Mak 5:30 - Yesus Aqa Anjam Bole

³⁰ Onaqa Yesus a dego poiyonaqa are qalej, “Siŋgila qudei ijo jejamu uratosiq gilqo.” Degsi poiyonaqa bulosiq tamo uŋgasari tulaŋ gargekoba soqneb qaji naŋgi unjrsiqa minjrej, “Tamo yai na ijo gara ojqo?”

Mak 5:30 Iomraidhean Croise

Mak 5:31

Degsi minjrnaqa aqa aŋgro naŋgi na minjeb, “Ni kiyaqa degsi nenemonum? Ni une. Tamo uŋgasari tulaŋ gargekoba naŋgi ni daurmosib jujuŋmejunub.”

Luk 5:17

Bati bei tamo uŋgasari naŋgi olo koroesonabqa Yesus a na Qotei aqa anjam palontosiq minjroqnej. Minjreqnaqa bati di Farisi naŋgi ti dal anjam qalie tamo naŋgi ti tigelosib bosib Yesus aqa areq di awoeleŋesoqneb. Naŋgi Galili sawa naŋgo qure qureq dena ti Judia sawa naŋgo qure qureq dena ti Jerusalem qureq dena dego tigelosib bosib Yesus aqa areq di awoeleŋesoqneb. Bati di Tamo Koba Qotei aqa siŋgila Yesus aqa jejamuq di soqnej. Deqa a na tamo naŋgo ma gereiyetnjrqa marnaqa tamo qudei naŋgi na tamo bei jejamu laiyej qaji a saperaq di atsib Yesus aqa areq di atibqa Yesus na boletqajqa deqa qoboiyosib beb.

Luk 6:19

Yesus aqa jejamuq dena siŋgila gileqnaqa tamo ma ti kalil naŋgo ma saioqnej. Yeqnaqa tamo uŋgasari kalil naŋgi Yesus aqa siŋgila di unoqnsib deqa aqa jejamuq di naŋgo baŋ atqa maroqnsib baŋ waiyoqneb.

Luk 8:46

Onaqa Yesus a kamba marej, “E qalieonum, tamo bei na ijo gara ojqoqa siŋgila qudei ijo jejamu uratosiq aqaq gilqo.”

1 Pita 2:9

Ariya Qotei na niŋgi giltŋgej deqa niŋgi aqa segi tamo uŋgasari tiŋtiŋ unub. Niŋgi aqa atra tamo dego sosib a ombla mandor kokba tigelejunub. Osib niŋgi aqa segi kumbra boleq di sosib walweleqnub. Niŋgi aqa segi tamo sqa marsiq giltŋgej deqa niŋgi aqa kumbra bole kalil deqa mare mare laqnub. Nami niŋgi ambruq di soqneb deqa Qotei na niŋgi metŋgonaqa niŋgi ambru uratosib suwaŋoq beleŋeb. Suwaŋ di tulaŋ bolequja.