Mak 3:17 - Yesus Aqa Anjam Bole

¹⁷ Bei Sebedi aqa ŋiri Jems naŋgi aqa was Jon wo. Naŋgo ñam bei Yesus na Boanerges wainjrej. Ñam di aqa damu, “Naŋgo anjam kola bul.”

Mak 3:17 Iomraidhean Croise

Matyu 4:21

Yesus a olo walwelosi gilsiqa Sebedi aqa ŋiri Jems wo aqa was Jon wo naŋgi aiyel qobuŋ miligiq dia naŋgo siqali koba na kakaŋ braŋo qandimeqnabqa unjrsiqa metnjrej.

Mak 10:35

Onaqa Sebedi aqa ŋiri aiyel Jems wo Jon wo naŋgi Yesus aqa areq bosib minjeb, “O Qalie Tamo Koba, aqo aiyel anjam bei mermonam ni gago anjam dauryqa kere kio?”

Mak 14:33

Degsi minjrsiqa aqa aŋgro qalub agi Pita na Jems na Jon na naŋgi segi joqsiqa pailyqajqa sasalej. Sasalosiqa pailyoqnsiqa a are tulaŋ gulubekobaiyej.

Mak 3:16

Tamo 12-pela giltnjrej qaji naŋgo ñam agiende. Bei Saimon. Aqa ñam bei Yesus na Pita waiyej.

Mak 3:18

Ariya Andru wo Filip wo. Bei Bartolomyu naŋgi Matyu wo. Bei Tomas. Bei Alfias aqa ŋiri Jems. Bei Tadius. Bei Saimon agi Rom naŋgi winjrqajqa maroqnej qaji.

Mak 5:37

Degsi minjsiqa tamo uŋgasari kalil naŋgi a dauryqa saidnjrsiqa aqa aŋgro qalub agi Pita na Jems na Jems aqa was Jon na naŋgi segi joqsiqa Jairus ombla gilsib aqa talq di branteb. Brantosib Yesus a ŋam atej tamo uŋgasari tulaŋ gargekoba sosibqa qatroŋ koba yoqnsib akam murqumyeqnab unjrej. Unjrsiqa tal miligiq gilqa osiqa minjrej, “Niŋgi kiyaqa qatroŋ koba yoqnsib akameqnub? Aŋgro di a moiosai. A laŋa ŋeisiq qambumtejunu.”

Mak 9:2

Yesus a na naŋgi anjam degsi minjrsiq koboonaqa bati 6-pela onaqa a tigelosiqa Pita na Jems na Jon na naŋgi qalub joqsiqa koba na mana goge kobaq oqeb. Naŋgi segi qalub oqsib di soqneb. Sosibqa Yesus aqa jejamu bulyonaq naŋgi unobeiteb.

Luk 9:54

Naŋgi degsib marnabqa Yesus aqa aŋgro aiyel Jems wo Jon wo naŋgi qusibqa naŋgi minjiŋ oqetnjrnaqa Yesus minjeb, “O Tamo Koba, ni marimqa iga ŋamyuo metonamqa laŋ goge dena aisim tamo naŋgi di koitnjrqas.”

Jon 21:2

Ya agu qalaq dia Yesus aqa aŋgro 7-pela naŋgi soqneb. Aŋgro bei Saimon Pita. Bei Tomas aqa ñam bei Didimus. Bei Nataniel. Nataniel aqa qure utru Kana. Kana a Galili sawaq di unu. Sebedi aqa ŋiri aiyel naŋgi dego ya agu qalaq di soqneb. Ariya Yesus aqa aŋgro aiyel dego naŋgi koba na soqneb.

Aposel 12:1

Bati deqa Mandor Koba Herot a na Yesus aqa tamo uŋgasari qudei naŋgi ojeleŋosiqa ugeugeinjrej.

Hibru 4:12

Qotei aqa anjam a ŋambile ti unu. A siŋgila na waueqnu. A serie bul tulaŋ qalat. Deqa a na tamo naŋgo are qametnjroqnsiqa naŋgo qunuŋ ti tanu ti siŋga ti jejamu ti kalil miligiq aioqnsiq naŋgo areqalo ti naŋgo are miligi ti geregere pegiyeqnu.

Uli Anjam 10:11

Onaqa naŋgi na olo merbeb, “Ni Qotei aqa medabu osimqa anjam palontoqnqam. Tamo uŋgasari leŋ segi segi qaji, sawa segi segi qaji, anjam maro segi segi qaji naŋgo kumbra qa ni anjam palontoqnqam. Mandor kokba gargekoba naŋgo kumbra qa dego ni anjam palontoqnqam.”