Mak 4:8 - Yesus Aqa Anjam Bole

⁸ Ariya saga yago qudei mol mandam boledamuq di aieb. Di aisib oqoboledamuysib gei tulaŋ gargekoba ateleŋeb. Qudei 30. Qudei 60. Qudei 100.”

Mak 4:8 Iomraidhean Croise

Matyu 13:23

Ariya saga yago qudei mol mandam boledamuq di aieb qaji di aqa utru endegsi unu. Tamo qudei naŋgi Qotei aqa anjam qusib geregere poinjrimqa naŋgo are miligiq di siŋgilatesqab. Deqa Qotei aqa anjam di naŋgo are miligiq di saga bul utru segi segi boleosim tulaŋ kobaqas. Qudei 100. Qudei 60. Qudei 30.”

Matyu 13:8

Ariya saga yago qudei mol mandam boledamuq di aieb. Di aisib oqoboledamuysib gei tulaŋ gargekoba ateleŋeb. Qudei 100. Qudei 60. Qudei 30.

Mak 4:20

Ariya saga yago qudei mol mandam boledamuq di aieb qaji di aqa utru endegsi unu. Tamo qudei naŋgi Qotei aqa anjam qusib naŋgo are miligiq di geregere ojsib siŋgilatqab. Deqa Qotei aqa anjam di naŋgo are miligiq di tulaŋ kobaqas. Qudei 30. Qudei 60. Qudei 100.”

Mak 4:7

Ariya saga yago qudei sil luwit ambleq di aieleŋeb. Dena oqeb qaji sil luwit na dego dauryosiq oqsiq kabutnjrnaq geitosai.

Mak 4:9

Yesus a na tamo uŋgasari naŋgi yawo anjam degsi minjrsiq koboonaqa olo endegsi minjrej, “Tamo a dabkala ti sqas di a ijo anjam endi geregere quem.”

Luk 8:15

Ariya saga yago qudei mol mandam boledamuq di aieb qaji di aqa utru endegsi unu. Tamo qudei naŋgi Qotei aqa anjam qusib ojsib dauryoqnqab. Naŋgo are miligi bolequja deqa naŋgi siŋgila na tigelesosib gei bole ateleŋqab.”

Luk 8:8

Saga yago qudei mol mandam boledamuq di aisib oqoboledamuysib gei tulaŋ gargekoba ateb. 100 dego.” Yesus na tamo uŋgasari naŋgi yawo anjam degsi minjrsiq koboonaqa a tulaŋ koba leleŋosiq marej, “Tamo a dabkala ti sqas di a ijo anjam endi geregere quem.”

Jon 15:5

“E segi wain ŋamtaŋ bole. Niŋgi ijo dani bul. Tamo bei a e beterbesqas di e dego a beteryesqai. Yimqa a gei koba ateleŋoqnqas. Niŋgi e uratbqab di niŋgi kumbra bole bei yqa keresai.

Jon 7:17

Tamo bei a Qotei aqa areqalo dauryqajqa are soqnimqa anjam e mareqnum qaji endi aqa utru a geregere poiyqas. Osim qalieqas, ijo anjam endi Qotei aqaq dena bej. E ijo segi areqalo na marosaieqnum. A degsim qalieqas.

Aposel 17:11

Juda tamo uŋgasari Beria qureq di soqneb qaji naŋgo kumbra tulaŋ boledamu. Tesalonaika qureq di soqneb qaji naŋgi ti keresai. Juda tamo uŋgasari Beria qureq di soqneb qaji naŋgi Qotei aqa anjam quqwajqa tulaŋ areboleboleinjreqnaqa bati gaigai Qotei aqa anjam nami neŋgreŋyeb qaji di geregere peleiyoqneb. Pol wo Sailas wo naŋgo anjam bole kio sai kio di naŋgi qalieqa marsib deqa bati gaigai naŋgo aiyel anjam ti Qotei aqa anjam nami neŋgreŋyeb qaji de ti geregere tenemtoqneb.

Efesus 2:21

Tal di aqa tanu kalil naŋgi Kristus beteryejunub deqa naŋgi kalil koba na siŋgila na tigelejunub. Qotei a na tal di gereiyoqnsiq unu. Deqa tal di kobaqujaoqnsiqa Tamo Koba Qotei aqa segi tal bul tigelejunu.

Filipai 1:11

O was qu, kumbra bole kalil Yesus Kristus a segi na babteqnu qaji di nuŋgoq di tulaŋ kobaoqnqajqa deqa e niŋgi qa pailyeqnum. Yim tamo uŋgasari naŋgi nuŋgo kumbra di unsib Qotei aqa ñam soqtoqnqab.