Mak 15:43 - Yesus Aqa Anjam Bole

⁴³ Onaqa bilaqtonaqa tamo bei aqa ñam Josep a Yesus aqa jejamu osim subq atqa marsiqa Pailat a nenemyqa gilej. Josep a Juda naŋgo gate bei. A Arimatea qure qaji. Aqa kumbra tulaŋ boledamu. Deqa tamo uŋgasari kalil naŋgi a qa maroqneb, “A tamo bolequja.” A endegsi are qaloqnej, “Diŋo bati qa Qotei a bosim gago Mandor Koba sqas.” A degsi are qaloqnsiq diŋo bati brantqajqa deqa tariŋosiq soqnej. Ariya Josep a Pailat aqa talq gilsiqa aqa areq di tigelej. A ulaosai. Osiqa Pailat nenemyej, “Ni e odbimqa e Yesus aqa jejamu osiy subq atqa kere e?”

Mak 15:43 Iomraidhean Croise

Matyu 19:30

Ariya tamo gargekoba bini ñam koba ti unub qaji naŋgi mondoŋ ñam saiqoji sqab. Ariya tamo gargekoba bini ñam saiqoji unub qaji naŋgi mondoŋ ñam koba ti tigelqab.”

Matyu 20:16

Yesus a yawo anjam degsi marsiqa olo marej, “Dego kere tamo bini ñam koba ti unub qaji naŋgi mondoŋ ñam saiqoji sqab. Ariya tamo bini ñam saiqoji unub qaji naŋgi mondoŋ ñam koba ti tigelqab.”

Matyu 27:57

Onaqa bilaqtonaqa ñoro tamo bei aqa ñam Josep a Yesus aqa jejamu osim subq atqa marsiqa Pailat a nenemyqa gilej. Josep a Arimatea qure qaji. A dego Yesus daurysi laqnej qaji. Deqa a Pailat aqa talq gilsiqa nenemyej, “Ni e odbimqa e Yesus aqa jejamu osiy subq atqa kere e?” Onaqa Pailat na odyosiqa aqa qaja tamo qudei naŋgi minjrej, “Niŋgi Yesus aqa jejamu osib Josep yiye.”

Mak 14:54

Ariya naŋgi Yesus osi gileqnabqa Pita a kiñala isa isaq na Yesus dauryosiq uli uliosiq gilsiq torei atra tamo gate aqa tal meq di brantej. Brantosiqa naŋgi Yesus kieryib unqajqa deqa qaja tamo qudei naŋgi tal meq dia ŋam tuŋguyosib awesonabqa bosiq naŋgi koba na ŋam yoroqnej.

Mak 15:44

Onaqa Pailat a tulaŋ prugugetosiq marej, “Yesus a urur moiqo e?” Osiqa qaja tamo naŋgo gate koba a metonaq bonaq nenemyej, “Yesus a bole moiqo e?”

Luk 2:25

Jerusalem dia tamo bei soqnej aqa ñam Simion. Aqa so tulaŋ boledamu. A Qotei aqa sorgomq di geregere sosiqa aqa dal anjam kalil dauryoqnej. Qotei aqa Mondor na a siŋgilatonaq soqnej. Qotei na Kristus qariŋyim bosim Israel tamo uŋgasari naŋgo are boletetnjrqajqa deqa Simion a are qalsiq tariŋosiq soqnej.

Luk 2:38

Ariya Simion anjam marsiq koboonaqa Ana a bosiqa aŋgro kiñala di unsiqa Qotei aqa ñam soqtej. Osiqa Jerusalem tamo uŋgasari Qotei na eleŋqajqa deqa tariŋosib soqneb qaji naŋgi Yesus qa sainjroqnej.

Luk 23:50

Tamo bei aqa ñam Josep a dego tigelosiqa Yesus a ŋamburbasq di gaiŋosiq moinaq unej. Josep a Juda naŋgo gate bei. A Arimatea qure qaji. Arimatea qure a Judia sawaq di unu. Josep a tamo bolequja. Aqa kumbra tulaŋ boledamu.

Luk 23:51

Juda gate kokba naŋgi Yesus qalib moiqajqa maroqneb bati deqa Josep a naŋgi koba na marosaioqneb. A uratoqnej. A endegsi are qaloqnej, “Mondoŋ Qotei a bosim gago Mandor Koba sosim iga taqatgwas.” A degsi are qaloqnsiq bati di brantqajqa deqa tariŋoqnsiq soqnej.

Jon 19:38

Onaqa tamo bei aqa ñam Josep a Yesus aqa jejamu osim subq atqa marsiqa Pailat a nenemyqa gilej. Josep a Arimatea qure qaji. A Yesus daurysi laqnej qaji. A Juda tamo kokba naŋgi ulainjrsiq deqa uliosiq Yesus daurysi laqnej. A boleq na dauryosaioqnej. Ariya Josep a Pailat aqa areq gilsiqa nenemyej, “Ni e odbimqa e Yesus aqa jejamu osiy subq atqa kere e?” Onaqa Pailat na Josep odyonaqa a Yesus aqa jejamu osiq subq atqa gilej.

Aposel 13:50

Onaqa Juda tamo qudei naŋgi Pol wo Barnabas wo naŋgo kumbra di unsibqa naŋgi tulaŋ minjiŋ oqetnjrnaqa uŋa kokba qudei Qotei qa louoqneb qaji naŋgi ti qure deqa gate kokba ti naŋgo are ugetetnjrnabqa naŋgi tigelosib Pol wo Barnabas wo naŋgi tulaŋ ugeugeinjrsib naŋgi aiyel qure dia sqajqa siŋgila na saidnjrsib naŋgi winjrnab gileb.

Aposel 17:12

Deqa qure dia Juda tamo uŋgasari tulaŋ gargekoba naŋgi are bulyoqnsibqa Yesus qa naŋgo areqalo siŋgilatoqneb. Grik uŋa kokba qudei ti Grik tamo qudei ti naŋgi dego are bulyosib Yesus qa naŋgo areqalo siŋgilateb.

Filipai 1:14

E tonto talq endia unum deqa Kristen was gargekoba naŋgi kamba siŋgilaoqnsib Tamo Koba Qotei qa naŋgo areqalo siŋgilateqnub. Osib deqa naŋgi ulaosaieqnub. Naŋgi Qotei aqa anjam siŋgila na mareqnub.