Mak 16:14 - Yesus Aqa Anjam Bole

¹⁴ Olo bati bei Yesus aqa aŋgro 11-pela naŋgi tal miligiq di awoosib iŋgi uyeqnabqa Yesus a naŋgoq di brantej. Yesus a nami subq na tigelonaqa tamo qudei naŋgi na unsib naŋgi sainjrnab qunab ugeinjrej. Naŋgo areqalo geteŋnjresoqnej. Deqa Yesus a naŋgoq di brantosiqa naŋgi ŋiriŋtnjrej.

Mak 16:14 Iomraidhean Croise

Matyu 11:20

Yesus a qure qudeiq di maŋwa gargekoba yeleŋoqnej. Ariya naŋgi are bulyosai. Deqa a qure deqaji tamo uŋgasari naŋgi qa ŋiriŋej.

Matyu 17:20

Onaqa Yesus na minjrej, “Niŋgi e qa nuŋgo areqalo siŋgilatqa yonub niŋgi tulaŋ truquonub. Deqa niŋgi mondor uge di wiyqa yonub keresaiiŋgwo. Niŋgi quiye. E bole merŋgwai. Nuŋgo areqalo e qa siŋgilatonub qaji di sis yago bul kiñala sqas di kereqas. Degesqas di niŋgi mana kobaquja endi minjibqa a nuŋgo anjam dauryosim tigelosim sawa beiq gilqas. Nuŋgo areqalo e qa siŋgilatonub qaji degesqas di niŋgi kumbra kalil yqa kereiŋgwas.

Matyu 28:17

Oqsib dia Yesus itosib a biŋiyosib aqa ñam soqteb. Ariya naŋgi qudei areqalo aiyeltosib mareb, “Di Yesus bole kio sai kio?”

Mak 7:18

Nenemyonabqa minjrej, “Niŋgi dego ijo yawo anjam di aqa utru poiŋgosaiunu e? Tamo naŋgi iŋgi uyeqnabqa aisiq meneq di unu. Meneq dena bi talq di waiyeqnub. Dena tamo jiga yqa keresai. Di kiyaqa? Iŋgi di tamo aqa are miligiq aiosai. Aqa bi aniq aiqo koboqo. Deqa Qotei aqa ŋamdamuq di iŋgi uyo kalil jiga saiqoji.”

Luk 24:11

Sainjrnab qunab ugeinjrnaq mareb, “Uŋgasari naŋgo anjam di laŋa sa anjam.”

Luk 24:25

Onaqa Yesus na kamba minjrej, “Nuŋgo areqalo tulaŋ truquiŋgwo. Qotei aqa medabu o qaji tamo naŋgo anjam nami maroqneb qaji di niŋgi poiŋgosai.

Jon 20:25

Onaqa Yesus aqa aŋgro naŋgi gilsib Tomas itosib minjeb, “Iga gago Tamo Koba Yesus unonum.” Degsi minjnabqa a naŋgo anjam di qunaq ugeiyonaq minjrej, “E ijo ŋamdamu na Yesus aqa baŋ tutu na qameb qaji pirigi di unsiy ojqai di e marqai, ‘Bole, Yesus a subq na tigelqo.’ E aqa jar baŋga qaja na qameb qaji di dego unsiy ojqai di e marqai, ‘Bole.’ E unqasai di e bole qa marqasai.”

Jon 20:26

Ariya bati 7-pela koboonaqa Yesus aqa aŋgro naŋgi olo tal miligiq di soqneb. Tomas a dego naŋgi koba na soqneb. Siraŋme kalil qandimeleŋesonabqa Yesus a olo tal miligiq di brantosiqa naŋgo ambleq di tigelosiqa minjrej, “O ijo aŋgro, niŋgi are lawo na soqniye.”

Jon 20:27

Osiqa Tomas minjej, “O Tomas, ni ino baŋ gei na ijo baŋ bile qameb qaji aqa pirigi qamsim une. Ino baŋ waiysim ijo jar baŋga aqa pirigi dego oje. Areqalo aiyeltaim. Areqalo qujaitosim e qa ino areqalo siŋgilat.”

Jon 21:1

Onaqa bati bei Yesus a Galili ya agu qalaq dia sosiqa olo aqa aŋgro naŋgoq di brantej. Ya agu di aqa ñam bei Taiberias. Yesus a aqa aŋgro naŋgoq di olo brantej deqa e kiñala saqai.

Jon 21:14

Yesus a nami subq na tigelosiqa aqa aŋgro naŋgoq di brantoaiyeltej. Bini qalubqo.

Aposel 1:3

Nami Yesus a jaqatiŋ koba osiq moiej. Osiqa olo subq na tigelosiqa aqa segi aŋgro naŋgoq di brantoqnsiqa maŋwa gargekoba yeqnaqa naŋgi unoqneb. Unoqnsib maroqneb, “Bole, Yesus a subq na tigelqo. A ŋambile unu.” Bati 40 qa Yesus a mandamq di sosiqa aqa aŋgro naŋgoq di brantoqnej. Brantoqnsiqa Qotei a tamo uŋgasari naŋgo Mandor Koba sosiqa naŋgi taqatnjrejunu anjam di minjroqnej.

1 Korin 15:5

Ariya a subq na tigelosiqa Pita aqaq di brantonaq unej. Osiqa aqa aŋgro 12-pela naŋgoq di dego brantonaq uneb.

Uli Anjam 3:19

Tamo naŋgi e qalaqalainjreqnum qaji di e na olo ŋiriŋtnjroqnsim gereinjreqnum. Deqa ni are siŋgilatosim ino segi kumbra gereiyosim are bulye.