Mak 3:6 - Yesus Aqa Anjam Bole

⁶ Onaqa Farisi naŋgi Yesus aqa maŋwa di unsibqa naŋgi a qa minjiŋ oqetnjrnaqa Qotei tal uratosib oqedosib Herot aqa wau tamo naŋgi ti koba na koroosib naŋgi gam kiersib Yesus qalib moiqajqa deqa qairoqneb.

Mak 3:6 Iomraidhean Croise

Matyu 12:14

Onaqa Farisi naŋgi Yesus aqa kumbra di unsibqa naŋgi Qotei tal uratosib oqedosib naŋgi gam kiersib Yesus qalib moiqajqa deqa qairoqneb.

Matyu 22:16

Qairosib anjam kereonaq naŋgo aŋgro qudei Herot aqa wau tamo qudei ti qariŋnjrnab Yesus aqa areq bosib gisaŋyosib minjeb, “O Qalie Tamo Koba, iga qalie, ni anjam bole maro qaji tamo. Ni anjam bole segi tamo uŋgasari naŋgi minjroqnsim Qotei aqa kumbra osornjreqnum. Ni tamo bei ulaiyosaieqnum. Ni tamo ñam ti naŋgi anjam bei minjroqnsim olo tamo ñam saiqoji naŋgi anjam bei minjrosaieqnum. Ni anjam qujai tamo kalil naŋgi minjreqnum.

Mak 12:13

Jaraiosib Farisi naŋgi ti Herot aqa wau tamo qudei ti naŋgoq gilsib minjreb, “Niŋgi Yesus aqaq gilsib a gisaŋyosib anjam bei nenemyibqa a anjam grotimqa di iga qusim ojqom.” Degsib minjrsib naŋgi qariŋnjrnab Yesus aqa areq gilsib gisaŋyosib minjeb, “O Qalie Tamo Koba, iga qalie, ni anjam bole maro qaji tamo. Ni anjam bole segi tamo uŋgasari naŋgi minjroqnsim Qotei aqa kumbra osornjreqnum. Ni tamo bei ulaiyosaieqnum. Ni tamo ñam ti naŋgi anjam bei minjroqnsim olo tamo ñam saiqoji naŋgi anjam bei minjrosaieqnum. Ni anjam qujai tamo kalil naŋgi minjreqnum. Deqa ni iga merge. Iga Sisar takis yqom e? Yqasai e? Takis atqom kio sai kio? Ni kiersi are qalonum?”

Mak 8:15

Degsi mareqnabqa Yesus a naŋgo anjam di qusiqa yawo anjam bei endegsi minjrej, “Niŋgi geregere ŋam atsib soqniye. Bem tiyeqnu qaji sum Farisi naŋgo bem ti bulyimqa bem dena tiyekritosim tulaŋ kobaqujaqas. Herot aqa bem dego tiyekritosim tulaŋ kobaqujaqas. Deqa niŋgi geregere ŋam atsib soqniye.”

Luk 22:2

Deqa bati di atra tamo kokba ti dal anjam qalie tamo naŋgi ti Yesus qalsib moiotqajqa gam ŋamoqneb. Di kiyaqa? Naŋgi tamo uŋgasari naŋgi ulainjreb deqa.

Luk 6:11

Onaqa Farisi naŋgi Yesus aqa siŋgila di unsibqa naŋgi minjiŋ oqetnjrnaqa segi segi qairosib maroqneb, “Bunuqna gam bei brantimqa iga Yesus qalim moiqas.”

Jon 11:53

Ariya bati deqa Juda tamo kokba naŋgi Yesus qalib moiqajqa anjam gereiyoqneb.

Aposel 4:25

Nami ni na ino segi Mondor Bole qariŋyonamqa aisiq ino wau tamo agi gago moma Devit aqa medabu siŋgilatetonaqa endegsi marej, ‘Kiyaqa sawa bei bei qaji tamo naŋgi minjiŋ oqetnjreqnu? Kiyaqa naŋgo areqalo nanarionaq naŋgi Qotei ti qotqajqa qaireqnub?