Mak 15:21 - Yesus Aqa Anjam Bole

²¹ A osi giloqnsibqa gamq dia tamo bei walwelosiq Jerusalem qureq aieqnaqa a turosib ojsib Yesus aqa qawarq dena ŋamburbas yaiyosib tamo di yonabqa a kamba qoboiyosiqa Yesus gam na dauryosiq giloqnej. Tamo di aqa ñam Saimon. A Sairini qure qaji. A Aleksander wo Rufus wo naŋgo siqali.

Mak 15:21 Iomraidhean Croise

Matyu 27:32

A osi giloqnsibqa gamq dia tamo bei walwelosiq aieqnaqa a turosib ojsib Yesus aqa qawarq dena ŋamburbas yaiyosib tamo di yonabqa a kamba qoboiyosiqa Yesus gam na dauryosiq giloqnej. Tamo di aqa ñam Saimon. A Sairini qure qaji.

Matyu 5:41

Qaja tamo bei na ni ojsim siŋgila na mermqas, ‘Ni ijo iŋgi iŋgi qoboiyetbosim e daurbosim gam truquyala endeq gile.’ A degsi mermimqa ni na aqa anjam di buŋyosim aqa iŋgi iŋgi qoboiyetosim dauryosim gam olekobaq osi gilete.

Mak 15:20

Naŋgi degsib Yesus misiliŋyosib koboonaqa gara lent di piqtetosib aqa segi gara jugo qaji di olo jigetosib aqa qawarq di aqa segi ŋamburbas atetosib a baŋ ojsib qamqajqa osi gileb.

Luk 14:27

Tamo bei na aqa segi ŋamburbas qoboiyosim e daurbqasai di a ijo aŋgro sqa keresai.”

Luk 23:26

A osi giloqnsibqa gamq dia tamo bei walwelosiq Jerusalem qureq aieqnaqa a turosib ojsib Yesus aqa qawarq dena ŋamburbas yaiyosib tamo di yonabqa a kamba qoboiyosiqa Yesus gam na dauryosiq giloqnej. Tamo di aqa ñam Saimon. A Sairini qure qaji.

Jon 19:17

Degsi minjrnaqa ariya qaja tamo naŋgi na Yesus osib aqa qawarq di aqa segi ŋamburbas qoboiyetosib a baŋ ojsib Jerusalem qure uratosib osi gilsib sawa agu kiñala bei aqa ñam Tamo Gate Tanu di branteb. Ñam di Hibru anjam na Golgota mareqnub.

Aposel 11:20

Ariya naŋgo ambleq di Saiprus qaji tamo qudei ti Sairini qaji tamo qudei ti soqneb. Naŋgi Antiok qureq aisib dia Grik tamo naŋgi dego Tamo Koba Yesus aqa anjam bole plaltosib minjroqneb.

Aposel 13:1

Antiok qureq dia Yesus aqa tamo uŋgasari naŋgo ambleq di Qotei aqa medabu o qaji tamo naŋgi ti Qotei aqa anjam plalto qaji tamo naŋgi ti soqneb. Naŋgo ñam agiende. Bei Barnabas. Bei Simeon aqa ñam bei Niger. Ñam di aqa damu, “Jejamu tulu.” Bei Lusius. A Sairini qaji. Bei Manain. A nami Tamo Koba Herot ombla aŋgro sosibqa tal qujaiq di boleeb. Ariya bei Sol.

Aposel 2:10

Iga qudei Frigia, Pamfilia, Isip, Libia sawa Sairini sawa jojomq dena beleŋem. Iga qudei Rom dena beleŋem.

Aposel 6:9

Onaqa bati bei Juda tamo qudei naŋgi tigelosib Stiven ombla anjam na qotoqneb. Tamo naŋgi di Juda naŋgo Qotei tal beiq dia gaigai louoqneb. Naŋgi nami kaŋgal tamo sonabqa uratnjrnab laŋa soqneb deqa naŋgi Qotei tal dia louoqneb. Deqa Qotei tal di aqa ñam endegsib waiyeb, “Tamo Laŋaj Naŋgo Qotei Tal.” Tamo naŋgi di Stiven ombla anjam na qotoqneb. Naŋgi nami Sairini qure ti Aleksandria qure ti Silisia sawa ti Esia sawa dena ti beleŋeb.

Rom 16:13

Niŋgi ijo kaiye anjam endi Rufus dego minjiye. A tamo bole deqa a Tamo Koba Yesus dauryeqnu. Aqa aniqali dego ijo kaiye anjam endi minjiye. A ijo ai bul.