Mak 2:17 - Yesus Aqa Anjam Bole

¹⁷ Onaqa Yesus a Farisi naŋgo anjam di qusiqa minjrej, “Tamo ma saiqoji naŋgi ma gereiyo tamo aqaq gilosaieqnub. Tamo ma ti naŋgi segi ma gereiyo tamo aqaq gileqnub. Tamo bei a marqas, ‘E tamo bole. E une saiqoji.’ E tamo deqaji naŋgi metnjrit ijoq bqajqa e deqa bosai. Tamo a marqas, ‘E une ti.’ E tamo deqaji naŋgi metnjrit ijoq bqajqa e deqa bem.”

Mak 2:17 Iomraidhean Croise

Matyu 18:10

“Deqa niŋgi aŋgro kiñilala e qa naŋgo areqalo siŋgilateqnub qaji naŋgi qa ugeaib. E niŋgi endegsi merŋgwai. Naŋgo laŋ aŋgro naŋgi na naŋgi taqatnjroqnsibqa ijo Abu laŋ qureq di unu qaji aqa ulatamu bati gaigai unoqnsib naŋgi qa pailyeqnub.

Luk 15:10

Osiqa Yesus na olo minjrej, “Dego kere une tamo qujai a are bulyimqa Qotei aqa laŋ aŋgro naŋgi a qa tulaŋ areboleboleinjrqas.”

Luk 15:29

Onaqa ŋiri koba a na kamba aqa siqali minjej, ‘O Abu, ni que. E wausau gargekoba ino anjam dauryosim ni wauetmoqnem. E ino anjam bei yala gotraŋyosaioqnem. Ni deqa e qa are qalsim e ijo kadoi naŋgi ti koba na areboleboleigwajqa kaja du bei qalsim goiosaieqnum.

Luk 15:7

Osiqa Yesus na olo minjrej, “Dego kere une tamo qujai a are bulyimqa laŋ goge dia naŋgi a qa tulaŋ areboleboleinjrqas. Bole, tamo tiŋtiŋ 99 naŋgi nami are bulyeb. Deqa naŋgi olo are bulyqajqa wau saiqoji. Naŋgi qa dego laŋ goge dia naŋgi areboleboleinjreqnu. Ariya une tamo qujai a are bulyimqa naŋgi a qa tulaŋ areboleboleinjrqas.”

Luk 16:15

Onaqa Yesus na kamba Farisi naŋgi minjrej, “Niŋgi mareqnub, ‘Iga kumbra bole yo qaji tamo. Tamo uŋgasari naŋgo ŋamdamuq dia iga kumbra bole bole yeqnum.’ Niŋgi degsib mareqnub. Ariya nuŋgo are miligi di Qotei a segi qalie. Di kiyaqa? Kumbra qudei tamo naŋgi arearetnjreqnu qaji di Qotei aqa ŋamdamuq di tulaŋ ugedamu.

Luk 19:10

E segi Tamo Aŋgro. Deqa e na tamo uŋgasari padalo gamq di unub qaji naŋgi ŋamosiy itnjrsiy eleŋqai. Yimqa naŋgi padalo gam uratosib ŋambile gaigai sqab. E deqa mandamq aiem.”

Jon 9:34

Onaqa Farisi naŋgi na kamba minjeb, “Une aqa kumbra inoq di beterejunu. Ni une ti sosimqa ŋambabem agi bini ni degsi unum. Deqa ni Qotei aqa anjam iga mergaim.” Degsib minjsib a taqalq waiyosib a olo Qotei tal miligiq gilqajqa saidyeb.

Jon 9:40

Onaqa Farisi qudei Yesus aqa areq di soqneb qaji naŋgi aqa anjam di qusib nenemyeb, “Iga dego ŋam qandimgejunu kio?”

Aposel 20:21

E bati gaigai Juda tamo ti Grik tamo ti naŋgi are bulyosib Qotei aqaq bosib gago Tamo Koba Yesus qa naŋgo areqalo siŋgilatqajqa deqa e siŋgila na anjam minjroqnem.

Aposel 26:20

E aqa anjam di dauryosim tigelosim Damaskus qureq aiem. Aisim dia Qotei aqa anjam plaltoqnsimqa tamo uŋgasari naŋgi endegsi minjroqnem, ‘Niŋgi are bulyosib Qotei aqaq bosib nuŋgo kumbra uge uge kalil uratosib kumbra bole bole yoqniye. Amqa tamo uŋgasari naŋgi nuŋgo kumbra di unsib endegsi poinjrqas, “Bole, naŋgi bole are bulyonub.” ’ E Jerusalem dia, Judia sawaq dia, sawa bei beiq dia dego tamo uŋgasari naŋgi anjam degsi minjroqnem.

Taitus 2:14

Kristus a na iga eleŋosim gago une kalil kobotqajqa deqa marsiq aqa segi ŋambile uratosiq moiej. Iga aqa segi tamo uŋgasari boledamu sosim kumbra bole bole siŋgila na dauryoqnqajqa deqa marsiq aqa segi ŋambile uratej.