Mak 5:15 - Yesus Aqa Anjam Bole

¹⁵ Aqa areq bosib ŋam ateb tamo nami mondor uge ti soqnej qaji aqa areqalo boleosiq gara tigsiq awesonaq uneb. Unsib tulaŋ ulaugeteb. Di kiyaqa? Mondor uge tulaŋ gargekoba nami tamo di aqa jejamuq di soqneb deqa.

Mak 5:15 Iomraidhean Croise

Matyu 12:29

“Tamo bei a kiersim tamo siŋgila koba bei aqa tal gogetosim aqa iŋgi iŋgi kalil bajiŋqas? A mati tamo siŋgila di sil na tontim soqnimqa di aqa iŋgi iŋgi kalil bajiŋqas. Tontqasai di aqa iŋgi iŋgi bajiŋqa keresai.

Matyu 26:53

E na ijo Abu minjitqa a na laŋ aŋgro 72,000 naŋgi qariŋnjrimqa bosib e aqaryaibqa kere. Ni deqa qaliesai kio?

Matyu 4:24

Onaqa tamo uŋgasari kalil Siria sawaq di soqneb qaji naŋgi anjam endegsib queb, “Yesus a maŋwa tulaŋ gargekoba yeleŋeqnu.” Degsib qusib deqa naŋgo ma tamo kalil joqsib Yesus aqa areq osi beleŋeb. Tamo ma utru segi segi osi beleŋeb. Tamo jejamu jaqatiŋnjro qaji naŋgi ti tamo mondor uge uge na ojeleŋo qaji naŋgi ti tamo gate na nanarioqnsib maŋgaloqneb qaji naŋgi ti tamo jejamu lainjro qaji naŋgi ti kalil joqsib beqnab Yesus na boletnjroqnej.

Matyu 9:33

Osi bonabqa Yesus na mondor uge di wiyetonaqa aqa meŋ otyonaqa medabu waqtosiqa anjam maroqnej. Onaqa tamo uŋgasari kalil naŋgi Yesus aqa maŋwa di unsibqa naŋgi are koba qaloqnsib maroqneb, “Israel sawaq endia tamo bei na kumbra deqaji bei yeqnaq iga nami unosaioqnem.”

Mak 5:14

Onaqa bel taqatoqneb qaji tamo naŋgi kumbra di unsibqa deqa jaraiosib qure miligiq aisib tamo uŋgasari kalil naŋgi sainjroqnsib laqneb. Gamq dia dego sainjroqnsib laqneb. Onaqa naŋgi qusibqa naŋgi Yesus unqajqa marsib aqa areq beleŋeb.

Mak 5:16

Onaqa tamo naŋgo ŋamdamu na Yesus a mondor uge di winjrnaq uneb qaji naŋgi bel qa ti tamo mondor uge qa ti tamo uŋgasari naŋgi sainjrnab queb.

Mak 5:18

Onaqa Yesus a qobuŋ gogetosiq gilqa laqnaqa tamo mondor uge wiyetej qaji a siŋgila na pailosiq minjej, “E ni daurmqai.”

Mak 5:4

Bati gargekoba tamo qudei naŋgi na aqa siŋga ti baŋ ti sil kokba na tonteqnabqa a olo kukoqyoqnej. Tamo bei na a ojqa keresai bolesai.

Mak 5:9

Onaqa Yesus na mondor uge di nenemyej, “Ino ñam yai?” Degsi nenemyonaqa minjej, “Ijo ñam Qoto Tamo Gargekoba. Iga mondor tulaŋ gargekoba tamo endi aqa jejamuq di unum.”

Luk 10:39

Marta aqa jaja bei soqnej aqa ñam Maria. A dego Tamo Koba Yesus unej. Unsiqa aqa siŋgaq di awoosiqa aqa anjam quoqnej.

Luk 8:27

Tiryosibqa Yesus a mandamq ainaqa qure deqaji tamo bei bosiqa Yesus itej. Tamo di a mondor uge uge na ojeleŋo qaji. A bati gaigai yosi laqnej. A nami koba degsi soqnej. A talq di ŋeiosaioqnej. A gaigai tamo sub ato sawaq di ŋeioqnej.

Kolosi 1:13

Nami iga ambruq di soqnem. Ambru aqa siŋgila dena iga taqatgesoqnej. Onaqa bunuqna Qotei na iga ambruq dena eleŋosiqa aqa segi Ŋiri qujai tulaŋ qalaqalaiyeqnu qaji aqa sorgomq di iga atej. Deqa bini Yesus a gago Mandor Koba sosiqa iga taqatgejunu.

2 Timoti 1:7

Ni qalie, Qotei a na iga ulaqajqa deqa aqa Mondor iga egosai. A na iga siŋgilatgwajqa deqa aqa Mondor egej. Mondor dena gago areqalo tigeltetgeqnaqa iga tamo naŋgi qalaqalainjroqnsimqa gago so ti gago walwel ti geregere taqateqnum.