Mak 3:11 - Yesus Aqa Anjam Bole

¹¹ Tamo mondor uge uge na ojeleŋo qaji naŋgi dego Yesus aqa areq boqneb. Boqnsibqa mondor uge naŋgi na Yesus unoqnsib aqa siŋgaq dia siŋga pulutoqnsib maoqnsib minjoqneb, “Ni Qotei aqa Ŋiri.”

Mak 3:11 Iomraidhean Croise

Matyu 14:33

Onaqa tamo qobuŋq di soqneb qaji naŋgi Yesus aqa siŋgila di unsibqa naŋgi aqa ŋam soqtosib minjeb, “Bole, ni Qotei aqa Ŋiri.”

Matyu 4:3

Onaqa walawalaiyo tamo Satan a Yesus aqa areq bosiqa minjej, “Ni Qotei aqa Ŋiriamqa meniŋ kalil endi minjrim bem bulyibqa ni uye.”

Matyu 4:6

“Ni Qotei aqa Ŋiriamqa endena prugosim mandamq aie. Agi Qotei aqa anjam bei nami endegsib neŋgreŋyeb unu, ‘Qotei na aqa laŋ aŋgro naŋgi minjrimqa bosib ni taqatmqab.’ Anjam bei dego nami endegsib neŋgreŋyeb unu, ‘Laŋ aŋgro naŋgi bosib baŋ na ni soqtmibqa ino siŋga meniŋ na qalqasai.’”

Matyu 8:29

Naŋgi aiyel Yesus aqa areq bosib leleŋkobayosib minjeb, “O Qotei aqa Ŋiri, ni iga kiergwajqa bonum? Iga padalqajqa bati bosaisonaqa ni laŋa ambleq di iga jaqatiŋ egwa bonum e?”

Matyu 8:31

Deqa mondor uge naŋgi na Yesus siŋgila na waiŋyosib minjeb, “Ni iga qariŋgimqa iga bel naŋgo jejamuq gileleŋqom.”

Mak 1:1

Qotei aqa Ŋiri Yesus Kristus aqa anjam bole e utruq na saqai.

Luk 4:41

Mondor uge gargekoba dego Yesus na winjreqnaqa naŋgi na tamo uŋgasari naŋgi uratnjroqnsib jaraioqneb. Jaraioqnsib tulaŋ koba leleŋoqnsib Yesus minjoqneb, “Ni Qotei aqa Ŋiri.” Yeqnabqa Yesus a siŋgila na minjroqnej, “Niŋgi ijo ñam ubtsib maraib.” Degsi saidnjroqnej. Di kiyaqa? Naŋgi qalie, Yesus a Kristus deqa.

Luk 8:28

Deqa a Yesus unsiqa tulaŋ koba leleŋosiqa bosiq Yesus aqa areq di siŋga pulutosiqa minjej, “O Yesus, Tamo Koba Qotei aqa Ŋiri, ni e kierbqa bonum? E ni endegsi mermqai, ni e jaqatiŋ ebaim.”

Aposel 16:17

Iga Pol koba na aieqnamqa uŋa di a iga daurgoqnsiqa tulaŋ koba leleŋoqnsiqa maroqnej, “Tamo naŋgi di Tamo Koba Qotei aqa wau tamo. Qotei a niŋgi oqajqa gam di naŋgi na osorŋgeqnub.”

1 Korin 11:34

Niŋgi qudei mamŋgimqa niŋgi mati nuŋgo segi talq di iŋgi uysib bunuqna bosib korooiye. Niŋgi namo bosib koroosib Qotei tal miligiq dia iŋgi koba uyekritqab di niŋgi unetqab. Deqa Qotei na kamba niŋgi gulube eŋgwas. Ariya ijo anjam qudei e mati neŋgreŋyqasai. Bunuqna e niŋgi qa bosiy anjam di nuŋgo ulatamuq di gereiyqai.

Jems 2:19

Ni mareqnum, “Bole, Qotei a segi qujai unu.” Ni kere mareqnum. Ariya mondor uge naŋgi dego degsib maroqnsib Qotei ulaiyeqnub.