Mak 5:34 - Yesus Aqa Anjam Bole

³⁴ Onaqa Yesus na minjej, “O uŋa, ni ino areqalo e qa siŋgilatosim ijoq bonum deqa ino ma agi koboqo. Deqa ni are lawo na gilsim bole soqnime.”

Mak 5:34 Iomraidhean Croise

Matyu 9:2

Brantosib sonabqa tamo qudei naŋgi na tamo bei jejamu laiyej qaji a saperaq di atsib Yesus aqa areq osi beb. Onaqa Yesus a tamo naŋgi di naŋgo areqalo unej naŋgo areqalo qujai Yesus na tamo di boletqa kere. Degsi unsiq deqa tamo jejamu laiyej qaji di minjej, “O ijo aŋgro, ni areboleimeme. Ino une kalil e na kobotetmonum.”

Matyu 9:22

Ojnaqa Yesus a bulosiqa uŋa di unsiqa minjej, “O ijo aŋgro, ni are lawo soqnime. Ni ino areqalo e qa siŋgilatosim ijoq bonum deqa ino ma agi koboqo.” Onaqa bati qujai deqa aqa leŋ aioqnej qaji di koboej.

Mak 10:52

Onaqa Yesus na minjej, “Ni e qa ino areqalo siŋgilatonum deqa e ni boletmqai. Deqa ino ŋamdamu olo poimimqa ni gile.” Degsi minjnaqa aqa ŋamdamu poiyonaqa sawa unsiqa tigelosiq Yesus dauryosiq aiej.

Mak 3:10

Yesus a nami tamo uŋgasari tulaŋ gargekoba naŋgi boletnjroqnej. Deqa tamo ma ti kalil naŋgi aqa areq boqnibqa a na naŋgo jejamu ojetnjrimqa naŋgi boleqajqa deqa marsib bosib jujuŋyoqneb.

Mak 5:29

Ojnaqa aqa leŋ aioqnej qaji di koboej. Koboonaqa a aqa segi jejamu poiyonaqa marej, “Bole, ijo ma saiqo.”

Mak 5:33

Onaqa uŋa di a endegsi poiyej, “Ijo ma saiqo deqa Yesus a e nubqajqa ŋam ateqnu.” A degsi poiyonaqa tulaŋ ulaugetosiq are toŋtoŋyonaqa jiŋga na bosiq Yesus aqa areq dia siŋga pulutosiq ubtsiq minjej, “E segi na ino gara mutu ojonum.”

Luk 17:19

Yesus a degsi marsiqa tamo di minjej, “Ni tigelosim gile. Ni ino areqalo e qa siŋgilatonum deqa ino jejamu boleqo.”

Luk 18:42

Onaqa Yesus na minjej, “Ni e qa ino areqalo siŋgilatonum deqa e ni boletmqai. Deqa ino ŋamdamu olo poimeme.”

Luk 7:50

Onaqa Yesus na uŋa di minjej, “Ni ino areqalo e qa siŋgilatonum deqa ino une kalil e na kobotetmonum. Deqa ni are lawo na gilime.”

Luk 8:48

Onaqa Yesus na minjej, “O uŋa, ni ino areqalo e qa siŋgilatosim ijoq bonum deqa ino ma agi koboqo. Deqa ni are lawo na gilsim bole soqnime.”

Aposel 14:9

Bati deqa Pol na Qotei aqa anjam palontsiq tamo uŋgasari naŋgi minjreqnaqa tamo di a quoqnej. Onaqa Pol na tamo di koqyosiqa aqa areqalo unej aqa areqalo qujai Qotei na a boletbqa kere.

Aposel 15:33

Naŋgi aiyel bati qudei Antiok qureq di sonabqa bunuqna Yesus aqa tamo uŋgasari naŋgi na minjreb, “O gago was niŋgi aiyel olo aiiye.” Degsib minjrsib qariŋnjrnabqa naŋgi Yesus aqa aŋgro 12-pela Jerusalem di soqneb qaji naŋgoq olo aieb.

Aposel 16:36

Onaqa a naŋgo anjam di qusiqa gilsiq Pol minjej, “Gate kokba naŋgi na qaja tamo qudei naŋgi qariŋnjronub bosib e endegsi merbonub, ‘Ni na naŋgi aiyel oqeq atim naŋgi gileb.’ Naŋgi e degsi merbonub. Deqa niŋgi aiyel are lawo na giliye.”