Mak 4:31 - Yesus Aqa Anjam Bole

^31-32 Kumbra di tamo bei na sis yago osiq aqa wauq di yagej dego kere. Sis yago naŋgi tulaŋ kiñilala qas yago bul. Iŋgi iŋgi qudei naŋgo yago kokba yala. Sis yago naŋgi tulaŋ kiñilala. Ariya tamo bei na sis yago osiq aqa wauq di yagonaqa bunuqna a oqsiq tulaŋ kobaqujaej. Osiqa ŋam qudei buŋnjrsiq dani kokba ateleŋej. Onaqa qebari naŋgi bosib aqa waburq di awoeleŋeb.”

Mak 4:31 Iomraidhean Croise

Mak 4:30

Yesus a na naŋgi yawo anjam degsi minjrsiq koboonaqa olo endegsi minjrej, “Qotei a tamo uŋgasari naŋgo Mandor koba sosiq naŋgi taqatnjreqnu kumbra di aqa utru niŋgi geregere poiŋgwajqa deqa yawo anjam bei endegsi merŋgwai.

Luk 17:6

Onaqa Tamo Koba Yesus na kamba minjrej, “Nuŋgo areqalo e qa siŋgilato qaji di sis yago bul kiñala sqas di kereqas. Degesqas di niŋgi subar endi minjibqa a nuŋgo anjam dauryosim jirim qoji waqosim aisim yuwalq di tigelqas.”

Aposel 19:20

Naŋgo kumbra dena Tamo Koba Yesus aqa anjam tulaŋ kobaoqnsiqa sawa sawaq gileqnaqa tamo uŋgasari tulaŋ gargekoba naŋgi quoqneb.

Aposel 2:41

Onaqa tamo uŋgasari kalil Pita aqa anjam di qusib naŋgo are miligiq di ateb qaji naŋgi yansnjreb. Bati deqa tamo uŋgasari 3,000 naŋgi Yesus qa naŋgo areqalo siŋgilatosib tamo uŋgasari nami Yesus qa naŋgo areqalo siŋgilateb qaji naŋgo miligiq aisib koba na soqneb.

Aposel 21:20

Onaqa naŋgi Pol aqa anjam di qusibqa naŋgi tulaŋ areboleboleinjrnaqa Qotei aqa ñam soqteb. Osib Pol minjeb, “O gago was Pol, ni qalie, Juda tamo uŋgasari tulaŋ gargekoba naŋgi are bulyoqnsibqa Yesus qa naŋgo areqalo siŋgilateqnub. Naŋgi Moses aqa dal anjam dauryqajqa dego tulaŋ siŋgilaeqnub.

Aposel 4:4

Tamo uŋgasari tulaŋ gargekoba naŋgo aiyel anjam qusib Yesus qa naŋgo areqalo siŋgilateb. Tamo uŋgasari Yesus qa naŋgo areqalo siŋgilateb qaji kalil turteb 5,000.

Aposel 5:14

Tamo ti uŋa ti tulaŋ gargekoba Tamo Koba Yesus qa naŋgo areqalo siŋgilatoqnsib boqnsib tamo nami Yesus qa naŋgo areqalo siŋgilateb qaji naŋgo miligiq aieqnab naŋgi tulaŋ kobaoqneb.

Uli Anjam 11:15

Ariya laŋ aŋgro namba 7 na aqa gul anjamonaqa tamo uŋgasari kalil laŋ qureq di unub qaji naŋgi tulaŋ koba leleŋosib endegsib marnab quem, “Gago Tamo Koba Qotei naŋgi aqa Ŋiri Kristus wo Mandor Kokba sqajqa bati agi brantqo. Deqa naŋgi aiyel bati gaigai Mandor Kokba sosib sawa sawa kalil taqatnjroqnqab.”