Mak 4:41 - Yesus Aqa Anjam Bole

⁴¹ Onaqa Yesus aqa aŋgro naŋgi aqa siŋgila di unsibqa naŋgi olo tulaŋ koba ulaugetosib segi segi maroqneb, “Yesus a tamo kiero deqa jagwa ti ya ti minjrqoqa aqa anjam qusib laonub? Yqoqa qobuŋ a bole urur ti gilqo.”

Mak 4:41 Iomraidhean Croise

Matyu 14:32

Degsi minjsiqa naŋgi aiyel qobuŋ gogetonabqa jagwa laej.

Matyu 8:27

Onaqa Yesus aqa aŋgro naŋgi aqa siŋgila di unsibqa naŋgi are koba qalsib segi segi maroqneb, “Yesus a tamo kiero deqa jagwa ti ya ti minjrqoqa aqa anjam qusib laonub?”

Mak 4:40

Onaqa Yesus a na aqa aŋgro naŋgi endegsi minjrej, “Niŋgi kiyaqa ulaonub? Niŋgi e qa yala poiŋgosai. Deqa niŋgi ulaonub.”

Mak 5:1

Onaqa Yesus aqa aŋgro naŋgi ti qobuŋ na gilsib ya agu taqal beiq di brantosib Gerasa sawaq di tiryeb.

Mak 5:33

Onaqa uŋa di a endegsi poiyej, “Ijo ma saiqo deqa Yesus a e nubqajqa ŋam ateqnu.” A degsi poiyonaqa tulaŋ ulaugetosiq are toŋtoŋyonaqa jiŋga na bosiq Yesus aqa areq dia siŋga pulutosiq ubtsiq minjej, “E segi na ino gara mutu ojonum.”

Mak 7:37

Mare mare laqnabqa tamo gargekoba quoqnsibqa naŋgi tulaŋ prugeleŋoqnsib maroqneb, “Kumbra kalil Yesus a yeqnu qaji di a geregere yeqnu. Agi a na tamo dabkala geteŋnjro qaji naŋgi boletnjreqnaqa naŋgo dabkala olo waqeqnaqa naŋgi anjam queqnub. Tamo meŋ siŋgilainjro qaji naŋgi dego gereinjreqnaqa naŋgi anjam bole mareqnub.”

Luk 4:36

Onaqa tamo uŋgasari kalil naŋgi Yesus aqa kumbra di unsibqa naŋgi tulaŋ koba prugeleŋosib segi segi maroqneb, “Yesus a anjam bunuj mareqnu. Aqa anjam bunuj di siŋgila ti mareqnu. Agi a na mondor uge naŋgi anjam minjreqnaqa naŋgi aqa anjam dauryosib jaraieqnub.”

Luk 8:25

Onaqa Yesus na aqa aŋgro naŋgi minjrej, “Niŋgi kiyaqa e qa nuŋgo areqalo siŋgilatosai?” Degsi minjrnaqa naŋgi tulaŋ ulaugetosib segi segi maroqneb, “Yesus a tamo kiero deqa jagwa ti ya ti minjrqoqa aqa anjam qusib laonub?”

Hibru 12:28

Qotei a gago Mandor Koba sosiq iga taqatgeqnu. Iŋgi iŋgi kalil a na iga egej qaji di reŋgiŋqasai. Deqa iga Qotei biŋiyoqnsim kumbra a tulaŋ areareteqnu qaji dena a qa louoqnsim aqa ñam soqtoqnsim a qa ulaoqnsim aqa sorgomq di sqom.

Uli Anjam 15:4

O Tamo Koba, ni segi qujai kumbra tulaŋ bolequja yeqnum. Ino jejamuq di une bei saiqoji. Deqa tamo uŋgasari kalil naŋgi bati gaigai ni biŋimoqnsibqa ino ñam soqtoqnsib sqab. Tamo uŋgasari sawa sawa kalilq di unub qaji naŋgi ino areq boqnsibqa ni qa louoqnqab. Di kiyaqa? Ino kumbra bole kalil ni segi na boleq atekritonum.”