Mak 4:24 - Yesus Aqa Anjam Bole

²⁴ Osiqa minjrej, “Qotei aqa anjam niŋgi queqnub qaji endi geregere qusib dauryoqniye. Niŋgi dauryoqnqab dego kere Qotei a kamba powo koba eŋgoqnqas. Osim olo powo tulaŋ koba eŋgoqnsim sqas.

Mak 4:24 Iomraidhean Croise

Matyu 7:2

Niŋgi tamo naŋgi kumbra enjroqnqab dego kere Qotei a kamba niŋgi kumbra eŋgoqnqas. Niŋgi tamo naŋgo kumbra qa naŋgi peginjrqab dego kere Qotei a kamba nuŋgo kumbra di keretosim niŋgi pegiŋgwas.

Mak 9:7

Onaqa laŋbi aisiqa naŋgi kabutnjrnaqa laŋbi miligiq dena anjam bei endegsi brantonaq naŋgi queb, “Endi ijo Aŋgro qujai e na tulaŋ qalaqalaiyeqnum qaji. Niŋgi aqa anjam quetoqniye.”

Luk 8:18

“Deqa niŋgi ijo anjam geregere qusib poiŋgem. Di kiyaqa? Tamo a powo ti sqas di Qotei na powo olo yimqa a powo koba oqas. Ariya tamo a powo ti sqasai di powo kiñala aqaq di unu qaji di Qotei na olo yaiyimqa a laŋa sqas. A mareqnu, ‘E powo ti.’ Di sai. A powo saiqoji.”

Jon 10:16

Ijo kaja qudei dego jeŋ oqeq di unub. Naŋgi jeŋ miligiq endi sosai. Deqa e naŋgi dego joqsiy bosiy ijo kaja jeŋ miligiq endi unub qaji naŋgi ti turtnjrsiy jeŋ qujaiq di breinjrqai. Yim naŋgi mandor qujaiq di sosib ijo medabu dauryoqnqab.

Jon 10:27

Ijo kaja naŋgi ijo medabu queqnub. E naŋgi qa qalie. Naŋgi e daurbeqnub.

Jon 5:25

“Niŋgi quiye. E bole merŋgwai. Bati bei brantqas agi brantqo. Deqa tamo uŋgasari moreŋo qaji naŋgi ijo kakoro qusib dena naŋgi ŋambile oqab. Di kiyaqa? E Qotei aqa Ŋiri deqa.

Aposel 17:11

Juda tamo uŋgasari Beria qureq di soqneb qaji naŋgo kumbra tulaŋ boledamu. Tesalonaika qureq di soqneb qaji naŋgi ti keresai. Juda tamo uŋgasari Beria qureq di soqneb qaji naŋgi Qotei aqa anjam quqwajqa tulaŋ areboleboleinjreqnaqa bati gaigai Qotei aqa anjam nami neŋgreŋyeb qaji di geregere peleiyoqneb. Pol wo Sailas wo naŋgo anjam bole kio sai kio di naŋgi qalieqa marsib deqa bati gaigai naŋgo aiyel anjam ti Qotei aqa anjam nami neŋgreŋyeb qaji de ti geregere tenemtoqneb.

2 Korin 9:6

Niŋgi geregere are qaliye. Tamo a iŋgi kiñala segi yagwas di a iŋgi kiñala segi olo oqas. Ariya tamo a iŋgi koba yagwas di a olo iŋgi koba oqas.

Hibru 2:1

Qotei aqa Ŋiri a ñam kobaquja ej deqa aqa anjam iga nami quoqnem qaji di iga olo siŋgila na ojsim dauryqom. Iga dauryqasai di iga uloŋosim olo aqa anjam dauryqa urato uge.

1 Pita 2:2

Iga qalie, aŋgro mom naŋgi muŋgum qaq uyqajqa qarnjreqnu. Dego kere niŋgi muŋgum qaq boledamu Qotei aqaq dena beqnu qaji di oqajqa are qaloqniye. Muŋgum qaq di agi Qotei aqa anjam. Muŋgum qaq di jiga bei saiqoji. Muŋgum qaq dena nuŋgo qunuŋ aqaryaiyimqa niŋgi tulaŋ boleosib siŋgilaqab. Yim Qotei na niŋgi oqas.

1 Jon 4:1

O ijo kadoi bole, tamo gargekoba naŋgi mandamq endia laqnsibqa gisaŋ anjam endegsib mareqnub, “Qotei aqa Mondor na gago medabu siŋgilatetgeqnaqa iga anjam mareqnum.” Tamo gargekoba naŋgi anjam degsib mareqnub di gisaŋ. Deqa niŋgi mati mondor kalil naŋgi peginjrsib naŋgi Qotei aqaq dena beb kio sai kio di niŋgi qalieqab. Qalieosib naŋgo anjam di qusib nuŋgo areqaloq di siŋgilataib.