Mak 3:10 - Yesus Aqa Anjam Bole

¹⁰ Yesus a nami tamo uŋgasari tulaŋ gargekoba naŋgi boletnjroqnej. Deqa tamo ma ti kalil naŋgi aqa areq boqnibqa a na naŋgo jejamu ojetnjrimqa naŋgi boleqajqa deqa marsib bosib jujuŋyoqneb.

Mak 3:10 Iomraidhean Croise

Matyu 12:15

Onaqa Yesus a naŋgo anjam di qalieosiqa qure di uratosiq walwelosiq gilej. A gileqnaqa tamo uŋgasari gargekoba naŋgi a dauryosib giloqneb. Deqa a na tamo uŋgasari kalil ma ti soqneb qaji naŋgi boletnjroqnej.

Matyu 14:14

Deqa Yesus a qobuŋ na gilsiq tiryosiqa ŋam atej tamo uŋgasari tulaŋ gargekoba nami tiryqa sawaq dia tariŋesonab unjrej. Unjrsiqa naŋgi qa are ugeiyej. Deqa a naŋgo areq aisiqa naŋgo ma tamo kalil boletnjroqnej.

Matyu 14:36

Beleŋoqnsib Yesus minjoqneb, “O Tamo Koba, naŋgi ino gara mutu segi ojibqa naŋgo ma saioqnqas.” Onaqa Yesus na odnjrnaqa ma tamo kalil naŋgi aqa areq boqnsib aqa gara mutu ojoqneb. Ojeqnab naŋgo ma kalil saieleŋoqnej.

Matyu 4:23

Yesus a dena walwelosiqa Galili sawa keretoqnsiqa Juda naŋgo Qotei tal miligiq giloqnsiqa Qotei aqa anjam palontosiq minjroqnej. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam bole di Yesus na palontosiq minjroqnej. Osiqa tamo ma utru segi segi so qaji naŋgi boletnjroqnej.

Mak 5:34

Onaqa Yesus na minjej, “O uŋa, ni ino areqalo e qa siŋgilatosim ijoq bonum deqa ino ma agi koboqo. Deqa ni are lawo na gilsim bole soqnime.”

Mak 6:56

Osiqa walwelosiqa qure kiñilala ti qure kokba ti naŋgo segi segi gamq dia dego branteqnaqa tamo uŋgasari naŋgi a unoqnsibqa tamo ma ti naŋgi joqoqnsib naŋgo qure ambleq dia atoqnsib minjoqneb, “O Tamo Koba, naŋgi ino gara mutu segi ojibqa naŋgo ma saioqnqas.” Onaqa Yesus a na naŋgi odnjreqnaqa ma tamo kalil naŋgi aqa areq boqnsib aqa gara mutu ojoqneb. Ojeqnab naŋgo ma kalil saieleŋoqnej.

Mak 8:22

Yesus a na naŋgi degsi minjrsiqa koba na qobuŋ na gilsib Betsaida qureq di tiryeb. Tiryosib mandamq ainabqa tamo qudei naŋgi na tamo bei ŋam qandimyej qaji a Yesus aqa areq osi bosib minjeb, “Ni ino baŋ aqa gateq di atimqa a olo boleosim ŋam poiyqas.”

Luk 5:3

Qobuŋ bei Saimon aqa qobuŋ. Yesus a Saimon aqa qobuŋ goge di awoosiqa Saimon minjej, “Qobuŋ tututim kiñala sasalosim yaq aiem.” Onaqa Saimon na qobuŋ tututonaq sasalonaqa Yesus a qobuŋ miligiq dia awesosiqa tamo uŋgasari kalil naŋgi alile di sonabqa Qotei aqa anjam plaltosiq minjroqnej.

Luk 6:19

Yesus aqa jejamuq dena siŋgila gileqnaqa tamo ma ti kalil naŋgo ma saioqnej. Yeqnaqa tamo uŋgasari kalil naŋgi Yesus aqa siŋgila di unoqnsib deqa aqa jejamuq di naŋgo baŋ atqa maroqnsib baŋ waiyoqneb.

Luk 7:2

Dia Rom naŋgo qaja tamo gate bei soqnej. Aqa kaŋgal tamo bei a tulaŋ qalaqalaiyoqnej qaji di makobaiysiqa moiqa laqnej.

Luk 7:21

Bati deqa Yesus a na tamo uŋgasari tulaŋ gargekoba ma utru segi segi so qaji naŋgi ti tamo naŋgo jejamu mondor uge uge na ojeleŋo qaji naŋgi ti boletnjroqnej. Tamo ŋam qandimo gargekoba dego boletnjreqnaqa ŋam poinjroqnej.

Aposel 5:15

Deqa naŋgi na tamo uŋgasari ma ti soqneb qaji naŋgi saperaq di ŋeiotnjroqnsib qoboinjrsib boqnsib gam qalaq di ateleŋoqneb. Pita a gam na walwelosim giloqnimqa aqa seŋ qunuŋ na naŋgi waburtnjroqnimqa naŋgo ma kobooqnqajqa deqa are qalsibqa gam qalaq di ateleŋoqneb.