yesus a na aqa aŋgro naŋgi anjam degsi minjrej. Osiqa sawa di uratosiqa Judia sawaq gilsiq Jordan ya taqal beiq di soqnej. A di sonaqa tamo uŋgasari tulaŋ gargekoba naŋgi olo bosib aqa areq di koroonabqa aqa kumbra gaigai yoqnej qaji di olo dauryosiqa Qotei aqa anjam plaltosiq minjroqnej.

Luk 2:47

Aqa powo tulaŋ kobaquja. Deqa a dal anjam qalie tamo naŋgo anjam qusiq kamba anjam bole bole minjreqnaqa tamo uŋgasari naŋgi qusibqa tulaŋ prugeleŋoqneb.

Luk 4:15

Onaqa a bati gaigai Juda naŋgo Qotei tal miligiq giloqnsiqa tamo uŋgasari naŋgi Qotei aqa anjam minjreqnaqa naŋgi quoqnsib aqa ñam soqtoqneb.

Jon 6:42

Yomuoqnsib maroqneb, “Tamo di Yesus. A Josep aqa ŋiri. Aqa ai wo abu wo naŋgi qa iga qalie. A kiyaqa marqo, ‘E laŋ qure uratosim mandamq aiem’?”

Jon 7:15

Onaqa Juda tamo kokba naŋgi Yesus aqa anjam di qusibqa naŋgi are koba qaloqnsib segi segi maroqneb, “Yesus a powo kobaquja di qabe na osiqa anjam mareqnu? A nami skul beiq gilosai.”