Mak 4:7 - Yesus Aqa Anjam Bole

⁷ Ariya saga yago qudei sil luwit ambleq di aieleŋeb. Dena oqeb qaji sil luwit na dego dauryosiq oqsiq kabutnjrnaq geitosai.

Mak 4:7 Iomraidhean Croise

Matyu 13:22

Saga yago qudei sil luwit ambleq aieb qaji di aqa utru endegsi unu. Tamo qudei naŋgi Qotei aqa anjam qusibqa naŋgo areqalo miligiq di esoqnibqa ariya bunuqna naŋgi olo mandam qa iŋgi iŋgi qa are koba qaloqnsibqa silali koba oqnqajqa are prugnjroqnqas. Yimqa naŋgo areqalo dena naŋgi wala walainjrsim Qotei aqa anjam naŋgo are miligiq di tentimqa di loumqas. Deqa a gei boletosai.

Matyu 13:7

Ariya saga yago qudei sil luwit ambleq di aieleŋeb. Dena oqeb qaji sil luwit na dego dauryosiq oqsiq kabutnjrnaq geitosai.

Matyu 13:8

Ariya saga yago qudei mol mandam boledamuq di aieb. Di aisib oqoboledamuysib gei tulaŋ gargekoba ateleŋeb. Qudei 100. Qudei 60. Qudei 30.

Mak 4:6

Naŋgo jirim tulaŋ guma aiosai deqa seŋ oqsiq kaŋkaŋonaqa naŋgi laosib moreŋeb.

Mak 4:8

Ariya saga yago qudei mol mandam boledamuq di aieb. Di aisib oqoboledamuysib gei tulaŋ gargekoba ateleŋeb. Qudei 30. Qudei 60. Qudei 100.”

Luk 12:15

Degsi minjsiqa tamo uŋgasari kalil naŋgi endegsi minjrej, “Niŋgi ñoro koba ti sqajqa deqa are koba qaloqnaib. Niŋgi ñoro koba ti sqab dena niŋgi ŋambile bole oqa keresai. Niŋgi ijo anjam deqa geregere are qaliye.”

Luk 21:34

Osiqa Yesus a olo anjam endegsi minjrej, “Niŋgi geregere ŋam atsib soqniye. Niŋgi ya uge uyoqnsib nanarioqnqajqa are prugŋgoqnaiq. Nuŋgo segi jejamu qa iŋgi iŋgi qa areqalo kobaiyoqnaib. Niŋgi kumbra uge kalil deqaji yoqnibqa e urur mandamq aisiy niŋgi pruqtŋgo uge.

Luk 8:14

Saga yago qudei sil luwit ambleq aieb qaji di aqa utru endegsi unu. Tamo qudei naŋgi Qotei aqa anjam qusibqa naŋgo areqalo miligiq di esoqnibqa ariya bunuqna une bei bei naŋgoq bamqa naŋgo segi jejamu qa ulaoqnqab. Naŋgi ñoro koba esqajqa ti naŋgo segi jejamu qa areboleboleinjrqajqa ti deqa are koba qaloqnsib sqab. Yimqa naŋgo areqalo dena anjam bole naŋgo are miligiq di unu qaji di tentimqa loumqas. Deqa a gei boletosai.

Luk 8:7

Saga yago qudei sil luwit ambleq di aieleŋeb. Dena oqeb qaji sil luwit na dego dauryosiq oqsiq kabutnjrnaq geitosai.