Mak 15:28 - Yesus Aqa Anjam Bole

²⁸ Naŋgi kumbra di yeb deqa Qotei aqa anjam bei nami neŋgreŋyeb qaji di aqa damu brantej. Agi endegsib neŋgreŋyeb, “Tamo uŋgasari naŋgi Kristus unsib marqab, ‘A dego une tamo. Deqa a une tamo ti gaiŋesqab.’”

Mak 15:28 Iomraidhean Croise

Mak 15:27

Bati deqa bajiŋ tamo aiyel dego ŋamburbasq di gaintnjrsib ñumeb. Bei Yesus aqa baŋ woq di qameb. Bei Yesus aqa baŋ qonaŋq di qameb.

Mak 15:29

Ariya Yesus a ŋamburbas goge di gaiŋesonaqa tamo uŋgasari naŋgi aqa ulatamuq dena walwelosib gile beoqnsib a misiliŋyoqnsibqa gate gaiŋyoqnsib minjoqneb, “Ni nami marem, ‘E atra tal koba koŋgrontosiyqa bati qalub qa olo tigeltqai.’ Ni nami degsi marem.

Luk 22:37

Niŋgi quiye. Qotei aqa anjam bei nami e qa neŋgreŋyeb qaji di aqa damu brantqas. Agi nami e qa anjam endegsib neŋgreŋyeb, ‘Tamo uŋgasari naŋgi Kristus unsib marqab, “A dego une tamo. Deqa a une tamo naŋgi koba na gaiŋesqab.” ’ Degsib e misiliŋbqab. Yimqa Qotei aqa anjam kalil nami e qa neŋgreŋyeb qaji di aqa damu brantqas.”

Hibru 12:2

Osim iga Yesus koqyoqnqom. Iga Qotei qa gago areqalo siŋgilateqnum kumbra di agi Yesus a segi utru. Bunuqna a na gago kumbra di torei keretqas. Yesus a qalie, a Qotei aqa anjam geregere dauryosim ŋamburbasq di moiqas di bunuqna a olo ŋambile bole osim tulaŋ areboleboleiyqas. A deqa are qalsiq siŋgilaosiq ŋamburbasq di moiej. A nami qalieej, a ŋamburbasq di moiqas di tamo uŋgasari naŋgi a qa maroqnqab, “A tamo tulaŋ uge deqa a moiqo.” Yim a jemakobaiyqas. Ariya Yesus a jemai deqa are qalosai. A Qotei aqa anjam dauryosiq moiej. Ariya bini a olo laŋ qureq dia Qotei aqa awo jaram baŋ woq di awejunu.