Mak 6:11 - Yesus Aqa Anjam Bole

¹¹ Tamo bei na niŋgi gereiŋgwa uratimqa kio nuŋgo anjam quqwa asgiyimqa kio niŋgi qure di uratqa oqnsib nuŋgo siŋga tatal tumbrum butuyoqniye. Yimqa naŋgi nuŋgo kumbra di unsib poinjrqas, ‘Bole, iga kumbra ugetonum.’”

Mak 6:11 Iomraidhean Croise

Matyu 12:36

“Ariya e niŋgi endegsi merŋgwai. Mondoŋ Qotei na tamo naŋgo une qa peginjrqa batiamqa tamo uŋgasari naŋgo anjam kalil naŋgi laŋa laŋa mareqnub qaji di Qotei na naŋgo jejamuq di atsim naŋgi peginjrqas.

Mak 6:10

Osiqa minjrej, “Niŋgi qure bei beiq di brantoqnsibqa tal qujaiq di soqniye. Dia sosib dena olo tigelosib qure beiq giloqniye.

Luk 9:5

Tamo naŋgi niŋgi gereiŋgosaiabqa niŋgi qure di uratqa oqnsib nuŋgo siŋga tumbrum butuyoqniye. Yimqa naŋgi nuŋgo kumbra di unsib poinjrqas, ‘Bole, iga kumbra ugetonum.’”

Aposel 18:6

Degsi minjreqnaqa Juda naŋgi Pol aqa anjam di qusib gotraŋyoqnsib Pol misiliŋyoqneb. Deqa Pol a na aqa segi gara jugo tumbrum butuyosiqa minjrej, “Niŋgi padalqab di nuŋgo segi une na niŋgi padalqab. Ijo une na sai. Deqa bini e niŋgi uratŋgsiy sawa bei bei qaji tamo naŋgoq giloqnsiyqa Yesus aqa anjam naŋgi segi minjroqnqai.”

Rom 2:5

Ino are miligi geteŋejunu deqa ni are bulyosai. Ino kumbra dena ni na ino awai uge tombol ateqnum. Deqa mondoŋ diŋo batiamqa Qotei a kumbra tiŋtiŋ na tamo naŋgo une qa minjrsimqa aqa minjiŋ boleq atsim awai tulaŋ ugedamu ni emqas.

2 Pita 2:6

Sodom qure ti Gomora qure ti naŋgi dego Qotei na padaltnjrqa marsiqa ŋamyuo qariŋyonaqa aisiq naŋgi koitnjrnaq naŋgi torei padalekriteb. Deqa bunuqna tamo naŋgi Qotei qoreiyeqnub qaji naŋgi Sodom ti Gomora ti naŋgi qa are qaloqnsib ulaoqnqab.

2 Pita 2:9

Ariya was qu, Tamo Koba Qotei a nami degsiqa tamo uge uge naŋgo une qa maroqnsiq naŋgi padaltnjroqnej. Deqa iga qalieonum, tamo naŋgi Qotei dauryeqnub qaji naŋgi gulube iteqnabqa a na olo naŋgi eleŋeqnu. Naŋgi eleŋqajqa gam di Qotei a bole qalie. Tamo uge uge naŋgo kumbra di dego Qotei a qalie. Deqa mondoŋ a na naŋgi osim naŋgo une qa peginjrsim awai uge enjrqas.

2 Pita 3:7

Ariya bini laŋ ti mandam ti tariŋoqnsib unub. Mondoŋ Qotei a olo anjam marimqa laŋ ti mandam ti ŋamyuo na yusib koboqab. Bati deqa Qotei na tamo naŋgi a qoreiyeqnub qaji naŋgo une qa peginjrsim naŋgi torei padaltnjrqas.

1 Jon 4:17

Iga degsi sqom di qalaqalaiyo kumbra di gago are miligiq di tulaŋ kobaosim siŋgilaesqas. Deqa mondoŋ Qotei na tamo naŋgo une qa peginjrqa batiamqa iga ulaqasai. Bole, iga mandamq endi unum. Ariya iga Kristus bulosim aqa kumbra bole dauryeqnum deqa mondoŋ iga ulaqasai.

Jut 1:7

Nami Sodom ti Gomora ti qure kalil jojomq di soqneb qaji naŋgi ti laŋ aŋgro uge naŋgo kumbra di dauryoqnsib sambala kumbra tulaŋ ugedamu yoqneb. Naŋgo sambala kumbra di tulaŋ bei. Deqa mondoŋ Qotei na naŋgi ŋamyuo kobaq di breinjrim naŋgi bati gaigai dia sqab. Deqa was qu, iga kumbra uge deqa are qaloqnsim ulaoqnqom. Osim kumbra uge di dauryqa uratqom.